Со рок до јуни 2025 година, новиот закон за судскиот совет е клучен елемент во реформската агенда на Северна Македонија, со цел зајакнување на независноста на судските органи наместо нивно распуштање. Европската комисија го поддржа овој реформски чекор, истакнувајќи ја важноста на мерките за борба против корупцијата и усогласување со европските стандарди.“

Рокот за усвојување на новиот закон за судскиот совет во Северна Македонија е поставен за јуни 2025 година, со што Владата одлучи да се фокусира на консолидација и подобрување на работата на советот наместо на негово целосно распуштање. Европската комисија, со поддршка на овој чекор, одобри зелено светло за реформската агенда на Северна Македонија, што е чекор напред кон исполнување на препораките од Венецијанската комисија и Оценската мисија на ЕУ. Во документот од ЕК се потенцира дека реформите се дел од борбата за стабилно правосудство, додека владата на Северна Македонија изразува посветеност кон имплементирање одржливи промени.

Реформската агенда добива поддршка од Европската комисија

Во последниот извештај на Европската комисија, реформите на Северна Македонија во судскиот систем се оценети како суштински чекор кон зацврстување на правосудството. Со тоа, според Комисијата, новиот закон треба да ја зајакне независноста на судскиот совети да ги отвори патиштата за борба против корупцијата. ЕК забележува дека реформските чекори ќе овозможат напредок во истрагите, кривичното гонење, и зголемување на бројот на конечни пресуди, со почитување на стандардите од ЕУ.

• „Потребен е нов закон за независен судски совет, што ќе ја поддржи борбата против корупцијата и ќе овозможи напредок во истрагите и судските постапки. Промените се од суштинско значење за приближување кон европските стандарди,” наведува Европската комисија.

Владата ја менува стратегијата: без распуштање и со нов закон за судскиот совет

Иако претходно Владата на Северна Македонија навести дека распуштањето на судскиот совет може да биде дел од планот за реформи, реформската агендасе насочува кон зајакнување и надградување на работата на овој клучен орган. Владата истакнува дека, и покрај недостатокот на поддршка за јавна расправа, останува посветена на поставување на правосудството како стабилна и ефикасна структура која ги поддржува демократските вредности.

• „За да се постигне одржливо решение, побаравме отворена расправа и инклузивност, но досега не добивме соодветна поддршка. Ова остава простор за прашање дали постојат заинтересирани страни кои се загрижени поради можноста за распуштање на институцијата. Како Влада, остануваме посветени на носење решенија кои ќе бидат темел на едно стабилно демократско општество,” велат од Владата.

Промени во кривичниот законик и подобрување на ефикасноста на јавните обвинители

Реформската агенда, исто така, предвидува враќање на делата злоупотреба на службена должност и злосторничко здружување во новиот кривичен законик, откако тие беа избришани во претходни измени. Европската комисија во својот извештај истакнува дека овие измени се важен чекор за стабилност и законитост. Дополнително, предвидени се законски промени за подобрување на ефикасноста на јавните обвинители, со цел зајакнување на нивната улога во правосудниот систем и обезбедување поголема правна сигурност.

Европската комисија во извештајот заклучува дека овие мерки се клучни за правната стабилност и приближување кон европските стандарди, и ги поздравува чекорите на Северна Македонија за транспарентност и одговорност во правосудниот систем.

Во вечерното гостување на Телевизија 24, Вицепремиерот Изет Меџити истакна дека секогаш кога ДУИ е слаба добиваат граѓаните албанци и државата.
Кога во минатото ДУИ имаше 10 пратеници, државата стана членка на НАТО и сега мислам дека истото може да се случи. Во изминатите години имавме декларативни изјави кои убаво звучат, но ни милиметар не се доближивме кон Европска унија. Ова е ставот на вицепремиерот Изет Меџити на прашања поврзани со работењето на ДУИ и интеграција на државата.
Во поглед на најавите за дестабилизација, Изет Меџити истакна дека државата е дел од НАТО, партнер со земјите членки на НАТО и сме гарант дека оваа Влада оди на добар пат и прави европски чекори.

Општина Битола, во соработка со Хепар центар – Битола, ја поддржува кампањата за подигнување на свеста за борбата против ракот на црниот дроб, преку осветлување на Саат кулата во боите на црнодробниот карционом.

На овој начин се истакнува итната потреба за справување со ракот на црниот дроб, кој според најновите проценки објавени во Европскиот информативен систем за рак (ECIS), претставува шеста водечка причина за смртност од рак во Европа. Податоците, исто така покажуваат значителна родова разлика: мажите, речиси двојно поверојатно е да бидат дијагностицирани и да починат од рак на црниот дроб во споредба со жените, со доживотен ризик од 1 на 91 за мажи и 1 на 333 за жени. Повеќето случаи кај жените се појавуваат по 70-та година, додека кај мажите, случаите се подеднакво распределени меѓу возрастите 45-69 и над 70 години.

Превенцијата од ракот на црниот дроб е централна фокусна точка на стратегијата на ЕУ, со акцент на поздрав начин на живот и намалување на изложеноста на ризични фактори, како што се нездрава исхрана, употреба на тутун, консумирање алкохол и недостаток на физичка активност. Со 70% од случаите на рак на црниот дроб глобално поврзани се инфекции од хепатитис Б и Ц. Напорите за превенција вклучуваат и подобрување на пристапот до вакцинација против хепатитис Б, што може значително да го намали ризикот од рак на црниот дроб. Иако нема вакцина за хепатитис Ц, планот за победа над ракот на Европа работи на подобрување на пристапот до третмани кои можат да спречат рак на црниот дроб поврзан со овој вирус.

Напорите за превенција не само што го намалуваат бројот на случаи, туку и помагаат да се намалат пошироките економски и социјални трошоци поврзани со оваа болест. Порталот за знаење за промоција на здравјето и превенција на болести нуди вредни алатки за да им помогне на владите и организациите да преземат акција против ракот на црниот дроб и другите незаразни болести.
Заедно да ја направиме превенцијата од рак на црниот дроб приоритет, да спасиме животи и да се движиме кон поздрав иднина!