Во моментов, 152 пациенти се хоспитализирани во различни здравствени установи низ државата, каде што им се пружа неопходна медицинска помош, информираа од Министерството за здравство. Оттаму соопштуваат дека веднаш по несреќата, здравствениот систем бил целосно мобилизиран, а сите болнички капацитети биле ставени во функција за да се обезбеди најдобра можна грижа за повредените.

На Детска хирургија има четири хоспитализирани пациенти, на Клиниката за пластична хирургија – 11, Клиничката болница Штип – 45, Општата болница Кочани – 30, Св. Наум Охридски – 29, „8 Септември“ – 17, КАРИЛ – 16.

Од вкупниот број хоспитализирани, 18 пациенти се во критична состојба од кои тројца на Детската хирургија, седум во Градската општа болница и тројца во Старата градска болница.

Таравари пред Ургентниот центар рече дека во Министерството за здравство е формиран штаб којшто е во комуникација со сите здравствени установи што имаат примено пациенти.

Генерално покритичните пациенти се донесени во Скопје.

Тој најави дека ќе се утврдува кои пациенти се оние кои ќе бидат згрижени надвор од државата.

– Министерството за здравство ја уверува јавноста дека сите расположливи ресурси се ставени во функција и дека ниту еден пациент не е оставен без неопходна грижа. Наш приоритет останува спасувањето животи и обезбедувањето најдобри можни услови за закрепнување на повредените, соопштија од МЗ.

Притоа изразија благодарност до сите општествено-одговорни граѓани и субјекти кои помагаат во овие тешки моменти и доброволно понудија помош.

Телефон за дополнителни информации за состојба на пациентите:

ГОБ 8 Септември – 071226764

Клинички центар- 070387115

СВ Наум Охридски – 075203026.

Со голема тага утрово ја примив веста за трагичната несреќа која го потресе Кочани, но и цела Македонија. Ова е тежок ден за сите нас, за секој граѓанин на нашата држава, а најмногу за семејствата на загинатите.

Болката по младите животи е огромна, загубата ненадоместлива.

Во овие тажни моменти, изразувам искрено и длабоко сочувство до семејствата кои ги загубија своите најмили. 

На повредените им посакувам брзо закрепнување. 

Општина Битола и Клиничката болница од нашиот град се подготвени да излезат во пресрет на евентуални дополнителни потреби од згрижување или друг специјалистички третман кај повредените. Контактите со здравствените институции и локалната самоуправа во Кочани, се веќе воспоставени и стоиме на располагање за помош со сите наши ресурси.

Во овие тешки денови, солидарноста, хуманоста, сплотеноста и меѓусебната поддршка ни се неопходни. Да помогнеме колку што можеме!

Елеметриската сеизмолошка мрежа на Република Северна Македонија, преку сеизмолошките станици инсталирани низ нашата територија и одржувани од Сеизмолошката опсерваторија при Природно-математичкиот факултет во Скопје, рано утринава, во 04:13 часот, регистрираше земјотрес.

Епицентарот на земјотресот се наоѓал во подрачјето на Валандово, на 125 км југоисточно од Скопје, со локална Рихтерова магнитуда ML3.6.

Според досегашните податоци, земјотресот бил почувствуван во Валандово и Струмица, како и во околината, со интензитет од III степени според Европската макросеизмичка скала.