Случаите на заболени од грип во Албанија, значително се зголемени во последните недели, а според извештаите од единиците за јавно здравје низ земјата, над 13 илјади се регистрирани само во последната седмица.

Случаите на заболени од грип во Албанија, значително се зголемени во последните недели, а според извештаите од единиците за јавно здравје низ земјата, над 13 илјади се регистрирани само во последната седмица.

Она што е забележливо е дека најголем број од оние кои бараат лекарска помош се деца до 5-годишна возраст, што доведе и до преоптоварување на педијатриските амбуланти во последните денови од годината што штотуку ја оставивме зад нас. Иако инфекциите на горните дишни патишта се широко распространети низ целата земја, најголем број се во Ѓирокастро, Драч, Делвина и Валона, објавија албанските медиуми.

Во моментов бројот на заболени од сезонски грип е значително поголем во споредба со пред една година, а според епидемиолозите во наредните недели се очекува зголемување бројот на заразени.

Тие советуваат дека вакцинацијата е најдобрата форма на заштита од тешки форми и смртни случаи.

До сега, над 205 илјади албански граѓани, повеќето повозрасни од 65 години, се вакцинирани против грип, која се добива бесплатно во здравствените домови низ земјата.

Премиерот на Црна Гора Милојко Спајиќ вечерва пристигна во Клиничкиот центар на Црна Гора каде се лекуваат тешко ранетите по денешниот масакар во Цетиње, во кој се убиени 7 лица, меѓу кои и 2 деца, а четворица се борат за живот.

Премиерот на Црна Гора Милојко Спајиќ вечерва пристигна во Клиничкиот центар на Црна Гора каде се лекуваат тешко ранетите по денешниот масакар во Цетиње, во кој се убиени 7 лица, меѓу кои и 2 деца, а четворица се борат за живот.

– Страшна трагедија која нè погоди сите во Цетиње, односно селото Бајице. Сите екипи, специјалци, сè што е на располагање во Подгорица е во Цетиње и на добар пат сме да го најдеме. Имаме четири тешко повредени и лекарите се борат за нивните животи. Се надеваме дека ќе се извлечат – изјави црногорскиот премиер.

Тој рече дека на итен електронски состанок на Владата одлуичиле дека од утре ќе биде прогласена тридневна жалост во Црна Гора. Додаде дека вечерва е откажан концерт во Подгорица и ги замолуваме и останатите општини да се придружат.

– Треба да се запрашаме кој може да има оружје во Црна Гора, мора да се заострат критериумите и казните. Многу е важно што имаме хроничен недостиг од полицајци и тоа мора итно да се реши. Граѓаните треба да ги слушаат советите на полицијата и да останат во своите домови, но, нека се чувствуваат безбедно, сите наши луѓе се на терен. Имаме апсолутна координација. А војската е на готовност, очекуваме сторителот веднаш да биде фатен – рече Спајиќ.

Во врска со причините за трагедијата, рече дека според првите информации, се работи за ситуационен настан.

– Тоа значи дека сторителот нема потекло од криминалното милје. Имаше тепачка во кафеана каде се повлекоа пиштоли и сè тргна во погрешна насока – изјави Спајиќ.

Црногорските медиуми денеска објавија дека поради недостигот од полицајци во Цетиње во градот се упатени полицајци од Подгорица.

Вечерва и во Котор и во Будва се откажани сите планирани новогодишни концерти.

Неколку лица го загубија животот попладнево во Цетиње, откако по физичка пресметка во кафеана, осомничениот А. Мартиновиќ употребил огнено оружје и пукал во присутните, потврдуваат неофицијални извори за „Вијести“.

Според информациите, полицијата интензивно трага по осомничениот, а сите расположливи единици се на терен. Инцидентот се случил во угостителски објект во населбата Бајице.

Полициската управа апелира до граѓаните да останат смирени и во своите домови додека трае акцијата за приведување на сторителот.

„Ситуацијата не е поврзана со организирани криминални групи, туку е инцидент од ситуациски карактер“, стои во соопштението на полицијата.