Македонија

Добитници на Битов Стипендијата 2024 за Македонско Наследство

„Длабоко сум благодарна и почестена што ја добив Битов стипендијата на Nova Generation, која не само што ги поддржува македонските студенти во остварувањето на нивните академски аспирации, туку и симболизира витална врска со заедницата посветена на поттикнување на образованието и зачувување на богатото македонско културно наследство. Оваа стипендија ме инспирира да се стремам кон извонредност, не само да го збогатам сопственото знаење, туку и да придонесам позитивно за иднината на Македонија со примена на она што го учам за да дадам значаен придонес за мојата заедница и пошироко“, рече Дарија Димовски, еден од нашите добитници.

„Благодарен сум што сум дел од македонската заедница и почестен што сум добитник на стипендијата Битов. Ова ја зголемува мојата мотивација да успеам во мојата академска и професионална кариера за да можам еден ден да и вратам на заедницата која направи толку многу за мене“, рече Ендрју Котевски, уште еден од нашите добитници на стипендијата.

Десет исклучителни млади Македонци ќе тргнат на трансформативни образовни патувања благодарение на стипендијата за македонско наследство Битов 2024 година. Доделена од Nova Generation, канадска добротворна организација посветена на зајакнување на следната генерација македонски лидери. Стипендијата ја обезбедува многу потребната финансиска поддршка за студенти од македонско потекло.

Nova Generation ги зајакнува овие исклучителни млади Македонци преку овие стипендии, помагајќи им да ги остварат своите образовни и професионални цели.

Со секоја измината година, побарувачката за стипендијата Битов расте, а ние сме среќни да одбереме десет извонредни добитници оваа година. Апликантите доаѓаат од различни образовни области како што се правото, бизнисот, медицинските студии и општествените науки, претставувајќи ја следната генерација на македонско лидерство, подготвено да направи значително влијание на глобално ниво.

Посебна благодарност до Фондацијата Битов за нивната постојана поддршка. Нам ни е голема чест да бидеме главни администратори на стипендијата Битов, именувана во спомен на починатиот Џон Л. Н. Битов, Ц.М., чие наследство продолжува да ја инспирира светската македонска заедница.

„Горди сме што поддржуваме такви талентирани и мотивирани млади луѓе и со нетрпение очекуваме да видиме како овие добитници ќе го продолжат да го прославуваат македонското наследство и ќе придонесат за нивните заедници – благодарам на Nova Generation што продолжи да ја одржува страста на татко ми во помагање на младите Македонци и нашата заедница“, рече Вона Битов, извршен директор на Фондацијата Битов.

Честитки за македонските добитниците на стипендијата Битов 2024 год.!

2024 Добитници:

Дарија Димовски

Универзитетот во Гронинген

Комуникациски и информациски студии

Дирк Хилдебранд

Универзитет Индијана

Биоинжињерство

Катерин Ничев Холанд

Универзитетот во Калифорнија, Лос Анџелес (UCLA)

М.Д.

Андру Котевски

Виндсор Универзитет

Биомедицнски Науки

Јована Наѓ

Универзитет Мичиген

Компаративни Култури и Политика

Никол Наумовски

Вилфрид Лауриер Универзитет

Биохемија и Биотехнологија

Филип Пешевски

Монаш Универзитет

Медицинско Школо

Александра Петковска

Торонто Ментрополитан Универзитет

Бизнис Менаџмент

Михаела Стојчевска

Јорк Универзитет

Криминологија

Лаурен Струмос

Универзитет Отава

Докторски кандидат по религиозни студии (класици и религиозни студии)

Кликни тука за да прочиташ повеќе за овие исклучителни студенти и што имаа да кажат за добивањето на стипендијата Битов.

Бордот на Nova Generation- Лука, Мери и Валери – изјави:

„Возбудени сме да им честитаме на нашите десет талентирани добитници на стипендијата Битов! Наследството на г-дин Битов продолжува да ја зајакнува следната генерација македонски лидери и ние сме горди што ги поддржуваме нивните академски и професионални аспирации. Благодарност до Фондацијата Битов и семејството за нивната непоколеблива посветеност на нашата заедница“.

