Македонија

Дали Македонците ќе ја бојкотираат? – порача Карлеуша по посетата на Теа Таировиќ на спомен-куќата на Тоше

Во тек на вчерашниот ден, српската турбо фолк пејачка Теа Таировиќ беше во Скопје, каде се дружеше со македонските новинари со кои ги сподели деталите за најавениот концерт во Скопје, закажан на 30-ти ноември во Арена Борис Трајковски, а потоа заминала во Крушево.

Од таму, таа објави фотографија, од спомен куќата на Тоше Проески, и напиша дека не го познавала лично, но ја знаела неговата душа преку музиката.

-Денес дознав уште многу детали за неговиот живот и полна сум со емоции и убавина! Колку ги сакал луѓето, музиката, животот… Македонија ја препознала неговата генијалност и вонсериски талент уште на почетокот на неговата кариера, напиша Таировиќ, позирајќи со плишано мече покрај изложените фотографии на Тоше.

На нејзината објава реагираше Јелена Карлеуша, според која станува збор за злоупотреба на името на Тоше поради маректинг пред настап во Македонија.

-Лажни солзи, евтината патетика од уште поевтини пејачки со злоупотреба на ликот и делото на покојниот Тоше Проески, добива најлош нечовечки и нечесен облик!

Лигаво да се заработи, и тоа позирајќи пред камери! Дното го доби својот подрум! Сигурна сум дека Македонците ќе ги препознаат таквите лиги и ќе ги наградат со апсолутен бојкот, порача Карлеуша.

Инаку, таа имаше концерт во Скопје, на 19-ти октовмри во Арена Јане Сандански, каде ја запеа ,,Бисер Балкански” и го вееше македонското знаме.

И Таировиќ на своите чести настапи во Македонија го вее македонското знаме додека ја изведува ,,Македонско девојче”.

Кон крајот на 2022 година, таа беше мета на критики во земјава, откако на социјалните мрежи се појави видео снимка од нејзин настап во Благоевград, Бугарија, каде го промени текстот на песната ,,Македонско девојче”. Наместо ,,Македонско” девојчето стана ,,Бугарско” во променетиот текст, по што следеа бурни јавни реакции од нејзините македонски обожаватели.

По низата критики се огласи на Инстаграм со порака дека ќе сними песна за Македонија, со која ќе оддаде почит и благодарност за сета љубов која ја добивала од Македонците, но до денес, песната не е издадена.

Пренесува Фокус.мк

Македонија

Новогодишното украсување на Општина Тетово за 25.000 евра

Со мнозинство во Советот на Општина Тетово, на вонредна седница одржана онлајн доцна вчера попладне, се изгласа мнозинство иницијативата за празнично украсување на градот, одвојувајќи дарежливи 1.500.000 денари или речиси 25.000 евра за таа цел.

Оваа одлука, која претставува измена и дополнување на Програмата за активности во областа на културата за 2025 година, стави крај на долгогодишната „суша“ на новогодишна декорација.

Програмата беше изгласана со силната поддршка на советничкото мнозинство, составено од Коалицијата Вреди и ВМРО-ДПМНЕ.

„За оваа програма ‘за’ гласаше советничкото мнозинство составено од Коалицијата Вреди и ВМРО-ДПМНЕ… Со оваа одлука, Општина Тетово ја потврдува намерата градот да добие празничен сјај за крајот на 2025 година“, ентузијастички информираше претседателот на Советот, Јусуф Абдули.

Сепак, одлуката не помина без отпор. Против гласаа советниците од коалицијата НАИ, додека воздржани останаа советниците од Подобро за Тетово, Левица и СДСМ, потенцирајќи ја политичката поделба околу приоритетите.

Оваа одлука е особено значајна, бидејќи доаѓа по цели години во кои улиците и градскиот плоштад остануваа мрачни за време на празниците.

Во последните години од вториот мандат на поранешната градоначалничка Теута Арифи, и за време на целиот прв мандат на актуелниот градоначалник Билал Касами, официјалното образложение беше идентично: дека општината немала пари за новогодишни украси. Сега, со обезбедените 25.000 евра, градот е подготвен да ја прекине оваа непразнична традиција и да ја врати магијата на улиците.

Македонија

Судот одреди 30 дневен притвор за поранешниот државен правобранител Фехми Стафа

Судот му одреди мерка притвор во траење од 30 дена на поранешниот државен правобранител Фехми Стафа, кој е осомничен во предмет поврзан со обид за поткуп во правосудството.

Според информациите од надлежните институции, Стафа се сомничи дека се обидел да влијае врз судска одлука преку нудење поткуп, што претставува сериозно кривично дело против правдата. Притворот е определен поради опасност од бегство, можност за влијание врз сведоци и повторување на делото.

Обвинителството наведува дека истрагата е во тек и дека се прибираат дополнителни докази поврзани со случајот, додека одбраната најави дека ќе ги користи сите законски средства за оспорување на мерката.

Случајот предизвика силен интерес во јавноста, имајќи ја предвид функцијата што Стафа ја извршувал во минатото, а надлежните порачаа дека борбата против корупцијата во правосудниот систем останува еден од приоритетите.

Македонија

Земјотрес со епицентар во Косово почувствуван и во Македонија

Утрово, точно во 07 часот и 20 минути, сеизмичка активност ја разбуди Република Македонија.

Телеметриската сеизмолошка мрежа, одржувана од Сеизмолошката опсерваторија при Природно-математичкиот факултет во Скопје, регистрираше земјотрес со умерена јачина чиј епицентар потекнува од пограничното подрачје кај Урошевац.

Иако епицентарот е лоциран на 124 километри северно од Скопје, стручните лица забележаа локална магнитуда од ML3.3 според Рихтеровата скала.

Според првичните податоци со кои располага Опсерваторијата, потресот е јасно почувствуван во Скопје и околината, достигнувајќи интензитет од III степени според Европската макросеизмичка скала.

Засега нема информации за предизвикана материјална штета.