Македонија

ЗА ЖЕЛЕЗНИЧКАТА ЛИНИЈА, СЕГА ПРОБЛЕМОТ Е КАЈ ГРЧКАТА СТРАНА

За автопатот Прилеп-Битола веќе информиравме. Кога бевме на локацијата каде што се вршеше увид на градежните работи го прашавме премиерот и за патнотo и железничко поврзување на Битола со Грција, преку железницата која се направи и експресниот пат кон границата.

„И тоа останува наш приоритет коридорот 10 и очекувам ако се биде како што треба Александар добри вести до крајот на годината и по тоа прашање“ рече Мицкоски.

За убавите вести во инфраструктурата го повика министерот Николоски. Тој кажа дека од наша страна завреши се работите, сега проблемот е кај грчката страна.

„Таму е завршена работата во однос на изградба, има железничка линија која што оди Велес-Прилеп-Битола-Лерин, наједноставно објаснето или Кременица, проблем е дека грчаката страна не ја става во функција. Јас пред неколку недели бев во Солун каде што помеѓу другото се сретнав и со грчкиот министер за транспорт, ја отворив оваа тема. Ова е битен железнички коридор пред се во карго делот затоа што солунското пристаниште и пристаништето во Игуменица компелтно може да ја користат оваа линија за карго превоз. Тоа ќе значи многу за стопанството во регионот. Грчкиот министер кажа дека имаат одредени проблеми со финансирањето, но даде ветување дека до нашата следна средба таа ќе е на 23 ноември ќе даде конкретен одговор кога ќе можат да ја пуштат, јас се надевам дека до крајот на оваа или почеток на следната година ќе имаме веќе оперативна пруга која што чека од 2019 година“ вели министерот за транспорт Александар Николоски.

Николоски информираше дека има веќе готов проект за обиколницата на Битола.

„Во однос на патот има веќе готов проект од јавното претпријатие за државни патишта за обиколница на Битола , која после тоа продолжува покрај индистриската зона „Жабени“ до граничниот премин „Меџитлија“ и ќе работиме и на тоа во следниот период“ ни одговори министерот за транспорт.

Исто така и влезот на Битола е активност која се случува, на што не потсети премиерот.

„Во моментов имаме огромен проект кој што го работи Општина Битола заедно со поддршка на Владата и средства и од буџетот и од Општина Битола за комплетно булеварско решение на влезот во Битола“ рече Николоски.

Пред неколку дена и пратеникот Милевски кажа дека во и околу Битола се случува градежна офанзива и дека вака треба да се работи за доброто на граѓаните.

Македонија

Конгрес на ДУИ: Ахмети со нови барања

Лидерот на ДУИ, Али Ахмети, на Петтиот конгрес на партијата денеска изнесе сет клучни политички барања што, според него, треба да ја гарантираат стабилноста и функционалноста на државата. Во фокусот се избор на Влада со двојно мнозинство, уставни измени поврзани со одлучувањето во Уставниот суд и целосен ветинг на сите јавни функционери во последните три децении, под меѓународен надзор.

Промовирајќи го новиот „Национален договор за напредок“, Ахмети побара воведување на т.н. „извршен Бадентер“, според кој секој иден владин состав ќе мора да ја добие довербата не само од мнозинството пратеници во Собранието, туку и од мнозинството пратеници кои ги претставуваат немнозинските заедници.

Тој истакна дека унитарната држава може да биде стабилна само доколку се темели на доверба и лојалност меѓу сите заедници, нагласувајќи дека двојното мнозинство е механизам што обезбедува инклузивност и политичка рамнотежа.

Во делот на судството, Ахмети предложи законите донесени со Бадентеров принцип во Собранието да не можат да бидат поништени од Уставниот суд без истото двојно мнозинство меѓу уставните судии. Според него, потребни се уставно-правни измени со кои одлуките што ги засегаат правата на немнозинските заедници ќе се носат само со заемна согласност.

Покрај уставните промени, лидерот на ДУИ инсистираше и на темелно „прочистување“ на политичката сцена. Тој побара целосен ветинг за сите носители на јавни функции во изминатите 34 години, вклучувајќи проверка на потеклото на имотот и процесите на приватизација, со јасен меѓународен надзор.

Македонија

Македонските деца сè порано пробуваат цигари и алкохол: Првата цигара на 9 години, алкохол на 13

Резултатите од најновото истражување ЕСПАД 2024, презентирано од Институтот за јавно здравје, покажуваат загрижувачки тренд кај македонските ученици – дел од децата ја запалуваат првата цигара уште на деветгодишна возраст, додека првиот контакт со алкохол најчесто се случува околу 13 години.

Истражувањето било спроведено во 96 средни училишта со повеќе од 2.800 ученици и укажува и на значителен пораст на употребата на електронски цигари. Повеќе од една четвртина од учениците пробале е-цигари, а секој десетти ги користел во изминатиот месец.

Алкохолот останува најраспространета психоактивна супстанца меѓу адолесцентите, при што момчињата почесто пријавуваат рана употреба, интоксикација и тешко епизодно пиење. Речиси третина од учениците првпат консумирале алкохол на 13 години или помлади.

Иако помал обем се регистрира и употреба на седативи без рецепт, канабис и коцкање, овие појави се особено присутни кај машката популација. Надлежните институции предупредуваат дека овие трендови бараат засилени и современи превентивни мерки.

Од Министерството за образование и наука информираат дека училиштата веќе спроведуваат програми за превенција на злоупотреба на психоактивни супстанци, а од оваа учебна година е воведен и изборен предмет за здравствена писменост. Институтот за јавно здравје нагласува дека резултатите од ЕСПАД треба да послужат како основа за подобрување на политиките и заштита на здравјето на младите.

Македонија

АХВ засилено ги контролира детските новогодишни пакетчиња: дел од нив повлечени поради неточни декларации

Во пресрет на новогодишните празници, Агенцијата за храна и ветеринарство (АХВ) спроведе 262 вонредни инспекциски надзори за да ја провери безбедноста на детските новогодишни пакетчиња. Контролите беа извршени во магацини за пакување, маркетите и продавниците кои ги пласираат овие производи.

Поради несовпаѓање на роковите на збирната декларација со поединечните рокови на производите и непотполни декларации, инспекциските служби издадоа 4 решенија за повлекување на пакетчиња од промет. Дополнително, двајца оператори со храна добија наредби за ставање на комплетни збирни декларации на пакетчињата.

Од спроведените 262 инспекциски надзори, не се изречени парични казни и не е поништена ниту една храна како небезбедна. Во споредба со ланската сезона, кога беа утврдени сериозни неправилности како погрешни ознаки, истечен рок на употреба и промени во својствата на производите, годинава се забележани само минимални недоследности кај операторите.

АХВ најавува дека контролните активности ќе продолжат и во наредниот период, особено пред и по новогодишните празници, со цел да се осигура безбедноста на детските пакетчиња.