Освен пријавата за случајот добиена на бројот за итни случаи 112, до ЦУК се обратил и 61-годишниот татко на детето искажувајќи голема вознемиреност и страв за животот на децата поради последниот настан

Тинејџер на околу 15 години вчеравечер два часа го следела и гонела мечка во атарот на селото Крапа во Општина Македонски Брод. Детето не било директно нападнато ниту повредено од мечката и успеало да избега, но паднало при бегањето, кога заедно со стадото овци се враќало кон трлото, односно дома кон селото.

„На единствениот број за итни случаи е добиена пријава дека во текот на вчерашниот ден во период од 18:15 до 20:15 часот во атарот на селото Крапа во Македонски Брод, возрасна мечка што не била со мали димензии и не личела на одраснато мече што се изгубило, следела и гонела малолетно дете на возраст од околу 15 години“,

информираат од Центарот за управување со кризи (ЦУК).

Освен пријавата за случајот добиена на бројот за итни случаи 112, до ЦУК се обратил и 61-годишниот татко на детето искажувајќи голема вознемиреност и страв за животот на децата поради последниот настан.

Таткото на 15-годишникот информирал дека во последната година зачестиле средбите со мечки, односно дека сè почесто ги гледале во нивната околина. Пред еден месец, како што рекол, мечка им грабнала една заостаната овца при движење на стадото и ја изела. Тоа го утврдиле откако нашле остатоци од исчезнатата овца.

„Според искуствената проценка на засегнатото семејство за средби со диви животни, а и според забележаните траги околу нивното стадо од 300 овци во многу наврати, мечка или повеќе мечки во последната година, а особено во време на последниот месец, биле спуштени во понискиот предел во ливадите кон селото Зрзе, но во правец повеќе на село Дебреште близу меѓуопштинската граница со Општина Прилеп, а сепак на територија на Општина Македонски Брод. Според трагите и лаењето на кучињата од селото Крапа, мечката или мечките се движеле и кружеле сè почесто и сè поблиску до селото, а секако и до трлата со добиток“,велат од ЦУК.

За случајот со 15-годишникот, кој бил следен од мечка, ЦУК ги информирал сите релевантни служби и институции во Системот за управување со кризи со цел преземање безбедносни мерки за заштита на граѓаните и нивниот имот од можни напади на диви животни, во конкретниот случај од мечките на територијата на село Крапа.

Извор: 360stepeni.mk

Постапувајќи по поднесено обвинение од Основното јавно обвинителство Велес, Основниот суд во Велес донесе првостепена пресуда против негователката во градинка – Злоупотреба на службената положба и овластување 353 став 5 во врска со став 1 од Кривичниот законик.

Вработената е огласена за виновна бидејќи на децата им давала да пробаат електронска цигара и Судот и изрече условна осуда, како и споредна казна забрана за вршење професија дејност или должност во траење од 5 години по правосилноста на пресудата.

Надлежниот јавен обвинител поднесе жалба на пресудата поради одлуката за кривичната санкција.

Судијката што го судеше Васил Јованов убиецот на дизајнерката Фросина Кулачка е разрешена од работната група во министерството за Правда која работела на измени на Кривичниот законик.

Со одлука на министерот за правда Филков судијката Даниела Алексовска Стојановска веќе не е дел од работната група која е формирана во декември 2020 година за измена на Кривичниот законик.

,,Ви се обраќам не само како министер за правда, туку и како граѓанин, родител”. 

Вака министерот Игор Филков ја започна денешната прес-конференција за случајот со трагично загинатата Фросина Кулакова, која минатата недела беше прегазена на булеварот Партизански Одреди во Скопје.

,,Ги повикувам судовите и Судскиот совет за да преземат дејства со кои ќе се преиспита целиот случај со прерано загинатата Фросина. Ве информирам дека денеска донесов одлука да ја разрешам од членство во работна група во Министерството за правда судијката чие име ја бранува јавноста. Таа беше дел од работната група која е формирана во декември 2020 година за измена на Кривичниот законик и беше дел од оптимизираната работна група за брзите измени на Кривичниот законик со кои очекуваме да се отстранат штетните последици предизвикани со измените во 2023 година. Ова го правам за да не се дискредитира процесот којшто е започнат за потребните суштински редорми во правосудството. Крајно време е надлежните институции да покажат дека се подготвени да преземат мерки за лоцирање на виновниците и нивна евентуална одговорност. Одговорност мора да се утврди и тука нема компромиси. Граѓаните очекуваат правда, а институциите се должни да ја испорачаат. Овој случај е само потврда на податоците за оценка на работата на судовите кои беа презентирани пред некој ден. Токму корумпираноста беше детектирана како најголем проблем на судството со најниска оценка”, рече Филков.