Инфо +

ВРХОВНАТА СУДИЈКА МИЛКА РИСТОВА НА ЧЕЛО НА НОВАТА КОМИСИЈА ЗА ПОМИЛУВАЊЕ КАЈ ПРЕТСЕДАТЕЛКАТА СИЉАНОВСКА-ДАВКОВА, ЌЕ ОСЛОБОДУВА ЗА НОВА ГОДИНА

Седмиот член доаѓа од невладиниот сектор, тоа е Дохан Сулејманоски, за кого денеска на брифингот со новинарите Сиљановска-Давкова кажа дека иако имал најдобро интервју и најубави резултати, не беше избран за член на Комисијата за спречување и заштита од дискриминација (КСЗД).

Комисијата за помилувања прва седница ќе има утре, кога ќе ги согледа проблемите во пропишаните законски процедури за нејзината работа. Токму поради законските ограничувања за проверки и мешање во работата на судовите и на обвинителствата, смета Сиљановска-Давкова, неправедно настрада минатиот состав на Комисијата за помилување, која се поднесе морална оставка.

Оваа Комисија на Министерството за правда одлучува кој и какво помилување ќе добие осудено лице со правосилни пресуди.

Претходниот состав на Комисијата си поденесе оставка откако во рамки на помилувањата објавени за Денот на Македонската револуционерна борба 23 Октомври, без да знае дека се води предистрага и за потешки кривични дела го ослободи А. Р., член на наркокартелот „Барон“ за полесно кривично дело за кое бил во полуотворено одделение во „Идризово“. Освен тоа, ова помилувано лице сторило и обид за убиство, па на излегување од „Идризово“ како слободен човек кого го помилувала претседателката за празник, беше уапсен и сега се наоѓа во притвор.

Ова „невнимание“ наиде на жестоки реакции во јавноста, по што претходната Комисија за помилување си поднесе оставка. За Нова година, ќе има нови помилувања од новата комисија предводена од Ристова.

Извор: СДК.мк

Свет

Хаос на европските аеродроми по воведувањето на новиот Шенген систем

Воведувањето на Шенген системот за влез и излез (EES) на 12 октомври 2025 година предизвика сериозни проблеми на аеродромите во Европа, при што патниците во периоди на зголемена фреквенција чекаат и до три часа за да поминат гранични контроли, соопшти Европскиот оддел на Меѓународниот совет на аеродроми (ACI).

Оттаму велат дека прогресивното снимање на биометриски податоци и регистрација на државјани од трети земји ја зголемуваат обработката на патниците до 70%, а недостигот на киосци и полициски кадар дополнително ја усложнува ситуацијата. Најзасегнати се аеродромите во Франција, Германија, Грција, Исланд, Италија, Португалија и Шпанија.

ACI повикува Европската комисија, eu-LISA, Фронтекс и земјите-членки итно да преземат мерки или да овозможат поголема флексибилност во примена на системот до целосното воведување. Генералниот директор на ACI EUROPE, Оливие Јанковец, предупредува дека доколку проблемите не се решат пред зголемувањето на прагот за регистрација на 35% од 9 јануари, хаосот на аеродромите ќе се продлабочи, со сериозни последици по безбедноста и оперативноста.

Свет

Украински дронови предизвикаа штета на руската нафтена инфраструктура во Таман

Украински беспилотни летала го погодиле руското пристаниште Таман во Црното Море, при што биле оштетени две пристаништа, еден цевковод за снабдување со мазут и два танкера, соопшти регионалната администрација на Краснодарската област. На едниот танкер избувнал пожар кој веќе е изгаснат, а два резервоари за складирање биле оштетени од падот на остатоци од дрон.

Службите за цивилна заштита информираат дека екипажите на погодените бродови се евакуирани, а пожарите се целосно изгаснати. Пристаништето Таман се смета за клучна точка за испорака на нафта и течен природен гас.

Украина зачестено ги напаѓа руските нафтени и енергетски објекти како дел од својата одбрана од руската инвазија.

Балкан

Косово доби моќно оружје

Косово го примило германскиот противтенковски систем „Панцерфауст 3“ како дел од билатералната безбедносна соработка, објавија косовските медиуми. Испораката има за цел зајакнување на одбранбените капацитети на Косовските безбедносни сили (КБС) и нивна постепена модернизација во согласност со стандардите на евроатлантските партнери.

Косовските власти потенцираат дека системот ќе се користи исклучиво за одбранбени цели и професионална обука. „Панцерфауст 3“ е еден од најнапредните противтенковски системи што ги користат неколку европски армии. Договорот со Германија се оценува како дополнителен доказ за поддршката на Берлин за стабилноста и безбедноста во регионот.