Македонија

КАПИТАЛНИ ИНВЕСТИЦИИ ВО ОПШТИНА БИТОЛА!

Денес во посета на општина Битола беше Вицепремиерот и Министер за транспорт Александар Николоски кој заедно со градоначалникот на Општина Битола Тони Коњановски, директорот на АД за стопанисување со станбен простор и со деловен простор од значење на републиката Марјан Стефановски, пратеникот Пеце Милевски, и советниците во Советот на Општина Битола го означија отпочнувањето на изградба на новата комерцијална зграда во АРМ, каде инвеститор е АД за стопанисување со станбен и деловен простор.
Градбата на зградата се очекува да трае 20 месеци, ќе опфаќа 65 станови и 11 деловни простории со 100 паркинг места, цената ќе биде за 30-40 % поефтина од таа што е на пазарот во мемонтот.
„Изградбата на оваа зграда е од големо значење и ќе се вклопи во градежната офанзива со која е опфатена Битола, сакам да го искористам моментот и да се заблагодарам на Министерството за транспорт и врски и Министерот Николоски за огромната поддршка која ја дава на општина Битола, имено од аплицираните 16 проекти од програмата за поддршка на Владата, 13 договори се веќе потпишани со министерството за транспорт и врски за инфраструктурни проекти.
Како што знаете проектот преку Светска Банка во населба „Недопирливи“ е веќе завршен, во моментот се работи на ул. „Бурса“ инаку значајна обиколница за градот и стопанството, исто така влезот во градот односно ул. „8 септември“, проекти кои долго се бараа од граѓаните и стопанството, истакна градоначалникот Коњановски во својата изјава.
Министерот Николоски истакна – “Во следната година сериозно ќе го развиваме Проектот “Купи куќа за млади” кој што треба да овозможи доста пристапни цени за младите да можат да изградат или да купат куќа, а ќе продолжиме со вакви проекти и во делот на станбената политика. Она што исто така можам со задоволство да го кажам е до крајот на 2024 година и само преку министертсвото за транспорт и врски се инвестирани вкупно 10.000 000,00 евра што досега не случило во градот. Можам кратко да набројам неколку проекти кои ги работиме како што кажа Градоначалникот завршена е реконструкција на 7 улици во населбата “Недопирливи” во вредност околку 500.000 000,00 евра а во моментов се работи на ул. Индуистиска во вредност со некаде 700.000 000,00 ева вкупна должина на двата потези е 4.5 километри. Исто така денеска треба да се избере изведувач кој што ќе работи Реконструкција на водоводна мрежа и канализациона мрежа на слените 4 улици : “11-ти Март”, “Панде Николов”, “Козара” и “Чеде Филиповски – Даме” од некаде во вредност од 200.000,00 евра а со Одлука на Влада, Mинистрството за транспорт и врски на Општина Битола му додели 2.700 000,00 евра само за до крајот на оваа година, а од другата година ќе имаме помножено по два од оваа вредност, исто така во моментов се работи на влезот на Битола во вредност некаде околу 2.000 000,00 евра. Оваа комерцијлана зграда ќе биде околу 3.500 000,00 евра кога ќе соберете се има во моменот економска активност од околку 10.000 000,00 евра стимулирана преку Министертсво за транспорт и врски. Целокупната екомија во градот отварање дирекни и индирекни работни места значи иднина за економијата во градот Битола и тие кои ја гледаат иднината во Битола. Најавувам дека ќе продолжиме да инвестираме во иднина тука се и големите стратешки проекти до Нова Година ја пуштаме и првата делница Градско – Дреново од екпресниот пат , од март месец ќе оди Дреново – Фариш, а како што највивме минатата недела автопат Прилеп – Битола и секако започнуваме на работиме на завршување на проектот на обиколница Битола и изградба на експресен пат до граничниот премин Меџитлија.

Македонија

Расте бројот на заболени од грип во Македонија

Во периодот од 8 до 14 декември, здравствените власти регистрираа вкупно 126 случаи на грип и заболувања слични на грип во Република Северна Македонија. Ова претставува алармантно зголемување од 31,3% во споредба со претходната недела, што покажува дека сезоната на грип полека, но сигурно ја зазема својата динамика.

