Директорот на Царинската управа Бобан Николовски, во „Дејли клик“ на ТВ21 зборуваше за акцијата за запленети возила, кои нелегално се внесувале во Македонија, односно за нив не биле плаќани царини.

Притоа, буџетот бил оштетен за 9 милиони денари, а како резултат на оваа акција поднесени се кривични пријави и отказни решенија за осум цариници.

„На ова поле работевме неколку месеци и успешно ја заврши оваа операција, како што знаете се крена голема врева поради овој случај, како царинска управа дојдовме до случај царински службеници, транспортери и увозници на возила, организирано дејствувале и на начин само својствен за добро организирани групи, успеале половни моторни возила да внесат во Македонија, без да платат царински давачки и нанеле штета на државниот буџет. Запленивме 35 моторни возила во вредност од 20 милиони денари, собравме докази дека буџетот бил оштетен во висина од 9 милиони денари. Суштински гледано од аспект на царинска управа, самата кривична пријава која е поднесена до ОЈО ГОК е прва кривична пријава за организиран криминал што Царинска управа ја поднесува. Суштината не е во одземените возила, туку во однос на системските пропусти кои биле работени во царинската управа, без да се плати царински давачки“, рече Николовски.

Податоци за домаќинствата, Попис 2021 година:

• 1.836.713 жители живеат во вкупно 598.713 домаќинства, следува:
• Просечен број на членови во едно домаќинство – 3 (три);
• Вкупен број на домаќинства со еден, два и три члена – 359.684, следува:
• 60% од домаќинствата во Македонија се со максимум три члена;
• Број на домаќинства со 4 члена – 117.084, или околу 20% од вкупниот;
• Останатите околу 20% од вкупниот број домаќинства се со 5 и повеќе членови.

Зошто вредноста на месечната потрошувачка кошничка ја пресметуваме за четиричлено, а не за тричлено семејство? Само прашувам.

Денес во 10.30 Советот на јавни обвинители ќе расправа и ќе одлучува за состојбите во Вишото јавно обвинителство во Скопје.

Состанокот е закажан по правилата на Советот а се случува откако државниот обвинител Коцевски ги суспендираше двајцата виши скопски обвинители Јован Цветановски и Мустафа Хајрулаху.

Според државниот обвинител двајцата виши јавни обвинители носеле погрешни одлуки за четири случаи.

Коцевски во ревизијата на овие предмети ја прати Лиле Стефанова која што претходно била дел од случај за кој подоцна правела ревизија што е спротивно на законот.

Според други извори во обвинителството Коцевски врши прогон на двајцата обвинители затоа што тие бараат да се гонат обвинителите од екс Специјалното јавно обвинителство кои незаконски добивале екстра пари додека беа во СЈО.

Двајцата јавни обвинители кои се суспендирани од Коцевски тврдат дека милионските суми кои што ги добивале обвинителите од бившото СЈО се кривично дело.

Хајрулаху преходно обвини дека Коцевски е под контрола на група моќни јавни обвинители меѓу кои се Лиле Стефанова, Ленче Ристовска, Гаврил Бубевски, Љубомир Јовески и други.