Македонија

Во Тетово ќе се гради нова водоводна мрежа, бидејќи сегашната е полна со дефекти

Општина Тетово ќе добие средства од Владата во износ од 1,07 милиони евра за изградба на нова водоводна мрежа. Сегашната мрежа од Попова Шапка е стара 50 години и според градоначалникот на општината, Биљал Касами, има многу дефекти.

„Имаме студија, мастер план што го подготвивме за водоводната мрежа и во таа студија има некои наоди кои одредуваат какви треба да бидат инвестициите за да се утврди водоснабдувањето за граѓаните на Тетово, а беше предложено главната цевка да се смени бидејќи постои од почетокот на изградбата на водоводната мрежа пред 50 години и секако дел од загубите се резултат на загубите на оваа мрежа“, вели Биљал Касами.

Директорот на ЈКП „Шар“, Ваљон Зеќири, вели дека во оваа мрежа има загуба од 30% и тоа оневозможува градот на нормален начин да се снабдува со вода за пиење. Додека другиот проблем е што и други 30% од водата е административна загуба или се злоупотребува.

„Оваа инвестиција е направена за да се подобри состојбата, бидејќи се знае дека цевките што носат вода од Попова Шапка се многу стари, тогаш оваа инвестиција е направена за да се подобри состојбата на водата и врз основа на студија што ја направивме пред 6 месеци наидовме дека имаме многу загуби и некаде околу 30% имаме загуби во мрежата и 30% е административниот дел каде губиме вода“, вели Валон Зеќири.

На веб страната на Претпријатието „Шар“ речиси секојдневно има известувања за дефекти во водоводната мрежа. Водоснабдувањето во Тетово и понатаму останува еден од најголемите проблеми. Иако речиси секој градоначалник инвестираше во водоводата мрежа, населбите во подножјето на Шар Планина и понатаму остануваат без доволно вода за пиење.

Македонија

15 години борба против насилството врз жени: Хуманитарен настан во МКЦ

Денеска во Кино Фросина при МКЦ ќе се одржи посебен хуманитарен настан со кој ќе се одбележи 15-годишниот јубилеј на Националната мрежа против насилство врз жени и семејно насилство. Настанот започнува во 18:30 часот, а собраните донации ќе бидат наменети за Интервентниот женски фонд, кој обезбедува директна помош на жени-жртви на насилство кои сакаат да ја напуштат опасната средина.

Националната мрежа, која денес брои 25 организации членки, 15 години активно работи на препознавање и заштита на жените од родово базирано насилство и семејни форми на злоупотреба, се залага против фемицид и силно застапува за правата и интересите на жртвите. Овој јубилеј е не само повод за прослава, туку и потсетник за важноста од поддршка и солидарност кон жените кои секојдневно се соочуваат со насилство.

Со купување на билет за настанот, можете да донирате средства за Интервентниот женски фонд: 15 години – Од тишина во глас – Друга страна

Македонија

Во Центар Жупа нема конкуренција: Кампањата за локални избори стартува во 4 општини

Градоначалничките избори во Гостивар, Маврово и Ростуше, Врапчиште и Центар Жупа ќе се повторуваат на 11 јануари 2026 година, откако на локалните избори во 2025 година во овие општини не беше остварен потребниот излез за гласање.

Според Роковникот за изборни дејствија, изборната кампања за првиот круг започна на полноќ на 22 декември и ќе трае до 9 јануари, кога официјално ќе започне молкот пред гласањето.

Во Гостивар конкуренција ќе водат Невзат Бејта, кандидат на коалицијата „Вреди“, и независниот Ваљбон Лимани, поддржан од НАИ. Во Врапчиште, за градоначалничкото место ќе се борат Исен Шабани од НАИ и Зуљхајрат Демири, кој се кандидира преку група избирачи.

Центар Жупа ќе има само еден кандидат – Аријан Ибраим од Демократската партија на Турците, додека во Маврово и Ростуше ќе се сретнат Онер Јакупоски од коалицијата „Твоја Македонија“ предводена од ВМРО-ДПМНЕ и Анес Ахмети од СДСМ.

Причината за повтореното гласање е недоволната излезност на локалните избори на 19 октомври 2025 година. Според податоците од Државната изборна комисија, само во Гостивар се остварени 33,31% од гласачите, додека во Врапчиште излезноста беше 25,18%, во Маврово и Ростуше 30,31%, а во Центар Жупа едвај 21,49%. Законската граница од една третина од запишаните гласачи, која е потребна за изборите да бидат успешни, не беше достигната.

Со овие бројки, четирите општини повторно се соочуваат со неизвесност, а кампањата која започнува сега ќе биде клучна за мотивирање на гласачите да се појават на биралиштата.

Македонија

Снежна покривка до 10 см и поројни врнежи дожд во Македонија

Под влијание на влажни воздушни бранови, од утре навечер и во текот на 24 и 25 декември 2025 година, Македонија ќе биде погодена со повремени локални врнежи од дожд, кои на некои места ќе бидат пообилни и над 25 литри на квадратен метар за 24 часа.

На планинските предели врнежите ќе бидат од снег, со формирање на снежна покривка од 5 до 10 сантиметри. Со спуштањето на постуден воздух од север, снег ќе се појави и на повисоките места во низинските региони. Од петок се очекува стабилизирање на времето.

Во Скопје, утре навечер и во следните два дена се предвидуваат повремени врнежи од дожд, кои на моменти ќе бидат пообилни. Граѓаните се советуваат да бидат внимателни на патиштата и да ги следат официјалните предупредувања за времето.