Connect with us

Македонија

Утре без струја: Поголем дел од градовите и селата на удар од планирани прекини!

Published

on

На 15 ноември 2024 година (петок), во неколку градови и села ширум земјата ќе има прекин во снабдувањето со електрична енергија. Ова е дел од планираните технички активности за одржување и подобрување на електричната мрежа, информираат од надлежните служби.

Прекините ќе траат одредени периоди во текот на денот, а се очекува нормализација на снабдувањето до крајот на денот. Граѓаните се замолуваат за разбирање и навремено прилагодување на своите активности за да се минимизираат потенцијалните непријатности.

Македонија

Јован Костадинов за МИА: Во Кочани херои беа сите што помогнаа да се спасуваат луѓе

Published

on

Јован Костадинов, кој во пожарот во Кочани, спаси дваесеттина повредени вели дека таа вечер херои биле сите оние што помогнале во спасувањето на повредените.

– На почетокот бев збунет, не знаев што се случува. Мислев дека е тепачка, но потоа кога почна да излегува густ црн чад, сфатив дека е пожар. Нe бев сам, имаше и други херои кои помагаа таму, раскажува Јован за МИА.

Вели дека таа вечер нема да ја заборави до крајот на животот и дека во тој момент не мислел на сопствениот живот, туку на тоа да спаси што повеќе луѓе.

– Беше полошо од хорор филм. Нема да ја заборавам таа вечер до крајот на мојот живот. Во тој момент не мислиш на ништо друго, не размислуваш на тоа дека можеш да го изгубиш сопствениот живот, само гледаш да помогнеш, тогаш не ја гледаш опасноста. Во тие моменти има голем адреналин кај сите и не размислуваш за сопствениот живот, вели младиот Јован, кој е матурант во училиштето „Ванчо Прќе“ во Виница.

Меѓу повредените беше и Јелена Арменска од Берово која успева да се спаси со негова помош. Таа неодамна се врати од лекувањето во Шпанија и за МИА раскажа за кобната вечер, за херојството на нејзиниот другар Јован кој ја спасил, како и за помошта од полицајците и обезбедувањето на клубот.

– Се спасив благодарение на Јован. За среќа имало Господ, јас и моите две другарки се вративме живи и здрави. Хероите беа таму, пожарникарите и обезбедувањето цело време се трудеа, се сеќава Арменска на кобната ноќ.

Таа била првично однесена во комлексот клиники „Мајка Тереза“ во Скопје, а оттаму нејзиното лекување продолжува во болницата „Ла Паз“ во Шпанија каде останува една недела.

– Првите 10 минути бев свесна, потоа се онесвестив. Бев однесена на Токсикологија, па потоа на Карил, а од таму заминав во болницата „Ла Паз“ во Шпанија каде бев една недела. Таму беше страшно, имаше повредени на кои има беше направена пластична операција, раскажува Арменска.

Таа изрази благодарност до сите кои помогнале нејзината ,,голгота” да помине во најдобар ред, потенцирајќи ја и помошта од сопственикот на компанијата „Зегин“ Благоја Механџиски, кој по потекло е од Малешевијата. Од оваа компанија најавуваат дека целосно ќе ја покријат станарината за младиот Јован кој најверојатно факултетот ќе го продолжи во Скопје.

Continue Reading

Македонија

Денес Таравари ќе пресече за коалицијата со ВРЕДИ?

Published

on

Крилото на Арбен Таравари во Алијансата за Албанците, ќе одржи собрание денес во Гостивар. Од таму соопштија дека работата на Собранието ќе биде затворена за медиумите. 

 Алијансата за Албанците на Таравари искажува несогласувања околу настапот на коалицијата Вреди на локалните избори. За разлика од другите партии во Вреди, АА на Таравари смета дека на изборите партиите треба да излезат со посебни листи за општински советници. Таравари изјави дека ако не излезат заедно со ВРЕДИ на локални избори, тогаш  ќе настапат сами, со што ја исклучи можноста за коалицирање со ДУИ.

Претпладнето на средба во Софија на Таравари и Ахмети со албанскиот председател Бајрам Бегај, Ахмети изјави дека нема да има коалиција на Европскиот фронт во Алијансата на Таравари, а на тројката од ВРЕДИ им порача да не бидат вазали на премиерот Христијан Мицковски на штета на албанскиот народ во Македонија,

Дека има проблеми во коалицијата ВЛЕН повеќе не е тајна. По случувањата во последните две недели,  раководствата на Демократското Движење, на  Беса и на Алтернатива оценуваат дека за  Таравари и АА веќе нема место во коалицијата.Има предлози ВЛЕН да донесе одлука АА да си замине од коалицијата или да му се предложи на премиерот да ја отстрани партијата од Владата. Се очекува сето ова да се потврди во следните 10 дена.

Continue Reading

Македонија

СДСМ избира претседател, Филипче единствен кандидат

Published

on

Социјалдемократскиот Сојуз на Македонија (СДСМ) денеска избира нов партиски претседател. Актуелниот лидер на СДСМ, Венко Филипче, е единствен кандидат за претседател на партијата на редовните внатрепартиски избори.

Изборите ќе се спроведат во општинските организации на СДСМ ширум републиката на 78 избирачки места, кои на денот на гласањето ќе бидат отворени од 08 до 20 часот. Надлежна за спроведување на гласањето е Централна изборна комисија.

Од СДСМ информираат дека Централната изборна комисија го потврдила и го затворила Избирачкиот список, на кој активно регистрирани се 23.712 членови, обезбеден е избирачки материјал, паравани за тајност на гласањето, избирачки кутии, ознаки и се што е потребно за изборниот ден.

-Сите активно регистрирани членови на СДСМ ќе можат да го остварат своето право на непосредно и тајно гласање за избор на претседател во својата општина на соодветно гласачко место. Членовите што гласаат, со себе задолжително треба да ја има електронската членска картичка на СДСМ и важечки личен документ за идентификација (лична карта или пасош). Гласањето на болни и немоќни е овозможено, еден ден порано, односно во сабота на 05.04.2025 година.

СДСМ информираа дека информацијата за резултатот ќе го соопштат денеска по завршување на процесот на гласањето.

Continue Reading
Advertisement
Advertisement

Трендинг

Copyright © 2024 Булевар.мк