Connect with us

Македонија

Изложба на „олдтајмери“ во Тетово

Published

on

Во срцето на Тетово се одржа изложба на класични автомобили што привлече љубители на „олдтајмери“ од сите генерации. Посетителите имаа можност да ги видат и восхитуваат на уникатните примероци на класични автомобили, како руската Лада, реткиот италијански Фиат Балила од 1932 година и легендарната Volkswagen Буба.

Изложбата беше ретка можност за носталгичарите и автоентузијастите да ги видат овие прекрасни автомобили, кои не само што ја обележаа својата ера, туку и ја задржаа својата посебност и карактер преку децениите.

Македонија

Маркетите имаат 45 дена да ги објават цените на производите на нивните веб-страници

Published

on

Собранието на РCM ги одобри законските измени и од средината на април објавувањето на цените на веб-страниците ќе биде задолжително за големите, средните и малите трговци. Од оваа обврска се ослободени маалските дуќани, а во наредните десет дена ќе бидат објавени прописите кои ќе ги регулираат.

„Измените на Законот за заштита на потрошувачите ќе бидат објавени деновиве во Службен весник и супермаркетите имаат рок од 45 дена да ги подготват и да ги објават на своите веб-страници сите цени на производите што ги имаат во своите продавници“, рече на прес-конференција министерот за економија и труд, Бесар Дурмиши.

„Со овие законски измени очекуваме поголема транспарентност, подобра конкуренција и намалени цени, а граѓаните ќе можат да изберат каде ќе ги трошат парите и ќе знаат на кој пазар и по која цена се продава некој производ“, појасни Дурмиши.

Дурмиши потсети и на претходно одобрените владини одлуки кои ги зголемија бруто-маржите на 102 основни групи производи.

„Овие две мерки ќе траат до 30 април и одлуката за замрзнување на бруто профитната маржа во трговијата на големо и мало опфаќа 8 прехранбени производи за 5 отсто, 55 производи за 10 отсто и 39 други прехранбени производи за 15 отсто“, рече Дурмиши.

Државниот пазарен инспекторат е на терен и инспекторите постапуваат согласно владината одлука, а до крајот на неделава ќе бидат проверени 1.000 стопански субјекти низ државата. Доколку постапат спротивно на законот, казните се движат од 500 до 10 илјади евра, вклучително и затворање на маркетите до 30 дена. Дурмиши очекува со замрзнати маржи производите да имаат пониски цени и до 10 проценти.

Continue Reading

Македонија

Ердоган: Нашите односи над 30 години се цврсти како што е цврст и Камениот мост во Скопјe

Published

on

Потпишувањето на политичката декларација за основање на совет за соработка на високо ниво помеѓу Турција и Македонија е многу значаен чекор со кој ние можеме да ги подигнеме на уште повисоко ниво односите меѓу нашите две земји во трговијата и економијата…Се надевам дека ќе присуствувам на првата седница на советот што ќе се одржи во Скоје, истакна претседателот на Турција, Реџеп Тајип Ердоган на заедничката прес-конференција со премиерот Христијан Мицкоски по потпишувањето на декларацијата.

Ердоган изрази задоволство што е домаќин на премиерот Мицкоски и неговата делегација во Истанбул, истакна дека целта на документот е трговската размена која минатата година достигна околу една милијарда евра, да биде во ист сооднос меѓу двете земји.

-„Минатата годна ние имавме околу една милијарда долари трговска размена и мислам дека во првата прилика мораме да ја донесеме двострано. Помеѓу двете земји постои Спогодба за слободна трговија која треба повторно да се ревидира. Денеска посебно се осврнавме и на односите кои што ги имаме во воената област и во сферата на одбранбената индустрија. Турција е една од првите земји која што ја призна независноста на Македонија. Како наш соработник во НАТО, ние сме две пријателски земји кои директно влијаат врз зачувувањето на мирот на Балканот. Нашите односи над 30 години се цврсти како што е цврст и Камениот мост во Скопје“, рече Ердоган.

