Во следните 12 часа од исток и од југоисток во Македонија ќе помине уште една доста влажна и нестабилна воздушна маса која на повеќе места кај нас ќе услови појава на пороен дожд, грмежи и засилен ветер во зоната на нестабилност.

Локално атмосферските процеси ќе бидат поинтензивни и во форма на невреме, проследено со обилен пороен дожд за кратко време, електрични празнења, силен ветер и со локална појава на град. Токму поради ваквата состојба, апелирам на поголема претплазливост кај граѓаните.

И во Скопскиот регион исто така за време на погоре споменатиот период ќе има појава на повремен локален дожд, а во делови од котлината ќе биде и нестабилно со пороен дожд, грмежи и засилен ветер.

Што се однесува до температурите, тие денес (недела 27 април) ќе се искачуваат во интервалот од 14 до 24 степени, во Скопје и околината температурата ќе се искачи до околу 24 степени.

Лишени од слобода три лица на подрачје на Куманово и Кратово затоа што управувале возила под дејство на алкохол

На 27.04.2025, полициски службеници од Полициската станица за безбедност на патниот сообраќај Куманово и полициски службеници од Полициското одделение за безбедност на патниот сообраќај Кратово ги лишиле од слобода А.М.(38) од Куманово, А.Р.(49) од село Ваксинце, општина Липково и З.Л.(60) од с.Страцин, кратовско. При контрола на патниот сообраќај во Куманово, полициските службеници констатирале дека кај А.М., кој управувал патничко моторно возило „цитроен”, биле измерени 1,56 промили алкохол во крвта, а кај А.Р., кој управувал патничко моторно возило „опел”, биле измерени 1.55 промили алкохол.

Додека, при контрола на патниот сообраќај во Кратово, З.Л. не застанал на знак за запирање и се обидел да побегне, но набргу бил запрен и полициските службеници кај него измериле 2,28 промили алкохол во крвта.

По целосно документирање на настаните, против лицата ќе бидат поднесени пријави по член 297-А од Кривичниот законик – „безобѕирно управување со моторно возило”.

Спасен Силјаноски, Методија Столески и Престиж Бенд со голем успех ја завршија својата австралиска турнеја, крунисувајќи ја со последниот концерт пред полна сала во Клуб Вардар во Перт. Неверојатното музичко патување броеше четири распродадени концерти и две полни сали, потврдувајќи ја нивната популарност и силната поврзаност со македонската дијаспора.

Организаторот Република Ентертејнмент им се заблагодари на сите што присуствуваа на концертите низ Австралија, истакнувајќи дека без поддршката на публиката овој успех немаше да биде возможен.

Посебна благодарност беше упатена до Спасен Силјаноски и неговиот бенд Престиж за нивните импресивни настапи кои уште еднаш го потврдија статусот на Силјаноски како еден од најдобрите македонски артисти и изведувачи. Исто така, со големо воодушевување беше поздравен и дебито настапот на 22-годишниот Методија Столески, кој со својот исклучителен вокален талент најави блескава музичка кариера.

Голема благодарност беше упатена и до поддржувачите на турнејата: МКУД Бисер Волонгонг, Мак Ивентс, Арена Ивентс, Рокдејл Илиндeн Фудбал Клуб, МКУД Илиндeн Сиднеј, КУД Разиграна Македонка и Фераро Рисепшнс, чиишто напори и посветеност оставија неизбришлива трага во организацијата на овие незаборавни настани.

Од секој град беа споделени и фотографии од концертите, за да ги пренесат убавите моменти до сите оние кои беа дел од оваа неверојатна авантура.

До следната средба!