На 18.11.2024 во 23.30 часот во СВР Тетово било пријавено дека во с.Стримница настанал пожар во куќа сопственост на З.Ш.(90) од с.Стримница, кој живеел сам во куќата. Полициски службеници од Полициското одделение Групчин излегле на местото, а интервенирала екипа од Територијалната противпожарна единица Тетово, која во 00.20 часот го пронашла починат З.Ш.. Пожарот бил изгаснат, а смрт констатирала лекар од Итна медицинска помош. Увид извршиле јавен обвинител и увидна екипа на СВР Тетово.

На 18.11.2024 во 23.10 часот во с.Брвеница, тетовско, полициски службеници од СВР Тетово ги лишиле од слобода И.Ј.(41), С.З.(35) и М.М.(24), тројцата од с.Брвеница, постапувајќи по претходна пријава дека околу 22.30 часот во селото физички ги нападнале Г.С.(24) од с.Волковија и 21 – годишната Д.Н. од с.Брвеница. Тие се задржани во полициска станица и по документирање на случајот против нив ќе следува соодветен поднесок. 

ИЗВЕСТУВАЊЕ!!

Се известуваат сите жители и стопански субјекти кои живеат и работат на улицата “Борис Кидрич” дека ќе има прекин на водоснабдувањето, поради поставување на новата водоводна мрежа.