Балкан

Голема полициска акција во северно Косово по експлозијата во каналот Ибар-Лепенец

Published

4 hours ago

November 30, 2024

Голема акција на силите на косовската полиција се одвива претпладнево во повеќе куќи во селото Варага кај Зубин Поток, во северно Косово, каде што синоќа се случи експлозија во која беше оштетен водоводниот канал Ибар-Лепенец, јави дописникот на МИА од Приштина.

Веста во изјава за медиумите ја потврди заменик директорот на полицијата за северниот регион, Ветон Елшани.

– Во тек е полициска рација и засега не можам да кажам ништо повеќе, кратко изјави Елшани.

Засега нема информации дали во акцијата има уапсени лица или е пронајдено оружје.

Претседателката на Косово, Вјоса Османи, премиерот Албин Курти и косовската полиција го оценија како терористички чин синоќешниот напад, по кој останаа без вода неколку градови во Косово, како и електраните Косова А и Косова Б, кои ја кристат водата од каналот за ладење на турбините. Косовските власти за нападот ја обвинија Србија, од каде, според нив, дошле криминалците што го извршиле овој, како и претходните напади оваа недела со рачни бомби врз полициската станица и објектот на општината Звечан.

Балкан

Денот на албанското знаме со рафали прослевен и во Љубљана

Published

48 mins ago

November 30, 2024

Арлингтон

Денот на албанското знаме со рафали прослевен и во Љубљана.

На социјалните мрежи се појави видео на кое може да се види и слушне дека денот на албанското знаме со рафали и пукотници е прославен и во членката на ЕУ, Словенија

https://x.com/jankuc96/status/1862463057923858920?s=46&t=vTyGSpkk2_wOQuFz-saisg

Балкан

ПО 22 ГОДИНИ ИЗГРАДБА ОТВОРЕНО МЕТРОТО ВО СОЛУН, БИЛЕТ ЌЕ ЧИНИ 60 ЦЕНТИ

Published

4 hours ago

November 30, 2024

Арлингтон

Во присуство на претседателката Катерина Сакеларопуло и премиерот Кирјакос Мицотакис, денеска и официјално беше отворена подземната железница во Солун, која се градеше 22 години.

Патниците ќе можат да се возат бесплатно до 3 декември, а од следниот ден билет ќе чини 60 центи, додека за месечен билет ќе се плаќа 16 евра. Метрото е целосно автоматизирано и нема да има возачи, со што е прво од таков тип во Грција. Се очекува да опслужува 250.000 патници дневно и да го намали сообраќајниот метеж за 60.000 возила.

Главната линија, долга 9,6 километри, се протега од новата железничка станица до Неа Елветија и вклучува два тунела и 13 станици. Патувањето ќе трае 17 минути. Продолжението до Каламарија треба да биде отворено кон крајот на следната година, а има планови мрежата да се прошири и на западните и северните области на Солун. До 2040 година, метрото треба да оди и до меѓународниот аеродром.

„Од археолошка гледна точка, ова беше сложен и тежок потфат. За време на изградбата се пронајдени 300.000 артефакти“, кажа министерката за култура Лина Мендони.

Метрото е целосно автоматизирано, со што е прво од таков тип во Грција (Фото: ЕПА)

Голем дел од ова богатство е изложено на станиците, па метрото ветува модерно возење низ повеќеслојната историја на градот, низ кој за 2.300 години поминале и Римјаните и Византијците и Отоманците. Во рамките на отворањето на метрото, на централната станица Венизелу денеска за првпат беше откриен и цел археолошки локалитет.

Откопувањето на толку многу артефакти ги принуди инженерите и археолозите тесно да соработуваат. Тунелите требаше да се копаат на длабочина од најмалку 20 метри за да се зачуваат наодите што се поблиску до површината, а архитектите беа принудени да ги редизајнираат станиците бидејќи се откриваа богатства. Доцнењата и дополнителните финансиски барања придонесоа изградбата на метрото да чини најмалку три милијарди евра.