Скопје

Ѓорѓиевски: Не запираме – секоја улица во Кисела Вода ќе биде асфалтирана!

После повеќе од пет децении, улицата 1438 во населбата Пинтија конечно добива нов асфалт!

Обновата на инфраструктурата во општина Кисела Вода се одвива со засилено темпо, а во овој момент се вршат градежни активности на оваа улица со површина од 2000 m². Долгогодишната запуштеност и значителните оштетувања сведочат дека улицата претходно не била приоритет на ниту еден градоначалник, но сега конечно добива заслужената грижа.

Овој проект е уште еден доказ дека секое мое ветување се остварува и дека барањата на граѓаните се мој приоритет. Мојата цел е до крајот на мандатот да нема ниту една неасфалтирана улица во Кисела Вода.

Продолжуваме со работите во сите урбани и местни заедници, бидејќи мојот народ заслужува најдоброто!

Орце Ѓорѓиевски, градоначалник на општина Кисела Вода

Скопје

Сообраќајна драма во Карпош – Го удрил со ретровизор па го претепал

Во скопската општина Карпош, денес се случи насилен инцидент во сообраќајот — маж бил удрен со ретровизор од страна на друг возач, по што следувал физички напад, објави локалниот портал.

Според пријавите, сè започнало со расправија на улица, по што насилниот возач прво го удрил со ретровизор на возилото, а потоа ја продолжил агресијата и физички нападнал лице кое било во колона пешаци/возачи.

Засега, нема официјална информација дали е поднесена кривична пријава, но случајот е пријавен кај надлежните служби и полицијата врши проверки.

Градските власти и полицијата апелираат до граѓаните да ја зголемат вниманието — да се воздржуваат од насилство и да реагираат цивилизиранo во конфликтни ситуации, особено во сообраќај.

Скопје

Скопската железничка станица се враќа во живот по две децении

Еден од приоритетите на новата влада е вложувањето во инфраструктурата, вклучително и железничкиот сообраќај, како товарен така и патнички. Покрај набавката на нови локомотиви и вагони, значајна инвестиција е обновата на железничката станица во Скопје, која ќе ја врати својата функција од пред 15-20 години, кога објектот се руинираше и стана нефункционален.

Почна чистењето и средувањето на станицата, информираше директорот на Железница Инфраструктура, Синиша Ивановски. „Со цел враќање на автентичниот изглед на станицата, започнавме со отстранување на сите билборди, светлосни реклами и други информативни панели кои години наназад го нарушуваа изгледот на објектот“, напиша Ивановски на својата Фејсбук страница и им се заблагодари на компаниите кои се согласиле да ги тргнат билбордите.

Проектот ќе се реализира во фази и ќе заврши со генерално чистење на надворешниот изглед на станицата и поставување соодветна илуминација.

Скопје

Започна редизајнот на железничката станица во Скопје

Скопје – Почна чистењето и средувањето на железничката станица во Скопје, информираше директорот на Железница Инфраструктура, Синиша Ивановски.

„Со цел враќање на автентичниот изглед на станицата, започнавме со отстранување на сите билборди, светлосни реклами и други информативни панели кои години наназад го нарушуваа изгледот на објектот“, напиша Ивановски на својата Фејсбук страница. Тој им се заблагодари на компаниите кои се согласиле да ги тргнат билбордите.

Проектот ќе се одвива во фази и ќе заврши со генерално чистење на надворешниот изглед на станицата и поставување соодветна илуминација, посочи директорот.