Македонија

Општина Битола со повеќе настани ќе го одбележи денот на ослободувањето на градот

Published

3 weeks ago

October 30, 2024

Со параглајдинг во чест на „4 Ноември“ во организација на Параглајдинг клуб „Летечки конзули“, од 26 октомври, започнаа програмските активности за одбележување на 80 годишнината од ослободувањето на Битола. Активностите продолжуваат на 30 октомври со отворање на фестивалот на „Мала школа за краток филм“ во Центарот за култура и полуфинале на „4 Ноемвриски турнир во куглање“ во организација на кугларскиот клуб „Пелистер 1982“ и Кугларски клуб „Пелистер Пин“. На 31 октомври во 19:00 часот, во организација на Македонско – турското здружение „Мустафа Кемал Ататурк“, во Кино Манаки ќе биде прикажан филмот „80 години слободна Битола“.

На први ноември, во Офицерскиот дом ќе се одржи ликовна работилница за деца на тема „Битола е инспирација“ – 80 метри слика за 80 години слобода на градот, а во истиот термин во ресторан Премир центар ќе се одржи Шаховски турнир за слепи лица. Во 12:00 часот во организација на Младинскиот културен центар, во соработка со Локалниот економско социјален совет во 12:00 часот во хотел „Милениум“, ќе се одржи јавна дискусија на тема „Праведна и зелена транзиција за Битола“. Во 17:00 часот најмладите од ЈОУДГ ќе бидат дел од настанот „Битола низ детските очи“, а во 19:00 часот во малата сала на Центарот за култура ќе биде отворен Интернационалниот фестивал на аматерски документарен филм „Камера 300“.

На втори ноември ќе биде организирана ОФФ Роуд тура по повод ослободувањето на град Битола, а планирани се две изложби: „Изложба на 80 метарско платно со ликовни творби“ во Офицерски дом и „Блиски сеќавања од Битола“ – изложба на фотографија.

На трети ноември дел од програмата е традиционалната ноќна атлетска трка „4 Ноември“, во организација на Сојузот на спортови.

На 4 Ноември, активностите започнуваат од 10:00 часот со оддавање почит на загинатите борци пред споменикот на Плоштадот Гоце Делчев, а во духот на хуманоста програмата продолжува со Крводарителска акција наменета за вработените во Општина Битола. Повеќе делегации од збратимените градови, по повод празникот ќе гостуваат во Битола, а Свечената академија за доделување на Наградите „4 Ноември“ ќе понуди настан за паметење во Центарот за култура од 19:00 часот. На празникот на градот, подрачното одделение на Државниот архив во Офицерскиот дом во 20:30 ќе ја отвори изложбата „Битола – слободна“.

Културните настани збогатени со квалитетни содржини ќе продолжат до 14 ноември, со прекрасна понуда за публиката во чест на 80 годишнината од ослободувањето на Битола, најави општината.

Македонија

СДСМ утре на Конгрес ќе избира ново раководство

Published

29 mins ago

November 23, 2024

Арлингтон

Социјалдемократскиот сојуз на Македонија утре ќе го одржи 30. партиски Конгрес, на којшто ќе биде избрано новото партиско раководство.

Од опозициската партија известија дека Конгресот ќе има отворен и работен дел, ќе се разговара за идните, нови политики на партијата и ќе биде избрано новото раководство, однсно членовите на највисиките тела во СДСМ – Централниот и Надзорниот одбор.

На почетокот, ќе има обраќање на Венко Филипче, кој пред пет месеци ја презема претседателската функција од неговиот претходник, Димитар Ковачевски по големиот пораз што го претрпе партијата на парламентарните и претседателските избори.

Македонија

Како жителите на Тетово да се заштитат од загадувањето

Published

37 mins ago

November 23, 2024

Арлингтон

Тетово повторно се најде меѓу првите на листата на најзагадени градови, што претставува сериозна загриженост за здравјето на жителите. Во вакви услови, важно е да преземеме мерки за заштита и да се обидеме да го намалиме влијанието на загадениот воздух. Еве неколку совети за тоа како да се заштитите:

1. Избегнувајте излегување на отворено во периоди на висока концентрација на загадувачи: Ако е можно, ограничете го времето поминато надвор, особено во утринските и вечерните часови кога загадувањето обично е најголемо.

2. Користете заштитни маски: Кога треба да излезете на отворено, носете маска за да ја намалите изложеноста на прашина и штетни честички во воздухот.

3. Чувајте ја влажноста на воздухот во домот: Користете овлажнувачи за воздух или поставете садови со вода во просториите, бидејќи сувиот воздух може да го влоши ефектот на загадувањето.

4. Редовно следете ја состојбата на воздухот: Воспоставете навика да ги проверувате индексите на квалитетот на воздухот преку мобилни апликации или веб-страници. Ова ќе ви помогне да се информирате кога е најпотребно да останете во затворен простор.

5. Јадете храна која го поддржува имунитетот: Здравата исхрана е клучна за да го засилите имунолошкиот систем. Внесувајте повеќе овошје, зеленчук и антиоксиданси кои помагаат во борбата против штетните ефекти на загадениот воздух.

6. Користете воздухочистачи во домот: Инвестирањето во апарати за чистење на воздухот може да помогне во намалувањето на концентрацијата на загадувачи во вашите домови.

Македонија

Коњановски: Брзи и ефикасни интервенции по невремето во Општина Битола

Published

49 mins ago

November 23, 2024

Арлингтон

По вчерашното невреме, предизвикано од силниот ветер, Општина Битола активно се вклучи во санација на штетите. Стручни екипи, заедно со приватни фирми со кои општината има склучено договори, извршија увид во неколку училишта каде што беа пријавени оштетувања. Во основните училишта „Коле Канински“ и „Свети Климент Охридски“ и средните училишта „Јосип Броз Тито“, „Јане Сандански“ и „Д-р Јован Калаузи“, утврдени се потребите за итна интервенција, па ќе започне санација на штетите од понеделник.

Дополнително, ЈП Комуналец продолжува со расчистување на паднатите 15 дрвја, а сообраќајот е нормализиран. Екипите на ТППЕ Битола, КЈП „Нискоградба“ и ЈКП „Водовод“ исто така активно работат на отклонување на последиците, вклучително и на поправка на водоснабдувањето во делови од градот.

Градоначалникот Тони Коњановски информираше дека екипите на ЕВН Електродистрибуција Битола се на терен и активно работат на отклонување на дефектите на електричната мрежа, кои дополнително беа отежнати со паднати столбови. Се очекува целосно враќање на снабдувањето со електрична енергија во текот на денот, најдоцна до утре.