Капитенот на македонската ракометна репрезентација, Филип Кузмановски е прогласен за играч на натпреварот против Гвинеја.

Македонија славеше со 29:20. Со овој триумф избраниците на селекторот Кирил Лазаров обезбедија пласман во Главната групна фаза на Мундијалот 2025.

Најефикасни во победничкиот тим беа Филип Кузмановски со 12 голови, Ненад Костески даде три, Игор Ѓргиев и Павле Атансијевиќ погодија по три пати.

„Црвено-жолтите“ со три освоени бода ќе бидат втори или трети на табелата.

Во Главната рунда Македонија ќе игра против репрезентациите на Франција, Австрија и Катар.

Според распоредот, следниот натпревар Македонците ќе го играат на 21 јануари исто така во Вараждин, против Австрија или Катар во зависност од резултатот на вечерашниот натпревар меѓу Унгарија и Холандија.

Македонската ракометна репрезентација успешно ја исполни својата задача и се пласираше во главната групна фаза на Светското првенство, кое се одржува во Хрватска, Данска и Норвешка. Во решавачкиот натпревар од третото коло во групата Ц, нашите ракометари ја совладаа селекцијата на Гвинеја со убедливи 29-20 (14-10) и како третопласирани од групата обезбедија место меѓу 24-те најдобри репрезентации на турнирот.

Селекторот Кире Лазаров направи неколку промени, вклучувајќи го и дебито на Карасманакис, кој го замени Митев. Натпреварот започна динамично, со водство на Гвинеја од 2-0, но брзо следуваше одговорот на Македонија, предводен од Кузмановски и Лазаревски. Првото водство нашите го обезбедија во седмата минута (2-3), а играта се стабилизираше со одбрани на Кизиќ и прецизни акции на Ѓорѓиев и Атанасијевиќ, кои донесоа водство од 14-10 на полувремето.

Во второто полувреме, Македонија ја зацврсти предноста со голови на Кузмановски и Лазаревски. Со одлични интервенции на Кизиќ, разликата порасна на девет гола (20-11) во 39. минута, а тимот на Гвинеја се соочи со замор и неможност да го одржи темпото. Со ротации во составот, македонскиот стручен штаб настојуваше да обезбеди што посилен завршеток, но и покрај обидите, натпреварот заврши со резултат 29-20.

Најефикасен во нашиот тим беше капитенот Кузмановски со 12 погодоци, додека Костески постигна четири. Одбраните на Кизиќ, кој запиша 15 успешни интервенции, беа од клучно значење за оваа победа. На противничката страна се истакна Паске со три гола.

Следниот предизвик за Македонија ќе биде натпреварот против Австрија во вторник, со кој ќе ја започнеме главната фаза во Вараждин.

Гвинеја е следниот противник за нашиот национален тим на СП во ракомет што важи за аутсајдер во групата.

„Уште пред почетокот на првенството, откако ги дознавме противниците, почнавме со подготовки. Очекувано, поголем фокус имавме на Унгарија и на Холандија, искрено жалиме што не забележавме барем една победа на стартот. Многу ќе ни значеше победа на тој дуел со Унгарија, но не се сомневам дека оваа репрезентација на Македонија има многу добар квалитет и тоа ќе го покаже во иднина. Пред нас е дуелот со Гвинеја, меч на кој сакаме да победиме и да одиме во вториот круг. Одиме чекор по чекор, фокусирани сме прво на Гвинеја, а потоа и на следната рунда каде што ќе се бориме со Австрија, Катар и Франција. Верувам во нашата репрезентација, дека со играта што ја прикажуваме и со поддршката од нашите фантастички навивачи ќе стигнеме уште до некоја победа во главната фаза“, истакнува Кузмановски.

Лидерот на националниот тим изрази благодарност до навивачите за поддршката што ја даваат на националниот тим на овој светски шампионат.