Републиканецот се врати во Белата куќа првпат по победата на изборите минатата седмица, одржувајќи состанок во Овалната канцеларија со демократот Џо Бајден, од кого загуби на изборите во 2020 година.

„Добредојдовте назад“, му рекол Бајден на Трамп на почетокот на средбата пред каминот.

Трамп му взвратил на Бајден дека политиката е „тешка“. „Тоа не е убав свет во многу случаи. Но, денес е прекрасен свет“, додал републиканецот.

Му се заблагодарил на Бајден за непречениот трансфер на власта, на што Бајден одговорил „нема за што“.

„Многу ценам непречена транзиција, тоа ќе биде најнепречено можно“, рекол Трамп.

Претходно во средата, Трамп ја прослави победата во Претставничкиот дом со своите републиканци, кои имаат големи шанси да го задржат мнозинството во тој дом на Конгресот кога ќе бидат конечните резулатит од изборите од 5 ноември.

„Зарем не е убаво да се победи? Убаво е, секогаш е убаво да се победи“, рече Трамп во Претставничкиот дом.

Бајден, кој претходно се кандидираше за реизбор против Трамп пред да се повлече од трката и да го предаде местото на својата потпретседателка Камала Харис, беше домаќин на републиканецот во Овалната соба, постизборна традиција што Трамп не ја следеше по поразот во 2020 година, демонстративно заминувајќи на Флорида убеден дека му е украдена изборната победа.

Врховниот суд на американската сојузна држава Масачусетс во петокот пресуди дека несудена невеста мора да му го врати свршеничкиот прстен од 70.000 долари на нејзиниот поранешен вереник.

Судот, имено, застана на страната на Брус Џонсон во неговата долгогодишна правна битка со поранешната свршеничка Каролин Сетино во обид да ги врати скапоцените остатоци од нивната врска откако тој ја откажал венчавката. Пресудата вели дека го ажурира начинот на којшто се пристапува кон тужбите за враќање на прстените и оти се приклучува на трендот дека вереничките прстени се подароци што мора да му се вратат на давателот без разлика на вината.

Тужбите со коишто се бара враќање на прстените се последниот преостанат непроменет вид судски спор за прекин на веридбата, признаен во американските судови, откако сојузните држави во 1930-тите почнаа да ги отфрлаат барањата за отштета за душевна болка што жените претходно можеа да ги бараат кога брачниот завет е поништен.

Повеќето сојузни држави првично го следеа пристапот усвоен од судот во Масачусетс во 1959 година, според којшто давателот на веренички прстен имаше право на враќање на парите се додека тоа лице не е виновно за поништувањето.

Џонсон ја откажал планираната венчавка со Сетино во 2017 година, откако ја видел како се допишува со друг маж. Тој се посомневал дека таа има љубовник, а Сетино ги отфрлила обвинувањата, велејќи дека таа и другиот маж биле пријатели со десетлетија. Во 2018 година, Џонсон покренал тужба за Сетино да му го врати прстенот од 70.000 долари со којшто ја запросил.

Судијата првично пресудил дека тој е виновен за нивната разделба. Апелациониот суд ја укинал одлуката, што доведе до повторен процес којшто заврши во корист на Џонсон.

Новогодишната елка од Центарот Рокфелер пристигна во Њујорк, означувајќи го почетокот на празничната сезона во Големото јаболко.

Норвешката смрека од 22,5 метри беше донесена во Центарот Плаза на Менхетен и подигната со кран. Ќе бидат потребни околу 8 километри сијалички со повеќе од 50.000 разнобојни LED светилки за да се завитка дрвото, чиј дијаметар 13 метри.

Ѕвездената круна со 3 милиони кристали ќе биде на врвот.

Ова е првата новогодишна елка од Центарот Рокфелер што доаѓа од Масачусетс од 1959 година. Церемонијата на осветлување е закажана за 4 декември.