Фудбалската репрезентација на Македонија одигра 1-1 против Велс во второто коло од квалификациите за СП 2026, во натпревар полн со емоции, борбеност и драматична завршница.

По мирно прво полувреме, вистинската возбуда дојде во вториот дел. Дарко Чурлинов имаше одлична шанса во 65. минута, но голманот Карл Дарлоу одбрани. Велс возврати преку Бренан Џонсон, но Висар Муслиу спречи сигурен гол со блокада на самата гол-линија.

Македонија поведе во 90. минута по голема грешка на велшката одбрана, која ја искористи Бојан Миовски, стрелец што не простува такви прилики. Но, победата ни избега во последната секунда, кога Дејвид Брукс успеа да погоди за конечни 1-1.

По ова коло, Македонија и Велс имаат по четири бода, но нашата репрезентација е на првата позиција поради подобра гол-разлика. Во другата средба, Казахстан славеше против Лихтенштајн со 0-2.

По успешниот настап и полуфиналето на ИТФ фјучрсот во Марибор претходната недела, најдобрата македонска тенисерка Лина Ѓорческа оваа недела беше пријавена за настап на уште еден турнир од истиот ранг W75 со награден фонд од 60.000 долари. Сепак во денешниот меч од првото коло седмата носителка Мано Леонар од Франција оствари победа од 2-1 во сетови (67(4) 75 62) за два часа и 49 минути игра.

Почетокот на мечот и припадна на ривалката која поведе со 3:0 во гемови во првиот сет, но македонската тенисерка успеа да стигне до изедначување од 3:3. Во 10.тиот гем Ѓорческа успеа да спаси и сет топка, а потоа во тај брејкот по 3:3 на поени со серија од 4-1 стигна до водство од 1-0 во сетови. На стартот од вториот сет имаше по два брејка за секоја од тенисерките, а по 3:3 во гемови повторно имаше пет брејка и Французинката Леонар поведе со 6:5, а потоа го доби гемот на свој сервис за 1-1 во сетови. Во решавачкиот сет по 2:2 во гемови по 12 одиграни поени го загуби гемот на свој сервис и противничката поведе со 3:2 во гемови, а до крајот имаше серија од три гема за 6:2 во тертиот сет и 2-1 во сетови.

Со полуфиналето на претходниот турнир во Марибор, Лина Ѓорческа освои 29 поени, а следната недела ја очекува настап на турнир во Франција во градот Нант.

Настап оваа недела на ИТФ фјучрс W15 во египетскиот град Шарм Ел Шеик имаше и Магдалена Стоилковска. Таа не успеа да се пласира во главниот турнир откако денеска во финалето од квалификациите загуби од Марија Шмакова од Русија со 2-0 во сетови (63 61). Во првиот меч од квалификациите постигна победа од 2-0 (62 62) против Милана Цулигина од Русија.

Двете тенисерки заедно со Ана Митевска и Јана Божиновска се пријавени за настап за македонскиот национален тим во Били Џин Кинг купот. Македонија се натпреварува во Втората Евро-африканска зона. Мечевите оваа година ќе се играат во Ларнака, Кипар.

Најдобрата македонска тенисерка Лина Ѓорческа имаше успешен настап на W75 турнирот во Марибор, каде избори пласман во полуфиналето. Таа за пласманот меѓу четирите успеа да освои и 29 поени што во секој случај ќе и помогнат при новото рангирање на ВТА листата за следната недела.

На турнирот во Марибор македонската тенисерка оствари три победи. Во првото коло ја совлада Петра Марчинко од Хрватска со 2-0 во сетови (64 64), а во втората рунда беше поуспешна во Французинката Жесика Понше со 2-1 во сетови (64 26 76(9)) во маратонски меч и воедно и се реваншираше за поразот на почетокот на сезоната на турнир во Франција. Во четвртфиналето Ѓорческа ја совлада Мариам Болквадзе од Грузија со 2-0 во сетови (76(5) и 63), откако ден претходно двете го предадоа мечот во игра на двојки (Ѓорческа и Болквадзе заедно настапуваа во двојки). Во полуфиналето македонската тенисерка беше поразена од Антонија Ружиќ од Хрватска со 2-0 во сетови (63 62).

Ова воедно преставува најдобро одигран турнир за Ѓорческа оваа календарска година.