Исплатата на регресот за годишен одмор или К-15 за вработените во образовните институции ќе се случи во текот на овој месец, информираше денеска од Штип, министерката за образование и наука, Весна Јаневска.

Што значи до 31 декември секако ќе биде завршена исплатата на К-15, вели Јаневска.

Прашана дали ќе има промена на датумите за зимскиот распуст за учениците во основните и средни училишта, Јаневска со дециден одговор дека нема промена, односно учениците со одмор почнуваат од 1 јануари, а распуст завршува на 18 јануари, со што на настава учениците и професорите почнуваат од 20 јануари, во понеделник.

Скијачкиот центар Попова Шапка се подготвува за уживање на своите гости, се користат првите врнежи од снег за базична подготовка на патеките.

„Снежна покривка на Попова Шапка! 

Со задоволство Ве известуваме дека ги користиме првите врнежи на снег за базична подготовка на стазите со цел да ви обезбедиме идеални услови за скијање и други зимски активности. Ова значи повеќе можности за уживање на една од вашите најомилени дестинации!

Подгответе сѐ за прекрасна зима!“, напишаа од скијачкиот центар Попова Шапка на својот фејсбук профил. 

Државната корупција за спречување на корупција (ДКСК) на денешната седница констатираше судир на интереси кај поранешен медицински директор на здравствена установа, бидејќи имал удел во вработувањето на неговата снаа со договор на дело.

На седницата на Антикорупциска беше посочено дека тој за време на извршувањето на функцијата в.д. директор на јавна здравствена установа, не побарал да биде изземен кога се вработувала снаата за син.

– На таков начин, таа била вработена во јавната здравствена установа, а тогашниот в.д. директор се нашол во состојба за судир на интереси и го прекршил Законот за заштита од корупција и судир на интереси. Тој за оваа постапка платил прекршочна глоба, по што бил разрешен од Министерството за здравство, истакнаа од ДКСК на денешната 11. седница.