На 20.11.2024 во 11.00 часот во СВР Тетово, 55 – годишен маж од тетовско село пријавил дека бил уценет од жена од Тетово, со која порано бил во врска. Според пријавеното, последните три години таа му се јавувала на телефон и му кажала дека има дете со него и му барала пари за подмирување на долгови, а доколку не и даде ќе и кажела на неговата сопруга за нивната врска. Како што е пријавено, тој досега ѝ дал околу 20.000 евра, а во последните четири дена му барала уште 7.000 евра. Се преземаат мерки за расчистување на случајот.

На 20.11.2024 во 22.20 часот во тетовско село, полициски службеници од Полициското одделение Камењане ги лишиле од слобода Љ.Ш.(43) и нејзиниот син Б.Ш.(18), кои околу 21.20 часот биле пријавени од нејзината 19 – годишна ќерка дека физички ја нападнале неа и нејзината малолетна сестра. Тие се задржани во полициска станица и по документирање на случајот ќе следува соодветен поднесок.

На 20.11.2024 во 23.45 часот на улица „Љуботенска“ во тетовско село, полициски службеници од СВР Тетово го лишиле од слобода Х.Г.(38) од селото, кој во 23.00 часот бил пријавен од 34-годишната сопруга, со која се во бракоразводна постапка, дека по завршување на судско рочиште агресивно се однесувал кон неа и ѝ се заканувал. Тој е задржан во полициска станица и по документирање на случајот против него ќе следува соодветен поднесок.