Nova Generation наскоро ќе ги објави роковите за стипендирање во 2025 година, како и други можности за кои можат да аплицираат студентите од македонското наследство.

За да се вклучите во мисијата на Нова генерација, ве молиме контактирајте не на info@novageneration.ca

Македонија

Ледени утра ни претстојат: Температурите паѓаат до -8 степени

Македонија денеска е под влијание на влажен бран со облачно време и повремени врнежи од дожд, додека на планините врнежите ќе бидат од снег.

Од петок се очекува стабилизирање на времето, но со значителен пад на утринските температури. За време на викендот и во почетокот на следната недела утрата ќе бидат ведри, но многу студени, со температури кои насекаде ќе се спуштат под нулата.

Најниските утрински температури се предвидуваат во недела и понеделник, кога на места ќе достигнат и до -8 степени. Дневните температури кон крајот на периодот ќе бидат во благ пораст, достигнувајќи до 10 степени.

Македонија

Тошковски сооошти дали ќе има толеранцијата на камерите „Сејф Сити“

Министерот за внатрешни работи, Панче Тошковски, за „Топ Тема“ на Телма изјави дека камерите од системот „Сејф Сити“ ќе имаат исти отстапки како што се применуваат кај полициските радари.

Според министерот, за брзини до 100 км/ч ќе важи толеранција од 6 км/ч, за брзини над 100 км/ч – 8 км/ч, а за брзини над 200 км/ч – 12 км/ч.

Тошковски нагласи дека овие толеранции се однесуваат само на сообраќајни прекршоци, додека во случаи на кривични дела поврзани со сообраќајот, толеранција нема да се применува.

Македонија

Сали и Хоџа нови министри: ВЛЕН најавува засилени реформи и европски курс

Со изборот на Беким Сали за прв вицепремиер и министер за европски прашања и Мухамет Хоџа за министер за животна средина и просторно планирање, коалицијата ВЛЕН јасно го поставува правецот на своето делување – кон реформи, кон Европа и кон држава што работи во интерес на граѓаните.

Именувањето на Беким Сали претставува потврда за политички профил со интегритет, искуство и визија. Како пратеник, Сали важеше за еден од најактивните и најконструктивните гласови во Собранието, со иницирање и поддршка на конкретни законски решенија во интерес на граѓаните и унапредување на институционалните стандарди. Во новата улога како прв вицепремиер и министер за европски прашања, тој ја презема одговорноста за една од стратешките определби на ВЛЕН и на Владата – европскиот пат на државата. Со лидерство, професионалност и решителност, Сали ќе работи на интензивирање на реформите и враќање на довербата дека европската интеграција е реален, мерлив и неповратен процес.

Подеднакво значајно е и именувањето на Мухамет Хоџа на чело на Министерството за животна средина и просторно планирање. Во период кога заштитата на животната средина, уредувањето на урбаниот простор и одржливиот развој се меѓу клучните предизвици, овој ресор бара сериозна работа, стручност и храбри одлуки. Од ВЛЕН истакнуваат дека веруваат оти Хоџа ќе го води секторот одговорно, ставајќи го јавниот интерес пред секоја друга сметка и носејќи политики што ќе ја заштитат животната средина, ќе го уредат просторот и ќе го подобрат квалитетот на живот на граѓаните.

Според ВЛЕН, овие именувања јасно покажуваат дека коалицијата промовира кадри кои работат, а не само зборуваат, кои спроведуваат реформи, а не импровизираат, и кои државата ја гледаат како сервис за граѓаните, а не како партиска сопственост. Со Беким Сали и Мухамет Хоџа на овие клучни позиции, Владата добива нова енергија, јасна европска ориентација и капацитет за конкретни резултати.

Во соопштението, ВЛЕН повторува дека останува посветена на длабоки реформи, европска интеграција и градење институции кои работат со чесност, транспарентност и одговорност.

На крај, од коалицијата изразуваат почит и благодарност до досегашните министри Орхан Муртезани и Изет Меџити за нивниот значаен придонес, одговорното раководење и коректната соработка.