Ќе го паметиме по улогата на слеп свештеник во познатата серија.

.Брус Френч, кој го толкуваше отец Лониган во серијата „Passion“, почина на 79-годишна возраст. 

Френч беше во брак со Ајлин Барнет, поранешна актерка од „Денови на нашите животи“.

Како што пренесуваат странските медиуми, Брус Френч починал во петокот во Лос Анџелес од компликации предизвикани од Алцхајмерова болест. 

Болеста му била дијагностицирана пред четири години. 

Роден е на 4 јули 1945 година во Рајнбек, Ајова. 

Дипломирал на Универзитетот во Ајова и служел во американската армија за време на Виетнамската војна. 

Подоцна студирал глума на Тиш школата за уметност на Универзитетот во Њујорк. 

Во серијата „Passion“, Френч го толкуваше слепиот свештеник Лониган во сите девет сезони, од 1999 до 2008 година. 

Актерската кариера ја започна во 1972 година во претставата на Бродвеј „Сенка на пиштолџија“.

Министерот за надворешни работи и трговија, Тимчо Муцунски, во рамки на својата работна посета на Австралија оствари средба со претставници на European Australian Business Council (EABC), водечка платформа за економска и трговска соработка меѓу Европа и Австралија.

На средбата се разговараше за унапредување на економските релации, зголемување на трговската размена и привлекување инвестиции. Посебен акцент беше ставен на можностите за соработка во енергетиката, инфраструктурата и новите технологии.

Муцунски пред претставниците на бизнис-заедницата ги претстави инвестициските поволности што ги нуди државата, нагласувајќи дека зајакнувањето на економските врски со Австралија останува еден од приоритетите во билатералните односи.

Од почетокот на наредната година камерите кои се поставуваат во Скопје и низ уште неколку градови ќе бидат целосно функционални и ќе почнат да испраќаат казни на домшана адреса.

„Јас сум убеден дека системот ќе стартува на 1 јануари 2026 година“ – рече Министерот за внатрешни работи, Панче Тошковски во интервју за 360.

Системот е речи си поставен во главниот град, а Премиерот Мицкоски на последниот брифинг со новинарите не ја отфрли можноста во Скопје системот да проработи и пред Нова Година, со тоа што како што најави тој, во првата фаза на граѓаните дома ќе им пристигнуваат само опомени, додека по Нова Година би доаѓале казните.
Мицкоски рече дека станува збор за најсовремена опреа од израелски производител која дава широка лепеза на можности за казнување.

Во меѓувреме, во Собранието помина јавната расправа за измени на казнената политика во делот на безбедноста во сообраќајот, а експертската јавност побара построги казни за возачите.