Министерството за здравство информира дека денеска се враќа еден пациент кој беше на лекување во Бугарија. Во моментот, 55 пациенти се хоспитализирани во странство.

Состојбата на пациентите кои се третираат во странство, вклучувајќи и критичните пациенти, останува непроменета, соопшти Министерството.

Во болниците во земјата се лекуваат 10 пациенти. Четворица се на Хируршката клиника „Св. Наум Охридски“, еден на Клиниката за токсикологија, еден на Клиниката за детска хирургија, еден на Клиниката за пулмологија и еден во ГОБ „8 Септември“. Исто така, двајца пациенти се на лекување во приватната болница „Систина“.

Министерството за здравство продолжува со мониторирање на состојбата на пациентите и се залага за обезбедување на најдобар можен третман и понатамошна рехабилитација.

Најпрво, искрена благодарност до целата јавност, медиумите и особено до Премиерот Христијан Мицкоски за навремената реакција и поддршка. Веруваме дека таа поддршка веќе дава резултати и се надеваме дека Судскиот совет ќе постапи по скандалозната пресуда на судијата Ељведин Ферати. Како семејство имаме сомнежи дека зад одлуката стојат политика, мито и корупција, и нема да запреме додека не се изнесе правдата на виделина.

Во врска со најавениот протест во Скопје од иницијативата “Кој е следен?” јавно кажуваме: НЕ ГО ПОДДРЖУВАМЕ.
Никој не нè праша, не нè извести, не побара мислење. Зошто протест во Скопје кога сè се случи во Тетово? Таму живееше Теодора, таму беше убиена, таму судијата донесе срамна одлука, и таму шета слободно убиецот.
На последниот протест, нашата мајка лично побара протест во Тетово, беше одбиена. Зошто?
Јавно прашуваме: каде беше “Кој е следен?” кога се изрекуваше срамната пресуда? Каде беа кога беше најпотребно?

Доста е од иницијативи што не ги слушаат семејствата, што жртвите ги користат како алатка за туѓи цели.
Затоа повикуваме:
Тетовчани, излезете со нас за Теодора, за вистината, за правдата.

Не во Скопје. Не со нив. Во Тетово, каде што почна неправдата, таму мора да заврши.

Без политиканство! Наша единствена политика е Теодора!

ПРАВДА ЗА ТЕОДОРА!

Македонскиот музичар Раде Врчаковски – Врчак првпат се огласи јавно по трагедијата во Кочани, која ја потресе целата земја и во која загина 61 лице. Меѓу нив беше и Андреј Ѓорѓиески, член на популарното дуо „ДНК“ и долгогодишен пријател и соработник на Врчак.

Тој имаше повеќегодишна соработка со „ДНК“, а нивното пријателство беше забележано преку бројни заеднички хитови и настапи во текот на годините. По неговото повлекување од јавноста, токму Андреј и Панчо беа тие што успеаја да го вратат на сцената со дуетската песна „Посреќна“ во 2023 година.

Во емотивна објава на својот фејсбук-профил, Врчак сподели фотографија од снимање и напиша многу лична и емотивна порака.

“Последната песна со Андреј… Јас до вечерва неможев да слушам музика, неможев ни на facebook да гледам ништо… Уште неможам, уште закрепнувам ама пред малку ја пуштив да ја слушнам последната песна со Андреј што ја снимавме неколку дена пред да загине – кога му го слушнав гласот ме врати во живот цела љубов и позитивна енергија на Андреј ми се врати во душата, а цела тага ми се претвори во уште поголема љубов 🩷” стои во објавата на Раде Врчаковски на фејсбук.