Македонија

32 ИЗДАНИЕ НА ФЕСТИВАЛОТ „КАМЕРА 300“ ВО БИТОЛА

Published

2 weeks ago

November 2, 2024

По повод одбележувањето на Денот на ослободувањето на Битола 4 Ноември, како дел од програмата за одбележување на овој значаен датум, синоќа беше отворено 32 издание на Интернационалниот фестивал на аматерски документарен филм „Камера 300“.

Градоначалникот на општина Битола, Тони Коњановски ги поздрави присутните со свое обраќање за значењето на делото на Браќата Манаки и филмската дејност за Битола.

Од избраните филмови во официјална конкуренција, а според Правилникот и пропозициите жирито ги додели следните награди:

ГРАН ПРИ наградата „Плакета Милтон Манаки” за најдобар филм на фестивалот му се доделува на филмот „ФОРМУЛА НА ЉУБОВТА“ на авторите Ноела Нечкоска & Рената Петревска-Нечкоска од Република Македонија
„ЗЛАТНА КАМЕРА 300“ за филмот „МОЈОТ СОНЧЕВ СОН ЈА ЧЕКА ВЕЧНОСТА…“ од авторот Славен Костов од Бугарија.
„СРЕБРЕНА КАМЕРА 300“ за филмот „ЈУБИЛЕЈ“ на авторот Бојан Петровски од Шведска
„БРОНЗЕНА КАМЕРА 300“ за филмот „ПРИКАЗНА ОД КОМАНГУЕ“ од авторот Јирген Ричарс од Германија.
СРЕБРЕН МЕДАЛ НА UNICA му се доделува на филмот „ТРАДИЦИЈАТА ПРОДОЛЖУВА“ од авторот Диме Талевски од Македонија.
ПЛАКЕТА НА ОПШТИНА БИТОЛА ЗА НАЈДОБРА КАМЕРА на авторот Дејан Младеновиќ од Македонија, за филмот „ ДОКУМЕНТАРЕН ФИЛМ ЗА ДИМЧЕ МИНОВСКИ“.
ПЛАКЕТА ЗА РЕЖИЈА „ДРАГИ САВЕВСКИ“ на авторот Николај Скерлев од Бугарија за филмот „КУТИЈА ОД СОНИШТАТА“.
ПЛАКЕТА ЗА МОНТАЖА на авторот Бојан Петровски од Шведска, за филмот „ЈУБИЛЕЈ“.
ПЛАКЕТА ЗА ИДЕЈА „СТЕВО СИДОВСКИ- СИДО“ на авторите Миа Панов & Дејан Панов од Македонија, за филмовите „БРОДОТ ТИТОВ ВЕЛЕС“ и „ИЛИНДЕНКА“
ПЛАКЕТА ЗА РЕПОРТАЖА на авторот Љупчо Паунковски од Република Македонија за филмот „ОХРИДСКИТЕ ПЛИВАЧКИ ЛЕГЕНДИ“.
Стручното жири одлучи да бидат доделени и Специјални награди-плакети:

На авторите Нико Вестерхоф и Маршал Усингер од Холандија за филмот „ПОСЛЕДНИТЕ ДОМОВИ НА БЕРГЕРВЕСИ“.
На авторот Николја Скерлев од Бугарија за филмот „БЕСМРТНОСТ НА КАМЕН“

Македонија

Пукано во 20-годишно момче од Шуто Оризари – посочен е можниот сторител

Published

6 hours ago

November 14, 2024

Арлингтон

Денеска (14.11.2024) во СВР Скопје било пријавено дека на подрачјето на Шуто Оризари, Ш.М.(20) од Скопје бил повреден од огнено оружје, а како можен сторител бил посочен Х.И.(47) од Скопје.

Се преземаат мерки за расчистување на случајот.

Македонија

Мајка ја наведувала нејзината малолетна ќерка на проституција

Published

6 hours ago

November 14, 2024

Арлингтон

Надворешната канцеларија за криминалистички работи Свети Николе, поднесе кривична пријава против Љ.Н.(42) од Свети Николе, поради постоење основи на сомнение за сторено кривично дело „запуштање и малтретирање на дете“.

Пријавената, во периодот од 2020 до 24.10.2024, ја наведувала нејзината малолетна ќерка на проституција, за што добивала паричен надомест.

Македонија

Вработена во МВР го оштетила Буџетот за над 189.000 денари

Published

6 hours ago

November 14, 2024

Арлингтон

Одделот за внатрешна контрола, криминалистички истраги и професионални стандарди, до надлежното Основно јавно обвинителство Скопје, поднесе кривична пријава против С.Т. поради постоење основи на сомнение за сторено кривично дело ,,несовесно работење во службата“ по член 353-в став 1 од Кривичниот законик.

Пријавената С.Т. – на работното место помошник на министерот во Центарот за обука на МВР, во периодот од септември до октомври 2023 година, постапила несовесно во вршење на своите должности и овластувања, на тој начин што на лица со кои министерството имало склучено договор за основна обука за полицаец (генерација 2023/2024) им овозможила да продолжат со основната обука и покрај тоа што им бил откажан договорот за основна обука поради тоа што не ги освоиле потребните бодови за продолжување на обуката во друг модул. Пријавената самоволно и незаконски им овозможила да ја продолжат обуката на начин што им биле прифатени поднесените приговори, им било извршено ретестирање спротивно на подзаконските прописи што ја регулираат предметната материја и им овозможила да засноваат работен однос во министерството и покрај тоа што во договорот била предвидена одреба согласно која во случај на спор постапувањето е во надлежност на судот.

Со тоа што им овозможила на кандидатите за полицаец понатамошно право на обука, престој и исхрана во Центарот за обука во МВР, таа го оштетила буџетот на МВР во вкупен износ од 189.777 денари.

Одделот за внатрешна контрола, криминалистички истраги и професионални стандарди изрече задолжителни мерки да се преиспита основаноста на склучените договори за работа.