Александар Волкановски повторно испиша историја во УФЦ, совладувајќи го Диего Лопез и освојувајќи го шампионскиот појас со одлука на судиите.

Иако за време на борбата доби силен удар во левото око, што му го замагли видот и му го отежна движењето во октагонот, Волкановски не се откажа. Покажа неверојатна ментална сила и истрајност, продолжувајќи да се бори до крајот.

„Во еден момент примив удар директно во окото и не гледав ништо. Се обидував да си го вратам видот и полека почнав повторно да гледам, иако сè беше заматено. Но, се снајдов – ја следев борбата, ја држев под контрола и знаев што треба да направам“, рече Волкановски по победата.

Оваа борба само уште еднаш потврди зошто Волкановски е еден од најдоминантните борци на денешницата – со срце, техника и храброст што инспирира.

Австралискиот УФЦ борец со македонско потекло, Александар Волкановски, извојува голема победа во перолесната категорија, совладувајќи го Диего Лопез во спектакуларна борба што се одржа синоќа.

Волкановски не само што ја покажа својата физичка подготвеност и борбена доминација, туку и настапи со посебно дизајнирани шорцеви со кои симболично им оддаде почит на трите земји кои го формирале – Австралија, Македонија и Грција. На неговите шорцеви се истакнуваа ѕвездите од австралиското знаме, македонското знаме, како и детали со грчки фонт.

Роден во Австралија, со татко од Македонија и мајка од Грција, Волкановски на овој начин покажа дека не ги заборава корените и гордо ги носи со себе, дури и во најголемите борби.

Со оваа победа, тој уште еднаш го потврди својот статус како еден од најдобрите УФЦ борци во светот – шампион не само по титула, туку и по дух.

Алекс Волкановски со нова победа на УФЦ 314 – по вторпат шампион!

Алекс Волкановски повторно го покажа своето мајсторство во октагонот, откако извојува убедлива победа над Диего Лопес на настанот UFC 314, освојувајќи ја шампионската титула по втор пат.

Со оваа победа, Волкановски се запиша како двократен УФЦ шампион, потврдувајќи го својот статус како еден од најдоминантните борци во својата категорија.

Борбата беше динамична и интензивна, но искуството и тактичкиот пристап на Австралиецот со македонско потекло беа клучни за неговиот триумф.

Навивачите ширум светот го поздравуваат враќањето на Волкановски на тронот, а воедно со нетрпение очекуваат кој ќе биде неговиот следен предизвикувач.