Турскиот претседател ја истакна и важноста на турската заедница во Македонија за одржувањето на блиски односи меѓу двете држави.

„Балканот не треба да се гледа како место за конкуренција помеѓу народите. Напротив, треба да биде поле за заедничка соработка и за развој. Најзначајното нешто што ги врзува двете земји се Турците коишто живеат и нивната заедница во Македонија. Тие порано од Анадолија мигрирале и дошле во СМ на таа географија и формирале свои културни темели коишто не врзуваат“, рече Ердоган.

Како што наведе, му напоменал на премирот во нивните разговори дека „ова наше пријателство е под притисок на FETО и ние мораме да се бориме заеднички против нив“, мислејќи на движењето на сега починатиот исламистичкиот проповедник Фетула Ѓулен кој почина во добровеолен егзил во САД, а кое беше обвинето за обид за воспоставување „држава во држава“ и за неиуспениот воен преврат во јули 2016 година, кое Анкара го стави на листата територистички организации.

Двајцата се осврнале и размениле мислења за регионалните и глобалните геостратешки прашања како што е конфликтот во Украина и во Газа.

За Турција, како што рече Ердоган, клучно е конфликтот во Украина да се реши по пат на разговори. За ситуацијата во Палестина нагласи дека двете земји споделуваат ист став, а тоа е преку формирање на две држави.

Continue Reading

Македонија

Мицкоски и Ердоган потпишаа политичка декларација: Македонија и Турција ќе ја продлабочуваат и интензивираат соработката во сите области

Published

on

– Двете земји се сојузници во НАТО, а нашиот заеднички приоритет е стабилноста и безбедноста во регионот. Посветени сме како држава на градење цврсто партнерство и потврда за македонско-турското пријателство на економски, политички и културен план, рече Мицкоски.

Македонија и Турција ќе ја продлабочуваат и интензивираат соработката во сите области на билатерално, регионално и глобално ниво, најавија премиерот Христијан Мицкоски и турскиот претседател Реџеп Таип Ердоган откако денеска во Истанбул потпишаа политичка декларација за основање совет за соработка на високо ниво меѓу владите на двете држави.

Декларацијата беше потпишана при првата официјална посета на Мицкоски на Турција.

– Ова е значаен чекор за односите меѓу двете земји а основите на ова се содржани во документот Стратегија за зајакнување на билатералните односи меѓу Македонија и Турција потпишан уште во 2008 година. Со цел да го развиеме стратешкото партнерство донесовме одлука за основање совет на високо ниво чија цел е продлабочување и интензивирање на соработката во сите обалсти од заеднилчки интерс на билатерално, регионално и глобално ниво, рече премиерот Мицкоски на прес-конференција по потпишувањето на декларацијата.

Мицкоски рече дека со Ердоган имале исклучително значајна и конструктивна средба, која, како што рече, е потврда на традиционалното пријателство, силното партнерство и стратешката соработка меѓу двете земји.

Најави продлабочување на соработката во повеќе области со особен акцент на трговската размена, а разговарале и за соработката во безбедноста, образованието, културата и здравството.

– Двете земји се сојузници во НАТО, а нашиот заеднички приоритет е стабилноста и безбедноста во регионот. Посветени сме како држава на градење цврсто партнерство и потврда за македонско-турското пријателство на економски, политички и културен план, рече Мицкоски.

Ердоган се надева оти ќе присуствува на првата седница на Советот што ќе се одржи во Скопје. Најави дека со идните активности ќе се зголеми економската и трговската размена на уште повисоко ниво и оцени дека односите меѓу двете земји се силни како што е силен Камениот мост во Скопје.

– Лани имавме трговска размена од милијарда долари кои треба да ги удвоиме во првата прилика, рече Ердоган, посочувајќи дека ќе биде потребно ревидирање на Договорот за слободна трговија.

Ердоган воедно порача дека Балканот не треба да се гледа како место за конкуренција меѓу народите, туку како поле за заедничка соработка и за развој.

Continue Reading
Advertisement
Advertisement

Трендинг

Copyright © 2024 Булевар.мк