Големо признание за поранешната македонска ракометарка, Индира Кастратовиќ е примена во „Куќата на славните“ на Европската ракометна федерација (ЕХФ) како дел од специјалната церемонија што ќе се одржи на 14 декември, пред финалето на ЕХФ ЕУРО 2024 за жени.

Кастратовиќ е втора ракометна личност од Македонија која е во елитното друштво, прв во „Куќата на славни“ влезе Кире Лазаров.

„Среќни сме што им оддаваме почит на легендите на нашата игра преку оваа церемонија. Ова е одлична можност да ги истакнеме нивните успеси и влијанието што го имаат врз спортот, на и надвор од теренот“, изјави претседателот на ЕХФ, Михаел Видерер.

Списокот на ракометари и ракометарки кои сега ќе се приклучат во „Куќата на славните“:

Список на легенди (мажи и жени) кои ќе влезат во „Куќата на славните“:

ГОЛМАНИ
• Андреас Тиел / Германија
• Матс Олсон / Шведска
• Дејан Периќ / Србија
• Луминица Хуцупан Дину / Романија

ЛЕВО КРИЛО
• Герго Иванчик / Унгарија

ЛЕВИ БЕКОВИ
• Никола Карабатиќ / Франција
• Микел Хансен / Данска
• Кармен Амариеи / Романија
• Ања Андерсен / Данска

ЦЕНТРАЛНИ БЕКОВИ
• Љубомир Врањеш / Шведска
• Енди Шмид / Швајцарија
• Миа Хермансон-Хогдал / Шведска
• Стине Офтедал Дамке / Норвешка

ДЕСНИ БЕКОВИ
• Фолкер Цербе / Германија
• Стафан Олсон / Шведска
• Индира Кастратовиќ / Македонија
• Марта Манге / Шпанија

ДЕСНИ КРИЛА
• Лук Абало / Франција
• Иван Чупиќ / Хрватска

ПИКЕРИ
• Игор Вори / Хрватска

ДЕФАНЗИВЦИ

• Виран Морос / Шпанија

Maкедонскиот напаѓач Бојан Миовски по нешто послабиот почеток во дресот на Жирона изгледа почнува да прикажува настапи какви што од него се очекува.

Месец ноември беше најдобриот за Миовски откако е во Жирона, а доказ за тоа е изборот во идеалниот тим на месецот.

Помеѓу најдобрите 11 Миовски доби место најмногу поради неговиот настап против Еспањол во кој постигна два гола и запиша една асистенција во победата од 4-1. Покрај Миовски, Жирона има уште тројца претставници во идеалниот тим и тоа: Хил, Мартинез и Гутиерез.

Од останатите тимови Барселона има двајца претстваници (Олмо и Рафиња), исто толку доаѓаат и од Осасуна (Будимир и Херера), додека со по еден фудбалер се: Мајорка (Коста), Реал Сосиедад (Агуеро) и Атлетико Мадрид (Ленгле).

Македонската женска фудбалска репрезентација ја започна годината со блескава победа од 3:2 против Црна Гора на пријателскиот натпревар одигран на тренинг-центарот „Петар Милошевски“.

Симона Мејер, Гентјана Роџи и Улза Максути беа хероите на тимот, постигнувајќи прекрасни голови кои ја донесоа радоста за нашата репрезентација. Со овој триумф, македонските фудбалерки покажаа тимски дух, борбеност и подготвеност за новите предизвици што следат.

Следниот натпревар ќе биде одлична шанса да ја потврдат својата форма и да продолжат со победничкиот ритам. Македонија гордо стои зад своите фудбалерки!