Драги наши мали пријатели,

Со љубов и радост, ја најавуваме нашата последна средба со омилениот Мечо пред да замине на зимски сон! Го испраќаме со многу насмевки и топли спомени од сите заеднички авантури и незаборавни моменти.

Ве покануваме да ни се придружите оваа сабота на бесплатно возење, каде заедно ќе му посакаме пријатен сон и убави соништа. Оваа дружба ќе ни биде последна за сезонава, па да ја направиме посебна!

Со нетрпение ве очекуваме!

Напишаа на Facebook ЈП Паркинзи општина Битола.

Битолскиот театар се наближува кон големиот јубилеј, 80 години постоење. Во рамките на програмата за одбележување, се и неколку гостувања од театри и тоа: МНТ, Драмски театар Скопје и театарот „Јордан Хаџи Константинов Џинот“- Велес.

Првото гостување е на 07.11 (четврток) со почеток во 20.00 ч. на МНТ-Скопје со претставата “Бели ноќи“,во режија на Звездана Ангеловска. Актерската екипа ја сочинуваат: Ана Јовановска и Дамјан Цветановски. Идејата за создавањето на претставата „Бели ноќи“, како што истакнува режисерката е поттикната од потребата да се создаде камерна театарска сценска верзија според истоимениот сентиментален роман на Ф. М. Достоевски, каде што главните ликови Сонувачот и Настењка, тука се архетипови на две уметнички души сонувачи.

Второто гостување е на 8.ноември на Драмскиот театар од Скопје со претставата „Мојот маж“работена по делото на Румена Бужаровска, во режија на Нела Витошевиќ. Гостувањето на Драмски Театар Скопје е дел од годишната програма на НУ Центар за култура Битола за 2024 година, поддржана од Министерство за култура, кое Центарот го приклучува во честитање на 80 годишнината на Битолскиот Народен Театар и 80 годишнината на Општина Битола. Како две институции од култура се светол пример на беспрекорна соработка и взаемна подрршка за реализација на настаните и програмите, и нивната цел е таа пракса да продолжи и во иднина.  За претставата „Мојот маж“  се вели дека е обид да се соочиме со сегашноста преку ревидирање на минатото. Во претставата играат: Сара Климоска, Емилија Мицевска, Наталија Теодосиева, Сања Арсовска, Трајанка Илиева – Вељиќ, Игор Ангелов, Филип Трајковиќ и Исмет Шабановиќ. Оваа претстава ќе се одигра на сцената во Битолскиот театар со почеток од 20 часот.

Третото гостување е на 11.11, понеделник, на театарот „Јордан Хаџи Константинов – Џинот“ од Велес, со претставата „Вечера за глупаци“ во режија на Ненад Витанов. Претставата е работена по текст на Франсис Вебер и во истата играат: Фаик Мефаилоски, Благојчо Стојанов, Жарко Спасовски, Талија Настова, Јордан Витанов, Кире Ацевски и Сандра Танчева. Станува збор за комедија во која се комбинираат комедија на карактери и комедија на ситуации. Приказна која го коментира високото француско општество кое презаситено од сè што може да си пружи, креира ситуации во кои ќе може да им се исмева на послабите и понеуспешните од нив. Имено, темата која се обработува е смислата на она што го чини човекот среќен и перспективата од која тоа се доживува. Претставата ќе се одигра со почеток од 20 часот.

Одбележувањето на јубилејот ќе се заокружи со изведбата на претставата „Ѓоре Магаревски-80 години потоа“, на Битолскиот театар, на 14.11. Претставата е во режија на Благој Мицевски, Софија Ристевска Петрушева и Јован Ристовски.

Придружете се на свеченото отворање на најмодерниот салон Прима во Македонија овој петок, 8 ноември во 13 часот. Откријте ги поволните понуди и задоволството од купување мебел, а првите клиенти на новиот салон ги очекуваат изненадувања!

Новиот салон е дел од модерниот Bliss Mall & Retail Park во Битола на адреса Илинденска бб и се простира на површина од 1.300 квадратни метри. Салонот се наоѓа на првиот кат од трговскиот центар, каде што ќе најдете широк асортиман на модерен мебел и украси за опремување на сите соби по пристапни цени. Само следете ги веселите бои на балонот Прима и ќе знаете дека сте на најдобрата дестинација за купување мебел!

САЛОН КАЈ КУПУВАЊЕТО МЕБЕЛ Е ЗАДОВОЛСТВО

Ве очекува првиот салон на Прима, уреден според модерниот продажен концепт 100 % твое, кој е дизајниран на европско ниво со помош на Brigade, една од најдобрите архитектонски компании во светот. Со новиот концепт, Прима сака да им овозможи на своите клиенти лесно да создадат 100 % сопствен стил со кој ќе можат да го опремат целиот свој дом. Со помош на продажните советници и понудените алатки, клиентите можат да изберат материјали и на тој начин да создадат ентериер со кој ќе бидат задоволни и горди.

