Македонија

Меџити: „COP29 е клучен момент за нашата иднина“ – Северна Македонија на глобалниот самит во Баку

Баку, Азербејџан — На 29-та Конференција за климатски промени (COP29), која се одржува во главниот град на Азербејџан, Северна Македонија ја претставуваат министерката за енергетика, рударство и минерални суровини, Сања Божиновска, и првиот вицепремиер и министер за животна средина и просторно планирање, Изет Меџити. Овој значаен глобален самит обединува лидери и експерти од над 70 земји со цел да се разгледаат критичните прашања поврзани со климатските промени и одржливиот развој.

Главниот фокус на овогодишната конференција е „Инвестирањето во одржлива иднина,“ тема што ја нагласува важноста на иновациите и новите технологии како основни двигатели за енергетската трансформација и заштитата на животната средина. Како дел од оваа платформа, македонската делегација истакнува дека COP29 е клучен момент за создавање нови меѓународни партнерства и обезбедување значајни инвестиции во обновливи извори на енергија и одржлива енергетска инфраструктура.

„Нашето учество на овој глобален самит ни дава можност да разговараме со светските лидери и експерти за значајни прашања како што се зголемените амбиции за климатско дејствување и важноста на доследната имплементација на Парискиот договор,“ изјави министерот Меџити.

Северна Македонија останува посветена на целта за ограничување на глобалното затоплување под 1,5°C, што е дел од долгорочните национални планови за климатска и економска трансформација. Овие заложби се од клучна важност за подобрување на животната средина и поддршка на одржливиот економски развој во земјата.

Настанот, кој обединува над 70 земји, е доказ за глобалниот стремеж за еколошка трансформација и се очекува да донесе конкретни резултати и политики, кои ќе ја водат Северна Македонија кон позелена и поодржлива иднина.

Македонија

ВЛЕН: По 24 години конечно закон за правично застепеност

Коалицијата ВЛЕН го поздравува позитивното мислење на Комисијата на Венеција за Законот за правично и соодветно застапување, кој беше претставен од заменик-премиерот Арбен Фетаи, со што се дава зелено светло за процесот што ја затвора 24-годишната чекање.

Овој закон е доказ дека кога постои политичка волја, принципот на правично застапување не останува само на зборови, туку се претвора во закон. Правичното застапување се движи напред, базирано на европски стандарди и принципот на меритократија.

ВЛЕН е решен ова прашање да не остане повеќе предмет на политички игри, туку да добие целосно законско решение, за професионална, функционална и инклузивна јавна администрација за сите заедници.

За 24 години ова прашање се користеше за реторика и политички калкулации, без да се постигне законско решение. Денес, ВЛЕН го затвора овој период, претворајќи го правичното застапување во закон.

Македонија

Седум од десет Македонци против покачување на платите на судиите и обвинителите

Според последното истражување на јавното мислење на порталот МКД.мк, спроведено од агенцијата Маркет Вижн, македонските граѓани се изразито против покачување на платите на судиите и јавните обвинители.

Одговорите покажуваат дека 73,6 отсто од испитаниците сметаат дека судиите и обвинителите не заслужуваат зголемување на нивните месечни примања, додека само 14,8 отсто сметаат дека повисоките плати се оправдани. Најголем дел од граѓаните оценуваат дека покачувањето на платите нема да придонесе за подобрување на состојбата во македонското правосудство.

Истражувањето било спроведено од 25 ноември до 6 декември 2025 година со CAТI метод – телефонско анкетирање со помош на компјутер, на примерок од 1.200 испитаници.

Резултатите ја потврдуваат недовербата на граѓаните кон правосудниот систем и укажуваат на потребата од реформи и зголемена одговорност во судството.

Македонија

Детонации на Криволак: се уништуваат експлозиви запленети пред 15 години

Полициски службеници од Одделот за криминалистичка полиција – Единица за недозволена трговија со оружје, опасни материи и радиоактивен материјал, во координација со Единицата за откривање и демонтирање на експлозивни средства при Одделот за сузбивање на организиран и сериозен криминал, согласно однапред изготвен план, преземаат мерки и активности за уништување на голема количина минско-експлозивни средства.

Минско-експлозивните средства, кои биле запленети пред цели 15 години и складирани во касарната „Ѓорче Петров“, денеска се транспортираат до армискиот полигон „Криволак“ со товарни возила на АРМ. Уништувањето ќе се спроведе во присуство на Комисијата за уништување на оружје, делови и компоненти на оружје, муниција и експлозивен материјал.

Процесот на уништување ќе го реализираат полициски службеници од Единицата за откривање и демонтирање на експлозивни средства и направи, стручни лица од Армијата на Република Северна Македонија и пиротехничари од Дирекцијата за заштита и спасување, преку контролирана детонација.

Фактот што станува збор за прво уништување на ваков тип минско-експлозивни средства по цели 15 години укажува дека безбедносните ризици во минатото не биле третирани со потребната сериозност. Денешната активност претставува јасен сигнал дека со одговорен пристап, зголемена посветеност и професионално раководење, безбедноста на граѓаните конечно се става на ниво кое одамна било неопходно.