Ве известуваме дека на 01.02.2025 година (сабота) во 12:00 часот претседателот на Владата на Република Македонија, Христијан Мицкоски ќе присуствува на доделување на клучеви од новата зграда наменета за социјално ранливите семејства во Општина Кочани, соопштија од македонската влада.

Исто така во Општина Кочани ќе се пушти во употреба и една градинка, каде што ќе даде изјава за медиуми.

Предвидено е изјава за медиуми да даде премиерот Мицкоски, веднаш по доделувањето на клучевите од новата зграда за социјално ранливи семејства (ул. 13 Бригада населба Драчевиќ, Општина Кочани).

Поранешната министерка за внатрешни работи Гордана Јанкулоска се огласи по повод трагичната смрт на 22-годишната Фросина Кулакова.

-Најдлабоко сочуство до семејството и блиските на Фросина.

Сум видела многу шокантни настани. Низ годините многупати се соочив со смртта на блиски луѓе, роднини, колеги кои животот го загубија на работно место, блиски соработници кои буквално ги снема за миг. Сум видела тела на жртви кои настрадале под различни околности, а некои од нив беа деца. Тие слики времето не може да ги избрише, едноставно не се забораваат. 

Но, трагичната смрт на 22 годишната Фросина не само што ме потресе туку истовремено ми предизвика гнев.

Да не иделизираме, јасно е дека секој учесник во сообраќајот свесно или несвесно се случува да згреши па има и несреќи. 

Но, не е случајно и не е несреќа да возиш 130 км/час на Партизанска, не е случајно пијан да си седнеш зад волан и да нагазиш со 80км/час над дозволената брзина во најпрометниот дел од градот, не е случајно залетан да поминеш на црвено и не е несреќа кога некој на 20 години без возачка дозвола дивее по улиците и не ферма ниту правила ниту сообраќајна сигнализација затоа што мисли дека му се може. 

Тоа е девијантно однесување, криминал, дрскост и иссмевање со сите кои се трудат да постават граница меѓу доброто и лошото и мора да има соодветен одговор и реакција – пишува Јанкулоска на ФБ.

Претседателката на Македонија, Гордана Сиљановска-Давкова, на денешниот настан со едноминутен молк оддаде почит за младата Фросина Кулакова, чиј живот трагично згасна. Таа упати апел до надлежните институции што поскоро да го расветлат случајот и да обезбедат правда.

„Младешкото знаење и креативност може да дојде до израз само во безбедно општество,“ истакна Сиљановска-Давкова, нагласувајќи ја важноста на сигурноста и правдата за иднината на младите.