Балкан

ПРЕТЕПАНАТА СЛОБОДА МИЌАЛОВИЌ ИМА ПОВРЕДИ НА ГЛАВАТА Откриена состојбата на познатата актерка откако на паркинг ја нападна жена

Слобода Миќаловиќ по конфликтот во Земун е префрлена во Ургентниот центар.

Српската актерка Слобода Миќаловиќ синоќа околу 19 часот била нападната во Белград на улицата Караѓорѓев трг. Како што дознава српски „Курир“, актерката повикала полиција, а на местото на инцидентот пристигнала и брзата помош.

Како што се дознава, на местото на настанот пристигнала Итната помош бидејќи Слобода се пожалила на болки во пределот на главата, поради што е префрлена во Ургентниот центар. По приемот на ургентниот центар, на Слобода ѝ биле констатирани повреди на главата и коленото, на кои има хематоми.

Слобода при прегледот изјавила дека била удирана неколкупати по главата, поради што се пожалила на болки. Полициските службеници за настанот го известиле дежурниот јавен обвинител на Третото основно јавно обвинителство Белград, по што им било наредено да ги соберат потребните информации, да извршат разговор со учесниците и со сите лица кои имаат сознанија за настанот, да ги одземат снимките од видеонадзор и да се соберат медицинска документација.

Се прибираат докази кои потоа ќе бидат доставени до обвинителството за понатамошно постапување и одлучување“, потврдуваат од обвинителството за „Курир“.

Извор: плусинфо

Балкан

Рама поддржува ограничување на правото на вето за новите членки на ЕУ

Албанскиот премиер Еди Рама оцени дека предложената идеја на Европската Унија за ограничување на правото на вето на новите членки на почетокот од нивното членство е „добра“. Предлогот има за цел да ги смири скептичните главни градови кон проширувањето на Унијата.

„Мислам дека е добра идеја“, изјави Рама за „Политико“ пред самитот ЕУ-Западен Балкан. Тој додаде дека несогласувањата во ЕУ се неизбежни, но дека пристапот на Албанија ќе се разликува од оној на Унгарија кога станува збор за блокирање на политиката на Унијата.

Рама потенцираше дека новите членки треба отворено да ги искажуваат своите ставови, но на крајот да се придржуваат кон колективните одлуки. Албанија се смета за еден од фаворитите за полноправно членство, со цел да стане членка на ЕУ до 2030 година.

Балкан

ЕУ ја укинува блокадата кон Косово: 205 милиони евра помош наскоро достапни

Европската Унија одлучи да ги укине сите санкции против Косово до крајот на јануари 2026 година, што ќе овозможи на земјата да добие 205 милиони евра помош на почетокот на новата година. Одлуката следи по мирната транзиција на локалната власт во северните општини со мнозинство Срби.

Санкциите, кои досега предизвикаа штета од над 613 милиони евра, се однесуваа на клучни сектори како животната средина, енергетиката, дигитализацијата и културата.

Претседателката на Косово, Вјоса Османи, преку социјалните мрежи изрази благодарност до лидерите на ЕУ и сите партнери на Косово за признавањето на посветеноста на земјата во овие процеси.

Балкан

Масовни дојави за бомби во училишта низ БиХ, учениците евакуирани

Утрово повеќе основни и средни училишта во Тузланскиот кантон во Босна и Херцеговина добија дојави за бомби, што доведе до прекин на наставата и итна евакуација на учениците и персоналот. Полициските екипи се на терен и преземаат мерки за проверка на заканите. Според неофицијални информации, пријавите главно биле испраќани преку електронски адреси.

Владата на Тузланскиот кантон и Министерството за образование и наука соопштија дека сите активности се спроведуваат во согласност со законските и безбедносните протоколи. „Училишните администрации и наставниот кадар дејствуваат одговорно, а безбедноста на учениците, наставниците и другите вработени е апсолутен приоритет“, велат од Владата. Учениците беа безбедно евакуирани и испратени во своите домови.

Покрај Тузла, дојави за бомби беа пријавени и во училишта во Република Српска, вклучувајќи градови како Бања Лука, Приједор, Прњавор, Лакташи, Требиње и Добој. Полицијата веднаш започна контрасаботажен преглед и обезбедување на објектите.