Синоќа во Битола на улицата “Пецо Божиновски“ бр. 11 во непосредна близина на истоименото основно училиште на свечен начин беше отворена реконстуираната “Спомен куќа на Стефан Наумов – Стив“. На настанот, кој се одржа на денот на раѓањето на народниот херој, присуствуваа потпретседателката на Собранието на Македонија, Весна Бендевска, градоначалникот на општина Битола, Тони Коњановски, директорот на Завод и музеј Зоран Николовски, внукот на Стив Наумов, кој е и претседател на Сојузот на борци од Битола, Стефан Бошков, како и голем број почитувачи на неговото дело.

На отварањето на Спомен куќата на присутните им се обрати градоначалникот Тони Коњановски, кој меѓудругото истакна:
„На денешен ден е роден народниот херој Стив Наумов и токму затоа верувам дека поставката во неговата родена куќа ќе биде трајна. Со оваа Спомен – куќа воедно ја зголемуваме туристичката понуда за градот Битола, така што посетителите ќе знаат за нашата богата историја и народноослободителна борба“, нагласи Коњановски.
Во родната куќа на народниот херој беше изведена театарска претстава посветена на животот на Стив Наумов, со посебен акцент на неговото револуционерно дело и неговата револуционерна активност. Претставата кој беше адаптирана да се одигра во неговата родна куќа ги трогна присутните и предизвика лавина на емоции.

Министерот за правда Игор Филков во Будва оствари билатерална средба со министерот за правда на Црна Гора, Бојан Божовиќ.

Министерите ги споделија искуствата и предизвиците со кои се соочуваат на патот кон Европската унија. Понудија помош и експертиза во секој домен, посебно во реформската агенда, како и меѓународна правна помош во делот на борбата против корупцијата и организираниот криминал.

Двете држави имаат пријателски односи и меѓу нив нема отворени прашања. Договорено е во наредниот период да се реализира официјална посета на министерот за правда на Црна Гора, Бојан Божовиќ во нашата држава.

Средбата се оствари во пресрет на утрешниот Министерски форум за правда и внатрешни работи ЕУ-Западен Балкан кој се одржува во Будва а на кој учествувува министерот за правда Игор Филков.

Премиерот Христијан Мицкоски изјави дека не очекува поскапување на струјата за домаќинствата во јануари.

Одговарајќи на новинарско прашање Мицкоски рече дека ќе продолжи навременото снабдување со електрична енергија.

– Не очекувам да има зголемување на цената на струјата за домаќинствата овој јануари. Не очекувам. Од она кое што можам да го заклучам е дека навремено се снабдуваат граѓаните со сите количини на електрична енергија и ќе продолжиме така да ги снабдуваме. Така што, барем од онаа информација со која што јас располагам не очекувам да има покачување на цената на струјата за домаќинствата, рече Мицкоски.