Според нашите информации, истрагата се проширува за 23 нови осомничени. Деветнаесет од нив се приведени или се приведуваат. Од нив за еден е утврдено дека не е во земјава. Станува збор за Дритон Кучи, исто така поранешен министер за економија како кадар на ДУИ, кој во моментов е амбасадор на земјава во Кралството Норвешка

Меѓу уапсените е и актуелниот директор на ДЗС, Џеват Селами, кадар на ВЛЕН

Во рамки на истрагата за трагичниот пожар во Кочани во кој загинаа 61 лице, полицијата ги привела поранешните министри за економија Ваљон Сарачини и Беким Незири, кадри на ДУИ, како и актуелниот министер без ресор и поранешен директор на Дирекцијата за заштита и спасување (ДЗС) Шабан Салиу, дознава „360 степени“ од извор во истрагата. Меѓу уапсените е и актуелниот директор на ДЗС, Џеват Селами, кадар на ВЛЕН.

Според нашите информации, истрагата се проширува за 23 нови осомничени. Деветнаесет од нив се приведени или се приведуваат. Од нив за еден е утврдено дека не е во земјава. Станува збор за Дритон Кучи, исто така поранешен министер за економија како кадар на ДУИ, кој во моментов е амбасадор на земјава во Кралството Норвешка.

Според начинот на кој Обвинителство ја води истрагата, сомневањата се дека во Министерство за економија и во ДЗС, но не и кај раководството на Државниот пазарен инспекторат (ДПИ), постои причинско-последична врска од 2012 г. до моментот на пожарот во т.н. кабаре „Пулс“ во Кочани.

Според нашите информации, сите што биле министри за економија и директори на ДЗС од 2012 година, вклучително и актуелниот директор на ДЗС, се уапсени. Актуелниот министер за економија Бесар Дурмиши не е осомничен.

Во ОЈО Кочани во тек е истражна постапка во врска со пожарот во т.н. кабаре „Пулс“ во Кочани кој се случи на 16 март.

За трагедијата во т.н. кабаре во Кочани, локалното Основно јавно обвинителство отвори истрага против вкупно 27 физички и три правни лица.

Извор: 360степени

На 12-ти април 2012 година, на Велики четврток беа убиени четири момчиња на возраст од 18 до 21 година од населбата Радишани, Филип Славковски, Александар Наќевски, Цветанчо Ацковски и Кире Трпковски, како и Борче Стевковски, 45-годишен рибар од селото Црешево.

Убиствата се случиле меѓу 19:30 и 22:30 часот кога биле најдени телата на убиените.

Обдукцијата врз убиените покажало дека во нив е пукано од три типа огнено оружје, зашто се најдени чаури од три различни типа муниција. На 10 километри од убиството, беше пронајдено возило „Опел Омега“, за кое беше потврдено дека било на местото на настанот за време на убиството.

За овој случај беше отворен предмет под името „Монструм“, за кој на доживотна казна затвор беа осудени Алил Демири, Африм и Агим Исмаиловиќ. Хаки Азири за помагање беше осуден на 9 години затвор, Фејзи Азири за истото дело на 15 години затвор. Судот го отфрли обвинението на Сами Љута.

На 23-ти февруари 2013 година во близина на езерскиот брег, на местото викано Кршиколе или Крст, веднаш до заобиколницата бил осветен камен темелник на црквата Црква „Св. 40 Маченици“, која е посветена на убиените момчиња.

Пред доаѓањето на власт на бившиот премиер Зоран Заев, на родителите на загинатите им ветуваше дека има информации во неговите тн. „аудио бомби“, но подоцна испадна дека само била злоупотребена болката на блиските на загинатите, исто како што во тн. шарена револуција беше злоупотребена смртта на други лица за поттикнување револт кај народот.

Остана неразјаснет мотивот и заднината за ова злосторство врз невини лица, што се случи на неколку денови пред големиот христијански празник Велигден.

Коалиција останува обединета, но деталите за поделбата на општините на локалните избори остануваат тема за која треба дополнително да се разговара,  изјави Беким Ќоку од ВРЕДИ кој рече дека коалицијата останува цврста и покрај тоа што има различни мислења во партиите во коалицијата.

Работни групи во наредните денови ќе се состанат за да се најде решеније за да се излезе на локални избори како ВРЕДИ:

„Останува да се разговара за тоа како ќе се поделат општините.

Не сме имале никакви несогласувања со Таравари, сме имале некои различни мислења, некои мислења што може да се појават и во поединечни партии и не само во коалиции, но можам да кажам дека сме компактни, единствени сме и остануваме стоички“, рече Ќоку по завршувањето на синиќешната средба на партиите во коалицијата..

Според извори на Алсат на состанокот на коалицијата ВЛЕН вечерва немаше ништо конкретно за останувањето или не на Таравари во оваа коалиција.

Синоќешната средба беше свикана како резултат на внатрешни политички превирања во коалицијата, откако министерот Арбен Таравари, кој е дел од ЦРЕДИ, изрази одредено незадоволство од функционирањето на оваа коалиција.