Американскиот потпретседател Џеј Ди Венс вели дека сака „лулката на христијанската цивилизација“ Европа да напредува но дека прави погрешни чекори.

Американскиот потпретседател Џеј Ди Венс во интервјуто за Фокс њуз објавено во петокот ги нагласи длабоките културни и религиозни врски меѓу Соединетите Држави и Европа, осврнувајќи се на континентот како „лулка на западната цивилизација“, за која тој тврди дека сега е изложена на голем ризик.

„Целата идеја за христијанската цивилизација што доведе до основање на Соединетите Американски Држави беше формирана во Европа. Културните врски, религиозните врски – овие работи ќе траат надвор од политичките несогласувања“, рече Венс.

Венс предупреди дека неподготвеноста или неспособноста да се контролираат границите, во комбинација со напорите да се ограничи слободата на говорот кога граѓаните протестираат против прашања како што е илегалната имиграција, може да има сериозни последици.

„Тие не се во можност или не сакаат – премногу земји – да ги контролираат своите граници… Гледате како почнуваат да ја ограничуваат слободата на говорот на нивните граѓани, дури и кога тие граѓани протестираат против работи како граничната инвазија што за што се согласни и американскиот претседател Доналд Трамп и голем број европски лидери“, објасни потпретседателот, изразувајќи надеж дека европските земји ќе почнат да се справуваат со овие предизвици.

Одговарајќи на критиките дека неговиот став може да ги заостри односите меѓу Соединетите Држави и нивните европски партнери, Венс тврди дека искрените дискусии меѓу сојузниците се од суштинско значење.

„Ако имате земја како Германија, каде што има уште неколку милиони имигранти кои доаѓаат од земји кои се тотално културолошки некомпатибилни со Германија, тогаш не е важно што мислам за Европа, Германија ќе се убие сама и јас не сакам да го направи тоа“, рече Венс.

Венс понатаму истакна дека неконтролираната имиграција во ЕУ може да има реперкусии за САД, бидејќи некои поединци на крајот би можеле да бараат влез во Америка.

„Сакам Европа да напредува. Сакам тие да бидат важен сојузник. Дел од тоа ќе биде Европа да го почитува својот народ, да го почитува сопствениот суверенитет, а Америка не може да ја заврши таа работа за нив“, заклучи Венс.

Во февруари, Венс одржа жесток говор на конференцијата за безбедност во Минхен, критикувајќи ги европските лидери дека се плашат од сопствените гласачи и не ги поддржуваат демократските вредности додека ги цензурираат спротивставените гласови под изговор за борба против „дезинформациите“.

„Заканата за која најмногу се грижам во однос на Европа не е Русија, не е Кина, не е некој друг надворешен актер… она за што се грижам е заканата одвнатре“, рече Венс во говорот што Трамп подоцна го опиша како „многу брилијантен“.

Претседателот на САД, Доналд Трамп, изјави дека бил “малку саркастичен” кога во текот на кампањата повеќе пати тврдел дека војната меѓу Русија и Украина може да заврши за само 24 часа.

Трамп на ова прашање одговорил во интервју за емисијата “Full Measure”, додека неговата администрација продолжува со напорите за посредување во пронаоѓањето на решение, 54 дена по почетокот на неговиот втор мандат, пренесува порталот “Local10”.

“Бев малку саркастичен кога тоа го реков. Она што всушност го мислев е дека сакам да го решам ова и верувам дека ќе успеам”, рекол Трамп. Во мај 2023 година, Трамп за CNN изјавил: “Русите и Украинците умираат. Сакам да престанат да умираат. И тоа ќе го завршам за 24 часа”.

Неговиот специјален пратеник, Стив Виткоф, оваа недела бил во Москва, каде разговарал за предлогот на САД за прекин на огнот, кој Украина го прифатила.

Американската војска во петокот соопшти дека го убила водачот на ултрарадикалната сунитска терористичката групација Исламска држава во воздушен напад во Ирак.

Во координација со ирачките власти, САД извршија напад во четвртокот во кој беа убиени водачот на Исламската држава, Абдала Маки Мусли ал-Рифаи, познат како Абу Кадиџа, и уште еден оперативец, се вели во соопштението на американската Централна команда (CENTCOM) од петокот ноќта.

„Како емир на највисокото тело за одлучување на ISIS, Абу Кадиџа беше одговорен за операциите, логистиката и планирањето на ISIS ширум светот и управуваше со значителен дел од финансиите за глобалната организација на групата“, се вели во соопштението.

Командантот на CENTCOM, Мајкл Ерик Курила, изјави дека Хадија бил еден од најважните членови на глобалната организација Исламска држава.

„Ќе продолжиме да ги убиваме терористите и да ги уништуваме нивните организации кои ја загрозуваат нашата татковина и американскиот, сојузничкиот и партнерскиот персонал во регионот и пошироко“, рече Курила.

Кадиџа беше „неуморно ловен (и заробен) од бестрашните воини на Вашингтон“, напиша американскиот претседател Доналд Трамп на својата платформа Truth Social. „Неговиот мизерен живот беше завршен, заедно со уште еден член на ISIS, во координација со ирачката влада и курдската регионална влада. МИР НИЗ СИЛАТА!“, додава Трамп.

Видеото може да го погледнете тука