Сончево е, тревата е зелена, излезете да гласате, порача Борисов

Лидерот на „Вазраждане“ (Преродба), Костадин Костадинов гласаше во просторијата во која учел неговиот син од прво до четврто одделение.

„Гласав Бугарија да биде за пример, а не за потсмев“, изјави Костадинов. „Пред се, да не бидеме за потсмев во очите на сопствениот народ“, додаде тој.

Според него, лошото е што има катастрофално слаб одѕив на гласачите. Тој се обрати кон бугарскиот народ со зборовите: „Ако денес не излезете да гласате, ја убивате сопствената иднина, сопствената сегашност“.

Гласајте, многу е важно. Се додека не ги видиме резултатите, нема смисла да се погодува дали ќе има влада“, порача исто така поранешниот премиер Николај Денков откако го оствари своето избирачко право.

„Има различни социолошки истражувања, но верувам дека народот во Бугарија е разумен и дека заедно ќе го најдеме вистинскиот пат“, додаде тој.

Кирил Петков, лидерот на Промените продолжуваат,  гласаше машински, се надева дека Бугарија ќе оди  напред.

 „Политичката одговорност ја носат партиите кои се на првите места“, додаде тој.

Петков рече дека е импресиониран од 100-годишниот дедо Иван, кој му рекол дека не му е доста од гласањето и го повторил тоа затоа што тоа било во интерес на државата.

„Гласав за зголемување на приходите, за здравство без дополнителни плаќања, за продолжување на антикорупциската политика. Се надевам дека ќе има кабинет врз основа на формулата што ја предлагаме. Се надеваме дека Бугарија ќе оди право напред“, рече Петков.

„Гласањето го намалува товарот на купување гласови. Затоа, мислам дека денеска треба многу добро да размислиме, и секој бугарски граѓанин да оди да гласа. Се надевам и дека по изборите ќе имаме силна политичка влада – дали ќе се состои од неколку коалиции, за тоа ќе одлучуваат партиите што ќе влезат во парламентот“,о изјави потпретседателката Илијана Јотова..

„Да го видиме резултатот од изборите, кој ќе биде втора, трета политичка сила, верувам дека има можност за преговори и јасно дефинирана програма, а пред се силни луѓе – лидери. Кога едно општество треба да излезе од криза, му требаат силни лидери, а не луѓе кои допрва треба да ги знаеме кои се и што се“, рече Јотова.

„За време на оваа кампања посетив многу регионални градови и села. Луѓето сакаат влада, безбедност и стабилност. Не покажавме само што направивме, не кажавме само што ќе правиме, туку како ќе го направиме тоа“,  изјави лидерот на ГЕРБ, Бојко Борисов.

„Во овој момент нека излезе народот да гласа, сончево е, тревата е зелена, одлично е да се игра. Пазете се од Гунди во последните секунди“, изјави Борисов.