Ракометната федерација на Македонија донесе одлуки по повод натпреварот помеѓу Скопје и Гевгелија, по срамниот Куп натпревар во кој ракометарките си даваа автоголови, и наводно намерно промашувале на меѓусебниот натпревар.

Така ЖРК Гевгелија и ЖРК Скопје се исклучени од сите натпреварувања под капата на Ракометната федерација на Македонија.

Суспензии добија и официјалните лица на двата клуба, како и делегатот. Валентина Радуловиќ како претседател на ЖРК Скопје, е суспендирана со забрана за вршење функција во ракометот во следните две години. Иста казна доби и тренерот на екипата, Веселинка Треноска.

Претседателот на ЖРК Гевгелија Јулија Беќарова исто така доби забрана за вршење на ракометна функција во следните две години. Делегатот на мечот Митко Ѓоргиевски е казнет со забрана за вршење на функција во следните шест месеци.

Фудбалскиот репрезентативец на Македонија Ѓоко Зајков е оптимист пред двата натпревари во Лигата на нации против Летонија и Фарски Острови.

Зајков изјави дека во нашиот табор владее позитивна еуфорија и се надева дека истата ќе биде преточена во добри резултати пред домашните навивачи.

„Тренираме добро, владее позитивна еуфорија меѓу играчите. Добро е што двата натпревари ги играме пред нашата публика и се надевам дека ќе продолжиме со одличните резултати.

Ја победивме Летонија на гости, но тие не се наивна репрезентација, затоа мислам дека мора да бидеме многу фокусирани во сите сегменти од играта, зашто само така ќе потврдиме дека претходниот триумф не бил случаен.

Тактички сме одлично поставени, се подготвуваме исто како и за секој друг натпревар, па се надевам дека крајот на овој циклус ќе биде успешен за нас“, изјави Зајков.

Првиот натпревар против Летонија ќе го одиграме на 14 ноември во 20:45 часот, додека со Фарските Острови се среќаваме три дена подоцна во терминот од 15:00 часот.

Македонија во следниот период ќе се соочи со Летонија и Фарски Острови во Лигата на нации, а македонскиот репрезентативец Дарко Чурлинов ги кажа неговите очекувања.

Чурлинов сака со две победи да го завршат овој циклус на натпревари, а притоа посочи дека очекува голема поддршка од публиката.

„Играме на домашен терен и тоа е голема мотивација за нас. Ќе ги анализираме противниците и ќе се фокусираме на задачите кои ќе ни ги даде селекторот. Сите веруваме во успех. Натпреварите нема да бидат лесни затоа што нема лесни противници. Сакаме на најубав можен начин да ја завршиме оваа мисија. Ако излеземе на терен и го направиме тоа што ни е кажано, мислам дека ќе поминеме многу добро “, кажа Чурлинов.

Македонија го игра првиот меч во Скопје против Летонија на 14 ноември, а три дена подоцна ќе се соочи со Фарски Острови.

Во групата 4, Македонија е прва со 10 бодови, по што следат Ерменија и Летонија со по четири поени, а Фарски Острови има три бода.