Македонија

ВМРО-ДПМНЕ со сестринската партија Модератерна од Шведска разменува искуства и ја надградува својата визија за економски силна и просперитетна држава

Министерот за транспорт и врски и потпретседател на ВМРО-ДПМНЕ, Александар Николоски денеска се обрати на конференцијата за пратеници на сестринските партии ВМРО-ДПМНЕ и Модератерна од Шведска, каде изминативе два дена се разговараше за економските реформи и планот за раст на ЕУ за Западен Балкан.

ВМРО-ДПМНЕ со сестринската партија Модератерна од Шведска разменува искуства и ја надградува својата визија за економски силна и просперитетна држава.

-На конференцијата, пратениците на ВМРО-ДПМНЕ разменуваа искуства и дискутираа на теми поврзани со развојот на државата, зајакнување на економијата, подобрување на животниот стандард и квалитетот на живот во Македонија

ВМРО-ДПМНЕ е демократска партија со прогресивни идеи и во таа насока својата политика во континуитет ја креира на унапредување на развојните политики и подобрување на општественото живеење.

Оваа конференција беше токму во насока на размена на искуства со сестринска партија Модератер на Шведска и креирање на зеднички политики кои ќе придонесат за благодет на граѓаните и општеството.

На конференцијата исто така разговаравме и за инфраструктурата како еден од улсовите за развојна економија. Заедно со пратениците од ВМРО-ДПМНЕ зборувавме за идните проекти што се планирани во рамки на министерството за транспорт, за сите проблеми и идни визии за развивање на државата.
ВМРО-ДПМНЕ постојано се надградува и заедно со своите пријатели од европската народна партија силно работи на зајакнување на своите капацитети“, Николоски.

Македонија

Божиновска присуствуваше на шведската прослава на светлината

Вечерва Сања Божиновска присуствуваше на традиционалниот концерт во чест на Санта Луција, кој го организираше Шведската амбасада. Празникот е симбол на светлина, топлина и надеж во најтемните нордиски ноќи.

„Секогаш е убаво кога една традиција носи порака која допира подалеку од границите – дека светлината ја создаваме самите, и дека најмногу ни е потребна токму во студените, тивки моменти од годината“, изјави Божиновска.

Таа изрази благодарност до амбасадата за прекрасната атмосфера и можноста да ја почувствува оваа уникатна шведска традиција, која најавува доаѓањето на Божиќ со радост, музика и светлина.

Македонија

Сообраќајот на Евзони повторно во прекин од 17 часот

АМСМ информира дека од 17 часот повторно е блокиран сообраќајот на Граничниот премин Евзони (ГП Богородица).

Според последните информации, сообраќајот на државните патишта се одвива непречено, по суви коловози и со умерен интензитет надвор од градските средини. На македонските гранични премини нема подолги задржувања за влез или излез од државата.

АМСМ апелира до возачите да возат со прилагодена брзина, да ја почитуваат поставената сигнализација и да бидат особено внимателни на патиштата низ котлинските и клисурните делови, каде што постои ризик од одрони. Најкритични се делниците Катланово – Велес, Маврово – Дебар – Струга, Виница – Берово и Кочани – Делчево.

Македонија

Студентите имаат уште десет дена за апликација за ваучери

Министерството за дигитална трансформација потсетува дека студентите имаат рок до 20 декември 2025 година да аплицираат за ваучери за електронски уреди.

Досега се доделени 42.606 ваучери, од кои 27.426 веќе се искористени. Во рамките на владината програма, предвидени се вкупно 55.000 ваучери за студенти на додипломски студии запишани во учебната 2025/26 година.

Ваучерите можат да се искористат најдоцна до 31 декември 2025 година.