Утре на владина седница ќе се разгледува предлог буџетот за 2025 година, дознава ТВ 24. Според информациите вредноста на капиталните инвестиции ќе надминат 715 милиони евра. А проекциите за буџетски дефицит и раст на бдп се поставени со фискалната стратегија.

Од министерството за финансии се на став дека се работи за развоен буџет, односно парите од државната каса ќе се трошат на проекти кои ќе придонесат за подобар живот на граѓаните. Очекувањата се дека ќе има поголема активност кај проектите од коридорите осум и 10д коишто ќе се реализираат во подолг временски период од првично планираното за четири години креаторите на овој предлог буџет уверуваат дека ќе има раст на платите во секторот образование и здравство а минималната плата ќе биде врзана со продуктивноста.

Јавниот долг на крајот на годината ќе биде на ниво од 64%.

Министерката за енергетика, рударство и минерални суровини – Сања Божиновска денеска беше во посета на најголемиот производствен капацитет на електрична енергија во земјава – РЕК Битола.

– За жал, новите раководства на АД ЕСМ и на РЕК Битола затекнаа тешка состојба во нашиот најголем производствен капацитет. Еден блок од термоелектраните, односно ТЕ Битола 1, воопшто не бил ремонтиран, а веќе влеговме во грејна сезона. Таа постројка според оперативниот план, требало да подложи на ремонтни зафати во март годинава, односно веднаш по завршувањето на претходната грејна сезона, но тоа не било реализирано. Колку што е возможно, во техничко-технолошка смисла, стручните екипи на АД ЕСМ и на РЕК Битола го подготвија овој капацитет да биде на располагање на електроенергетскиот систем во текот на зимата и периодично да се вклучува во електроенергетската мрежа – рече Божиновска.

Во соопштението се вели дека „РЕК Битола во моментов работи според енергетскиот биланс за овој период, со два блока. Во претстојните месеци, доколку е потребно во план е да се активира и третиот блок“.

– Свесни сме дека станува збор за капацитети стари преку четири децении. Вработените во РЕК Битола ги знаат сите можни предизвици и ќе направат сè што е во нивна моќ максимално да ги одржат работните процеси во термоелектраната во текот на претстојната зима. Зголемувањето на домашното производство е наш императив и добив уверување дека се преземаат сите потребни чекори за континуирано и доверливо производство на електрична енергија во текот на зимата – рече Божиновска.

На 27.10.2024 во 14.30 часот во СВР Скопје било пријавено дека на подрачјето на Ѓорче Петров, по претходно недоразбирање околу паркинг место бил нарушен јавниот ред и мир со физичка пресметка помеѓу С.Р.(69), О.Р.(45) и С.Р.(22) од една страна и З.Р.(59), А.Р.(23) и Е.Р.(22) од друга страна, сите од Скопје, а бил употребен и тврд предмет.

По целосно документирање на случајот ќе следува соодветен поднесок.