Муареми одби да даде изјава пред камера, но разговараше со новинарката Снежана Лупевска, со која и се фотографираше. Во разговорот, Муареми изјави дека моментално работи во компанија за компјутери.

Во јули оваа година, петмина членови на криминалната група Дуќанџик/Грчец беа обвинети за трговија со кокаин и двојно убиство. Како водач на групата беше посочен Шеваљ Муареми, кој е прогласен за бегалец и се бара со меѓународна потерница. Според неофицијални информации, тој се наоѓа во Дубаи.

Екипата на КОД, која првично објави за неговото бегство, успеа да стапи во контакт со Муареми. Тој, преку неформален разговор, тврди дека против него нема цврсти докази.

Муареми одби да даде изјава пред камера, но разговараше со новинарката Снежана Лупевска, со која и се фотографираше. Во разговорот, Муареми изјави дека моментално работи во компанија за компјутери.

Тој тврди дека заминал во Дубаи шест месеци пред да биде распишана потерницата за него. Муареми објасни дека престојува во вила заедно со свој пријател од Албанија и дека неговата работа во технолошката компанија му обезбедува стабилни приходи.

Дали сметате дека Општина Кисела Вода треба да организира сопствена новогодишна прослава за дочек на 2025 година, на која ќе настапат познати македонски артисти? Вакво прашање на социјалните мрежи вечерва постави градоначалникот на Кисела Вода, Орце Ѓоргиевски.

Тој објави анкета на која граѓаните веќе почнаа да се изјаснуваат за предлогот, а според досегашните гласови, на повеќе од 90 отсто од гласачите им се допаѓа оваа идеја.

Корисниците на социјалните мрежи во коментарите под постот на градоначалникот воглавно даваат поддршка за предлогот, а дел укажуваат на потребата да се накити општината, да се постави елка во паркот во Драчево, како и да не се претерува финансиски.

Кисела Вода летово организираше богата музичка програма со стотина изведувачи, што наиде на одличен прием и голема посетеност.

Поранешниот пратеник од ВМРО-ДПМНЕ, Илија Димовски, во емисијата „Само Вистина“ на Канал 5 телевизија направи своја анализа за новите трендови и трката со глобализацијата.

Ние не сфаќаме една работа. Влезени сме во глобализација, и во ова меѓусебно трзање помеѓу Македонци и Албанци губиме сите. Зошто? Затоа што 90% од комуникацијата помеѓу младите во Скопје, Македонци и Албанци, се одвива на англиски јазик.

Не добива ни албанскиот јазик, ниту македонскиот јазик. Културно не продуцираме ништо сериозно. Театарски претстави има многу ретко, а за музика и да не зборуваме. Можеби кај Албанците музиката е малку поразвиена поради регионалниот контекст, но и тоа споредено со глобализацијата е процес што ќе ја изгуби битката.

Наместо да се концентрираме на зачувување на културата и јазиците што ги имаме како богатство, ние се губиме во конфликти. На крајот на краиштата, Фатмир знае македонски, а и Македонците во западна Македонија знаат албански јазик. Тоа треба да ни бидат позитивни примери.

Да се запрашаме: има ли Турски театар во Скопје претстави на кои јас можам да одам и да ги следам со превод? Дали еден млад Албанец кој малку го познава македонскиот јазик – за жал, поради тоа што немаме интегрирано образование – може да дојде во Македонскиот народен театар или во Драмски театар и да проследи претстава?

Нам ни треба образование, култура и воспитание. Тоа е единствениот начин.