„Мебелот Прима не само што е привлечен, туку е дизајниран да одговара на модерниот начин на живот. Затоа во новиот салон Прима во Битола ви претставуваме нова колекција на мебел, како и Студио за кујни по нарачка, Студио за вградени гардероби и Студио за внатрешен дизајн, каде што ќе можете да го персонализирате и прилагодите мебелот за себе и за вашиот простор со помош на нашите продажни консултанти и дизајнери на ентериер“, изјави Ренато Радиќ, сопственик и директор на Групацијата Прима.МОДЕРЕН И ДОСТАПЕН МЕБЕЛ ЗА СИТЕ

Прима Мебел работи во Македонија веќе 15 години, откако се отвори првиот салон за мебел во Скопје. Оттогаш континуирано ги следи потребите и начинот на живот на Македонците и соодветно развива модерен и достапен мебел за опремување на домот по сопствен дизајн и производство, но и стратешки го развива својот бизнис под покровителство на Групацијата Прима.Имено, Прима Мебел е дел од Групацијата Прима која постои 30 години. Од семејна компанија, низ годините Прима се разви во успешен деловен систем кој денес има речиси 70 салони, 6 фабрики и 2500 вработени во земјите од регионот. Прима се етаблира на пазарот како производител кој на своите клиенти им гарантира најквалитетен и најсовремен мебел по најдобра цена, затоа модернизирањето на малопродажната мрежа во регионот беше логичен деловен потег.

Денес, Прима има 8 салони за мебел во 5 града во Македонија, со што се осигурува нивниот модерен, висококвалитетен и удобен мебел да биде достапен за жителите во секој дел од земјата. Скопје, Битола, Куманово, Кавадарци и Охрид се градови во кои можете да најдете Прима мебел за секоја соба од вашиот дом, викендичка, стан или канцеларија.Прима одлучи да го отвори својот нов салон во Битола бидејќи, како што посочуваат, тој е вториот по големина град во Северна Македонија, кој привлекува голем број луѓе и затоа претставува голем потенцијал. Со тоа Битола го доби најсовремениот салон за мебел во земјава.

СТУДИО ЗА КУЈНИ ПО МЕРКА

Салонот во Битола е уникатен бидејќи располага со Студио за кујни по нарачка, каде што можете да ги испланирате сите детали за вашата нова кујна со стручњак за кујна. Ве покануваме да ги истражите посебните карактеристики на новата колекција на кујни по мерка Прима за 2025/2026 година кои се изложени во салонот и ќе ја пронајдете онаа што најмногу одговара на вашиот дом.Прима ви нуди голем број различни модели на кујни достапни во голем број композиции со модерни и практични кујнски елементи. Покрај тоа, можете да го изберете материјалот и боите на корпусот и фронтот на предниот дел на вашата нова кујна, како и сите детали како рачки, стакло, осветлување, висина на плоча… Покрај најдобрата понуда на кујни на пазарот и флексибилни опции за персонализација, во салонот Прима ќе добивате и услуги за испорака и монтажа. Новоотворениот изложбен салон во Битола е најдобрата дестинација за шопинг за кујни од соништата! Таму можете да ги најдете најмодерните кујни, создадени само за вас.„Прима не само што се издвојува со широкиот асортиман на мебел по нарачка, туку на клиентите им нудиме и можност за испорака и монтажа, како и услуги за внатрешен дизајн, што ја комплетира приказната за целосно опремување на домот и гради доверба. На нашите клиенти им нудиме единствена можност да го украсат својот дом во ист стил со гаранција за квалитет на производите и навремена испорака“, објасни Радиќ.

ДИЗАЈНОТ НА ВАШИОТ ДОМ ОСТАВЕТЕ ГО НА ЕКСПЕРТИТЕ

Доколку наскоро планирате да реновирате или опремите нов ентериер, Прима ќе ве угости во своето студио за дизајн на ентериер. Во удобноста на модерно студио за дизајн, со персонализиран и директен пристап, вештите дизајнери на ентериер Прима ќе можат да им се посветат на клиентите на приватен состанок што можете да го закажете денес преку е-пошта на proekti.makedonija@prima-namjestaj.hrНовина е што откако ќе купите мебел или можеби додека ќе се одлучите помеѓу неколку примамливи опции, можете да се опуштите и да се одморите за момент во удобното кафуле Прима.

„Откријте модерни дизајнерски решенија кои се уште поблиску до вас, вашето семејство и вашиот животен стил. Сакаме да изградиме однос на доверба со вас и да ви понудиме искуство кое ќе ве инспирира да уживате во секој момент поминат во вашиот дом“, додаде Ренато Радиќ со поканата за отворањето на салонот Прима мебел на 8 ноември во 13 часот во трговскиот центар Блис во Битола, на адреса Илинденска бб.

Не пропуштајте го отворањето бидејќи првите 50 купувачи на Прима ќе бидат наградени со подарок изненадување. Се гледаме!