За состојбите во јавниот превоз во Скопје, советничкат Александра Марковска-Илиевска рече дека проблемот е што се смениле 10 директори во ЈСП, и дека во другите јавни претпријатија се најавуваат проблеми.

„Благодарение на лошото менаџирање на градот Скопје и менување на 10 директори на ЈСП, дојдовме до оваа ситуација. Ова не е криза, ова е крах на ЈСП. Во иднина очекуваме и во другите јавните претпријатија каде што има проблеми“, рече Марковска-Илиевска за Дејли Клик плус на ТВ21.

Марковска-Илиевска вчера на седницаво своето обраќање посочи за низата неправилности што се случувале во делот на реализација на програмите за работа во одредени училишта. Дополнително, додаде дека Инспекторатот ќе проверува дали и колку е извршена реализација. Напомена дека нема да дозволи да се врши злоупотреба и од таа причина нема да гласа.

„Во делот на спортските активности, односно тимовите, да немате реализирана програма. Да си назначувате претседател на училиштен одбор на наставнички совет е кршење на законот и повлекува кривична одговорност. Ве молам, не се работи за технички грешки, се работи за суштински грешки и од таа причина онаму каде што нема реализирано програма, нема да гласам“, децидна беше Марковска-Илиевска.

Вечерва на паркингот на Скопје Сити Мол се случува вистински хаос, откако многубројни посетители се пожалија дека и покрај тоа што плаќаат за паркирање, не можат да најдат слободно место. Гужвата е дополнително усложнета со непрописно паркирани возила и затнати влезови и излези, што создава нервоза и фрустрација кај граѓаните.

Според изјави на присутните, организацијата на паркингот е на ниско ниво, а нема доволно персонал кој би ја регулирал состојбата. Некои посетители тврдат дека поминале повеќе од 30 минути во обид да најдат слободно место, додека други се пожалиле на технички проблеми со наплатата на паркингот.

„Ова е неприфатливо. Плаќаме за услуга која очигледно не може да се обезбеди. Губиме време и нерви, а никој не презема одговорност,“ изјави револтиран посетител.

Ситуацијата е особено критична во вечерните часови, кога трговскиот центар е преполн со посетители. Иако Скопје Сити Мол располага со голем број паркинг места, очигледно е дека капацитетот не ги задоволува потребите, особено за време на викендите и празничните периоди.

Граѓаните апелираат до раководството на Скопје Сити Мол итно да преземе мерки за решавање на проблемот. Некои од предложените решенија вклучуваат подобра организација на протокот на возила, воведување дополнителен персонал за регулирање на паркирањето, како и размислување за проширување на паркинг капацитетите.

Од Скопје Сити Мол сè уште нема официјална реакција на настанот.

Основното јавно обвинителство Скопје, по спроведена истражна постапка, поднесе Обвинителен акт против едно лице за кривично дело – Бесправно градење од член 244-а став 1 од Кривичниот законик.

Обвинетиот 60-годишник, во текот на 2018 и 2019 година, во својство на инвеститор, во Старата скопска чаршија, на постоечки објект – дуќан од 93 м2 во негова сопственост, извел надградба од ходници, скали, лифт, рецепција и други простории, а на соседна парцела извршил целосна изградба на објект – хотел со подрум, 4 ката и поткровје, без да поседува одобрение за градење од надлежното министерство, но и без основен конзерваторски проект и конзерваторско одобрение од Управата за заштита на културно наследство.