Македонија

Патрониот празник на ОУ “Стив Наумов“ од Битола под мотото “Моето училиште, Мојот град, Моето се“

Вечерва пред преполната сала на Центарот за култура Битола традиционално се одржа прославата на патрониот празник на ОУ “Стив Наумов“ од Битола под мотото “Моето училиште, Мојот град, Моето се“.

Повеќе од двесте и седумдесет ученици продефилираа низ сцената за да ги покажат своите балетски, драмски и музички точки. Во еден набој на силна енергија, детска искреност и ентузијазам, учениците покажаа како се сака своето училиште и колку им се важни ваквите настани.

Со пригодно обраќање се претставија, најпрво директорот на училиштето Никола
Пискачев, кој истакна:

-Ако се сеќавате мотото на ланската приредба беше “Сакаме спортска сала!“, е па драги пријатели, денес тоа е реалност, нашето училиште го доби проектот за енергетска фасада и за спортска сала, и тука не застануваме. Докажавме дека упорната работа се исплати, а тоа го правиме за сите наши ученици кои се иднината на Република Македонија, тие се нашата иднина!“.

По неговото обраќање на сцената гостите имаа можност да го слушнат и говорот на внукот на Стив Наумов, господинот Стефан Бошков, претседател на Општинската организација на Сојузот на борците на Македонија, кој ја истакна големата улога на училиштето во чувањето на споменот на херојот Стив, но и афирмацијата со добрата работа која ова училиште ја потврдува секоја година и соработката која прерасна во пријателство. Беше истакнато дека училиштето со гордост го носи името на Стив Наумов.

На крај се обрати и доктор Тони Коњановски, градоначалникот на општина Битола, истакнувајќи дека ваквите прослави се посебно значајни за општината, а мотото на овај патронат е вистински погодок затоа што и треба да биде едно, училиштето, градот, заедницата, само така ќе има успех за сите.

Коњановски со пофални зборови ја почасти целокупната организација на прославата и им честита на сите учесници за исклучителниот влог и прославувањето на денот на нашиот најголем херој Стив Наумов.

Прославата беше последна во редот на настаните кои преку цела недела го одбележаа патрониот празник, а меѓу нив имаше ревијални спортски натпревари, крводарителска акција, работилница за креативно пишување, доделување на литературни и ликовни награди од општинскиот конкурс.

Македонија

Ледени утра ни претстојат: Температурите паѓаат до -8 степени

Македонија денеска е под влијание на влажен бран со облачно време и повремени врнежи од дожд, додека на планините врнежите ќе бидат од снег.

Од петок се очекува стабилизирање на времето, но со значителен пад на утринските температури. За време на викендот и во почетокот на следната недела утрата ќе бидат ведри, но многу студени, со температури кои насекаде ќе се спуштат под нулата.

Најниските утрински температури се предвидуваат во недела и понеделник, кога на места ќе достигнат и до -8 степени. Дневните температури кон крајот на периодот ќе бидат во благ пораст, достигнувајќи до 10 степени.

Македонија

Тошковски сооошти дали ќе има толеранцијата на камерите „Сејф Сити“

Министерот за внатрешни работи, Панче Тошковски, за „Топ Тема“ на Телма изјави дека камерите од системот „Сејф Сити“ ќе имаат исти отстапки како што се применуваат кај полициските радари.

Според министерот, за брзини до 100 км/ч ќе важи толеранција од 6 км/ч, за брзини над 100 км/ч – 8 км/ч, а за брзини над 200 км/ч – 12 км/ч.

Тошковски нагласи дека овие толеранции се однесуваат само на сообраќајни прекршоци, додека во случаи на кривични дела поврзани со сообраќајот, толеранција нема да се применува.

Македонија

Сали и Хоџа нови министри: ВЛЕН најавува засилени реформи и европски курс

Со изборот на Беким Сали за прв вицепремиер и министер за европски прашања и Мухамет Хоџа за министер за животна средина и просторно планирање, коалицијата ВЛЕН јасно го поставува правецот на своето делување – кон реформи, кон Европа и кон држава што работи во интерес на граѓаните.

Именувањето на Беким Сали претставува потврда за политички профил со интегритет, искуство и визија. Како пратеник, Сали важеше за еден од најактивните и најконструктивните гласови во Собранието, со иницирање и поддршка на конкретни законски решенија во интерес на граѓаните и унапредување на институционалните стандарди. Во новата улога како прв вицепремиер и министер за европски прашања, тој ја презема одговорноста за една од стратешките определби на ВЛЕН и на Владата – европскиот пат на државата. Со лидерство, професионалност и решителност, Сали ќе работи на интензивирање на реформите и враќање на довербата дека европската интеграција е реален, мерлив и неповратен процес.

Подеднакво значајно е и именувањето на Мухамет Хоџа на чело на Министерството за животна средина и просторно планирање. Во период кога заштитата на животната средина, уредувањето на урбаниот простор и одржливиот развој се меѓу клучните предизвици, овој ресор бара сериозна работа, стручност и храбри одлуки. Од ВЛЕН истакнуваат дека веруваат оти Хоџа ќе го води секторот одговорно, ставајќи го јавниот интерес пред секоја друга сметка и носејќи политики што ќе ја заштитат животната средина, ќе го уредат просторот и ќе го подобрат квалитетот на живот на граѓаните.

Според ВЛЕН, овие именувања јасно покажуваат дека коалицијата промовира кадри кои работат, а не само зборуваат, кои спроведуваат реформи, а не импровизираат, и кои државата ја гледаат како сервис за граѓаните, а не како партиска сопственост. Со Беким Сали и Мухамет Хоџа на овие клучни позиции, Владата добива нова енергија, јасна европска ориентација и капацитет за конкретни резултати.

Во соопштението, ВЛЕН повторува дека останува посветена на длабоки реформи, европска интеграција и градење институции кои работат со чесност, транспарентност и одговорност.

На крај, од коалицијата изразуваат почит и благодарност до досегашните министри Орхан Муртезани и Изет Меџити за нивниот значаен придонес, одговорното раководење и коректната соработка.