ЈП „Чистота и зеленило“ и КПУ Затвор – Куманово потпишаа Меморандум за соработка, за организирање општокорисна работа за осудените лица.

Соработката има цел да го поддржи ресоцијализацискиот процес на осудените лица, преку нивно активно вклучување во активности за чистење и одржување на јавните простори во општината.

– Очекуваме наскоро да бидат ангажирани осудените лица и да помогнат во одржувањето на хигиената на повеќе локации на подрачјето на општината. Претходните искуства покажуваат дека бенефитот е одличен и за самите осудени лица, им помага во нивниот процес на ресоцијализција, но и за претпријатието – изјави директорот на ЈП „Чистота и Зеленило“, Ненад Стојановски.

Соработката, нагласуваат од двете институции е во согласност со законските регулативи и се реализира за да се подобрат условите за живот на заедницата, како и да се поттикне одговорност и ангажираност кај осудените лица.

Претходно кумановскиот затвор потпиша меморандум за соработка и со Општата болница Куманово

43-годишен стружанец доби кривична пријава поради тоа што на 8 јануари му се заканувал со нож на роднина со кој живее во заеднички двор, а потоа и кршел предмети од куќата на десет години помладиот роднина, соопшти МВР. 

„ОВР Струга поднесе кривична пријава против С.К.(43) од Струга поради постоење основи на сомнение за сторено кривично дело „загрозување на сигурноста со опасно орудие при тепачка или караница“. На 08.01.2025 во заедничкиот двор од куќа во Струга, по претходна расправија со негов роднина С.К.(33), со остар предмет му упатил закани, а потоа оштетил предмети од неговата куќа“, велат од МВР.

Кривична пријава е поднесена против Агенцијата за разузнавање поради незаконско следење на поединци, меѓу кои и на премиерот Христијан Мицкоски во 2020 година, објави Телма. 

Поранешен вработен во Агенцијата за разузнавање ги пријавил овие активности, кои се случиле во јули 2022 година.

Истражувањето, кое е споено со друга истрага за незаконски активности на тајните служби, е во тек, а обвинителството собира доказни материјали од надлежните институции.

Агенцијата за разузнавање нема законско овластување за следење на домашен терен.

Тоа го прави АНБ под одредени услови.

Истрагата ќе ги разјасни наводите и ќе утврди дали биле прекршени законите за приватност и безбедност.

Мицкоски тврди дека безбедносните служби се занимавале со негово физичко следење, како и следење на неговото семејство под изговор дека тој бил „нарачател и финансиер на параполициско воено-вооружена формација на македонски радикални екстремни и националистички настроени елементи“, но зад грбот на МВР.

Тој приложи и документи со кои како што вели премиерот лица со кодно име „Цилиндар“ и „Џокер“ го следеле него и неговото семејство.

Она што го цитираше Мицкоски од извештајот него го класифицирале како финансиер на пара-полициско воена вооружена формација која има за цел дестабилизација на Македонија.

„Изворот Цилиндар вели дека јас сум виден со две женски особи на Водно, како пешачам, иако не е вистината оваа информација и замислете го ова тие ми презентирале информации од мој политички интерес, а додека пешачам изворот „Цилиндар“ мене ме покривал. Исто така пред избори но сега во 2021 година, изворот сега го добива името „Џокер“ вели дека во манастирот Св. „Јован Бигорски“ мојата средба со припадници на Патриотско друштво не била случајна тоа било средба која ја сум ја остварил со овие припадници за да ја нарушуваме безбедноста и стабилноста на Македонија рече премиерот

Извор: време.мк