Maкедонскиот напаѓач Бојан Миовски по нешто послабиот почеток во дресот на Жирона изгледа почнува да прикажува настапи какви што од него се очекува.

Месец ноември беше најдобриот за Миовски откако е во Жирона, а доказ за тоа е изборот во идеалниот тим на месецот.

Помеѓу најдобрите 11 Миовски доби место најмногу поради неговиот настап против Еспањол во кој постигна два гола и запиша една асистенција во победата од 4-1. Покрај Миовски, Жирона има уште тројца претставници во идеалниот тим и тоа: Хил, Мартинез и Гутиерез.

Од останатите тимови Барселона има двајца претстваници (Олмо и Рафиња), исто толку доаѓаат и од Осасуна (Будимир и Херера), додека со по еден фудбалер се: Мајорка (Коста), Реал Сосиедад (Агуеро) и Атлетико Мадрид (Ленгле).

Македонската женска фудбалска репрезентација ја започна годината со блескава победа од 3:2 против Црна Гора на пријателскиот натпревар одигран на тренинг-центарот „Петар Милошевски“.

Симона Мејер, Гентјана Роџи и Улза Максути беа хероите на тимот, постигнувајќи прекрасни голови кои ја донесоа радоста за нашата репрезентација. Со овој триумф, македонските фудбалерки покажаа тимски дух, борбеност и подготвеност за новите предизвици што следат.

Следниот натпревар ќе биде одлична шанса да ја потврдат својата форма и да продолжат со победничкиот ритам. Македонија гордо стои зад своите фудбалерки!

Ракометарите на Алкалоид со две победи над Вест Виена од Австрија изборија осминафиналето на Европскиот Куп.

Тренерот Кирил Лазаров е задоволен од остварување на целта, но искажа критики за дел од играчите кои добија шанса да настапат на двомечот со австрискиот тим.

– Најважно ни беше да се пласираме во следната фаза и тоа го остваривме. Игравме против една квалитетна и млада екипа од Австрија која покажа на сите нас како се игра и како се бори до последен здив, на специјален и модерен начин. Им дадов шанса на сите играчи во овие два натпревари, знаев дека во моментов сме подобар и поискусен тим, малку и ризикувавме, но треба да знаеме со што располагаме. Морам да кажам дека сум незадоволен од презентацијата на неколкумина наши играчи, треба да работиме и сите да се свесни дека мора да менуваме стари навики доколку сакаме да бидеме на ниво кое јас како тренер го посакувам и ние како клуб Алкалоид го посакуваме. Загрижен сум, затоа што во иднина не очекуваат потешки натпревари. Околу следната фаза, не ги знам сите имиња на можните ривали. Но, од оние кои се тука, скандинавските екипи ни се непознаница, би сакал да го избегнеме Олимпијакос, но ќе видиме кога ќе ја добиеме целата листа, истакна Лазаров на прес-конференцијата по синоќешниот дуел со Вест Виена.

Алкалоид победи со 32:29 и со вкупни 70:56 оди во осминафиналето.