Поранешниот министер за финансии, Џевдет Хајредини, предизвика бројни реакции со својата објава на социјалните мрежи.

Во неодамнешна објава на социјалните мрежи, тој истакна дека наместо борба против криминалот и корупцијата, АЛИЈАНСАТА одлучила да ги спасува Али Ахмети и Јахоски.

“Наместо заедно со ВЛЕН да се борите против криминалот и корупцијата, вие од АЛИЈАНСАТА сакате да ги спасите Али Ахмети и Јахоски!”, напиша Хајредини во својата фејсбук објава.

Во рамки на дводневната официјална посета на Обединетото Кралство, потпретседателот на Владата и министер за транспорт и врски, Александар Николоски, денеска оствари работна средба со британскиот министер за економија и извоз, Герет Томас.

Како што информира Николоски, средбата била посветена на продлабочување на економската и стратешка соработка меѓу Северна Македонија и Велика Британија, со фокус на извозот, инфраструктурата и инвестициите.

„Во рамки на посетата на високо ниво на Велика Британија, денеска остварив средба со министерот за извоз и економија на Велика Британија, Герет Томас. Со него разговаравме за продлабочување на економската соработка меѓу двете држави, имајќи предвид дека Велика Британија е втор трговски партнер на Македонија.

Македонија извезува околу 2,5 милијарди евра во Велика Британија и имаме јасна цел тој извоз да расте и во скоро време да ја надминеме бројката од 3 милијарди евра извоз, што сериозно ја помага македонската економија, значи добро платени работни места и секако ќе значи нови работни места.“

Николоски потенцираше дека освен за трговската размена, на средбата се разговарало и за конкретни инфраструктурни проекти и можности за британска поддршка.

„Со министерот за извоз и економија на Велика Британија зборувавме за инфраструктурни проекти што ги раководам како министер за транспорт и потпретседател на македонската влада, разговаравме за развојот на железницата, за развојот на автопатите и авиосообраќајот и можностите што Велика Британија ги има за да и помогне на Македонија. Разговаравме и за финансиските можности што ги има Велика Британија, секако и околу знаењата. За таа цел остваривме и средба со компанијата “Crossrail” – компанија која е на британската влада и која ја изведе првата целосно дигитализирана метро линија во Велика Британија, тоа е линијата наречена по кралицата “Елизабета”.“

Во текот на денот, Николоски ќе има и други важни средби во Лондон, меѓу кои и со претставници на финансиски институции, како и со британската извозна агенција. Посетата продолжува и утре, со разговори на високо ниво со претставници од Министерството за надворешни работи на Велика Британија, специјалниот пратеник за Западен Балкан и други релевантни институции.

„Сметам дека оваа посета на Лондон е нов чекор во соработката меѓу Македонија и Велика Британија и со тоа ја позиционира Македонија како стратешки партнер во Југоисточна Европа на Велика Британија – нешто што е чекор напред за сите македонски граѓани и долгорочно партнерство со држава која има огромна традиција, силна економија и, како што велат, е последната империја во светот“ – изјави Николоски.

Градоначалникот на општина Кисела Вода и претседател на ЗЕЛС, Орце Ѓорѓиевски, денес учествуваше на дискусија во Владата на Република Македонија, организирана на покана на министерот за животна средина и просторно планирање, Изет Меџити. Средбата беше посветена на преземање конкретни чекори во борбата против загадувањето на воздухот.

„Планската програма за почист воздух 2024 | 2030 е добра основа за заштита на нашите граѓани од штетните еколошки влијанија“, истакна Ѓорѓиевски. Тој нагласи дека меѓу најважните активности кои следуваат се зачестените инспекциски контроли, зголемено користење на еколошки извори на енергија и намалување на користењето несоодветни материјали за затоплување.

Градоначалникот изрази уверување дека преку добра координација меѓу институциите, како што веќе станува пракса, овие заложби ќе дадат конкретни резултати во унапредување на квалитетот на воздухот.