Епидемиолозите предупредуваат на потребата од зголемена внимателност, редовно миење на рацете и избегнување на големи групи луѓе, особено за ранливите категории – децата, постарите и хронично болните.

Македонија

Мурати и Лесковица ја туркаат ДУИ на стаклени нозе: Темелите се скапани, реформите исчезнати

Конгресот на ДУИ, кој беше најавуван како почеток на длабоки реформи, предизвика силни реакции од поранешни високи функционери на партијата. Поранешни вицепремиери, министри и други раководители остро го критикуваа процесот, оценувајќи го како „фасада“ и „прикажан авторитаризам“, во кој меритократијата и заслугите биле запоставени.

Фестим Халили, поранешен вицепремиер за спроведување на Охридскиот договор, му честиташе на Али Ахмети за новиот мандат, но потенцираше дека ова е „момент за длабоко морално размислување“. Според него, многу интелектуалци се соочиле со „тивки попречувања“, додека на клучни позиции, особено во Тетово, биле поставувани поединци без значајни заслуги. „Партијата која сака да остане релевантна мора да ја врати меритократијата и заслугите како основен принцип и да создаде простор за оние кои се докажале со дела, а не со сервилност“, изјави Халили, критикувајќи го недостатокот на одговорност за четирите последователни изборни циклуси со загуби.

Валмир Азири, поранешен државен секретар за култура, го опиша конгресот како „претстава со организирани ракоплескања“. Тој истакна дека новите членови не се резултат на демократија, туку на внатрешна ротација која се прикажува како промена. „Довербата не се создава во затворени конгреси. Без вистинска одговорност, секој конгрес останува уште едно поглавје од истата потрошена приказна“, изјави Азири.

Ремзи Абдулахи, поранешен заменик-директор на УЈП, директно го нападна процесот на избор на кандидатите, нарекувајќи го „затворање на партијата“. „Кога одлуките се носат во затворени канцеларии без критериуми, се враќаме на менталитетот од комунизмот, каде еден човек одлучува за сите. Тоа е авторитаризам маскиран како реформа“, нагласи Абдулахи.

Линдита Ќазими, поранешна заменик-министерка за образование, остро реагираше поради непоканувањето на конгресот и упати јавни обвинувања против структурите на партијата, најавувајќи дека ќе одговори со дела за да ги „декласира“ оние кои ја исклучиле.

Беким Мурати, поранешен градоначалник на Сарај, ја опиша ситуацијата со метафора за куќа: „Новата фасада не ја спасува куќата од нејзините скапани темели. Овие имиња не беа избрани поради визија, туку за заштита на старото раководство. Ова не е реформа, туку рециклирање“.

Разочарување застана и кај претставниците од Скопје. Поранешниот советник во Шуто Оризари, Илјаз Лесковица, истакна дека градот останал без вистинска тежина во партијата. „Не може да се камуфлира неправдата направена кон Скопје. Денес мнозинството се во чевлите на Изет Меџити, како и пред четири години. Дури ни буквата ‘Р’ не остана од реформите во ДУИ“, рече Лесковица.

На конгресот, Арбер Адеми беше избран за генерален секретар на ДУИ, додека Фатон Ахмети премина во улогата потпретседател. Бујар Османи и Арбана Пашоли остануваат потпретседатели, а Еркан Арифи и Арта Билали-Зендели се нови потпретседатели. Неби Реџепи го замени Блерим Беџети како организациски секретар, додека во централното претседателство беа избрани 18 нови членови.

Сепак, според поранешните функционери, овие промени се повеќе симболични отколку суштински, оставајќи ги старите структури и стилови на раководење нетакнати.

Македонија

Спиропали во Скопје: Албанската министерка во официјална посета

Министерот за надворешни работи и надворешна трговија, Тимчо Муцунски, денеска ќе ја пречека министерката за Европа и надворешни работи на Република Албанија, Елиса Спиропали, која е во прва официјална посета на нашата земја.

На средбата ќе се дискутира за актуелните политички состојби во двете земји, билатералните односи и перспективите за нивно продлабочување, како и за заедничките можности за соработка во сите области.

По разговорот и билатералната средба на делегациите на двете министерства, Муцунски и Спиропали ќе се обратат пред медиумите на заедничка прес-конференција.