Македонија

Сиљановска Давкова: Мислата и зборот се најсилното човеково оружје

Вчеравечер, амфитеатарот на Правниот факултет беше исполнет со љубители на убавиот збор, кои беа сведоци на дваесет и седмата ораторска вечер „Иво Пухан“. Настанот, кој традиционално го величи говорништвото како уметност, годинава повторно ги собра најдобрите млади говорници, потврдувајќи дека мислата и зборот остануваат најсилното човеково оружје.

Покровител на настанот беше претседателката на Република Македонија, Гордана Сиљановска Давкова, која во својот говор ја истакна важноста на говорништвото како стекната, а не наследена дарба, цитирајќи големи имиња како Демостен, Цицерон, Ганди и Мартин Лутер Кинг. Таа ги пофали и професорите од Правниот факултет, кои со своите предавања оставиле траен печат врз генерациите студенти.

Оваа година, публиката имаше можност да чуе десет извонредни изведби од осум студентки и двајца студенти. Темите беа разновидни и провокативни: од дилемите за вештачката интелигенција, преку женските трауми и општествените неправди, до суровоста на комунистичкиот режим и негрижата за заслужните личности. Говорниците со своите критички согледувања разбудија силни емоции кај присутните.

Жирито, составено од домашни и странски правни експерти, имаше тешка задача да ги избере најдобрите. На крајот, тројца учесници беа прогласени за лауреати, додека останатите добија пофалби како победници на свој начин.

Настанот беше заокружен со сеќавање на професорката Татјана Петрушевска, која била посветен поддржувач на ораторската вечер во минатото.

„Секоја ораторска вечер е потсетник за моќта на мислата и зборот, а оваа година, младите говорници повторно покажаа дека иднината на убавиот збор е во сигурни раце“, истакна претседателката Сиљановска Давкова.

Македонија

Силни врнежи од дожд и снег го најавуваат вистинското зимско време за празниците

Денеска Македонија е под влијание на нестабилна временска прогноза. Облачното небо ќе донесе повремени врнежи од дожд, особено во источните делови каде се очекуваат пообилни количини, локално над 25 литри на метар квадратен. Планинските предели ќе бидат побелени со снег, а слаб до умерен јужен ветер ќе го движи воздухот.

Во Скопје денот ќе биде облачен, со повремени дождови и слаб југоисточен ветер.

Утре времето ќе биде променливо облачно, со локални врнежи, најчесто во источните региони. На повисоките места и планините дождот ќе се претвора во снег. Попладне времето ќе се стабилизира, а ветерот ќе се смени во слаб до умерен северен. Главниот град ќе го доживее утрото со краткотраен дожд, но подоцна облаците ќе се расчистат.

Скијачките центри веќе се покриени со снежна покривка, која ќе се зголемува во наредните денови благодарение на врнежите од снег. Метеоролозите предупредуваат дека околу и по Нова година Балканот и Македонија ќе бидат зафатени од вистинска зимска офанзива – пообилен снег, пониски температури и вистински зимски услови за сите љубители на студените денови.

Македонија

Ледени утра ни претстојат: Температурите паѓаат до -8 степени

Македонија денеска е под влијание на влажен бран со облачно време и повремени врнежи од дожд, додека на планините врнежите ќе бидат од снег.

Од петок се очекува стабилизирање на времето, но со значителен пад на утринските температури. За време на викендот и во почетокот на следната недела утрата ќе бидат ведри, но многу студени, со температури кои насекаде ќе се спуштат под нулата.

Најниските утрински температури се предвидуваат во недела и понеделник, кога на места ќе достигнат и до -8 степени. Дневните температури кон крајот на периодот ќе бидат во благ пораст, достигнувајќи до 10 степени.

Македонија

Тошковски сооошти дали ќе има толеранцијата на камерите „Сејф Сити“

Министерот за внатрешни работи, Панче Тошковски, за „Топ Тема“ на Телма изјави дека камерите од системот „Сејф Сити“ ќе имаат исти отстапки како што се применуваат кај полициските радари.

Според министерот, за брзини до 100 км/ч ќе важи толеранција од 6 км/ч, за брзини над 100 км/ч – 8 км/ч, а за брзини над 200 км/ч – 12 км/ч.

Тошковски нагласи дека овие толеранции се однесуваат само на сообраќајни прекршоци, додека во случаи на кривични дела поврзани со сообраќајот, толеранција нема да се применува.