ДУИ, партијата која 20 години се однесува како приватна фирма, изгледа почна да ги напаѓа сите освен идеолошкиот близнак Левица, од страв дека народот конечно ја сфатил нејзината игра. Изјавите на ДУИ се претворија во бледи дневни написи за партија која некогаш имала идеи, а денес има само криминал. Со 1 отсто морал стануваш 100 отсто корумпиран, велат од коалиција ВРЕДИ.

„ДУИ не треба да зборува за поддршка од народот кога самата преку уцени, корупција и заплашување создаваше илузија на моќ. Локалните избори ќе бидат крајот на ова раководство на ДУИ. Со 1 отсто транспарентност, стануваш 100 отсто мафија! ДУИ зборува за судовите? Но, кој ги направи судиите партиски слуги? Нивните министри заедно со Сашо Мијалков беа во комисијата за именување судии. Кој ги измислуваше тендерите? Кој ја зароби државата одполитичари со дебели банкарски сметки во Дубаи и Монако? Со 1 отсто срам стануваш 100 отсто авторитарен“, велат од коалицијата на албанските партии во власта.

Од ВРЕДИ прашуваат дали ДУИ тврди дека го брани Рамковниот договор од Охрид?!

„Нели тие ја политизираа администрацијата, вработуваа партиски војници, а квалификувани луѓе останаа без работа и принудени да емигрираат? Семејствата на функционерите профитираа, додека обичните граѓани заминаа да работат во Европа. Со 1 отсто вистина стануваш 100 отсто манипулативен! ДУИ зборува за ‘официјален статус на албанскиот јазик’? Тие самите го прифатија како јазик што го зборуваат имагинарен процент на луѓе. ДУИ го користи албанскиот јазик само за пропаганда, додека наставниците работат без средства, учениците немаат книги, а младите масовно ја напуштаат државата. Со 1 отсто демократија стануваш 100 отсто диктатор! ДУИ зборува за ‘вредности’, додека народот гледа како градат казина, уништуваат чесни бизниси и ја претвораат државата во оаза на криминалот. Додека патуваат со луксузни автомобили, луѓето бројат денари за да преживеат“, велат од ВРЕДИ.

Од колаицијата му порачуваат на ДУИ дека со 1 отсто визија, стануваш 100 отсто некомпетентен!

„Каков развој донесе ДУИ во областите каде што владее? Општините под нивна контрола се заглавени во долгови, без инфраструктура, без квалитетно образование и без инвестиции во младите. Единствениот развој што го овозможија е оној на нивните приватни бизниси. Со 1% одговорност стануваш 100% деструктивен! ДУИ зборува за Европа, но со години ги блокира евроинтеграциите поради нивните лични политички калкулации. Кога требаше да се донесат важни закони, тие беа зафатени со доделување државни тендери. Кога требаше да се борат против корупцијата, создадоа нови коруптивни шеми. ДУИ е првата албанска партија која зборува против западните партнери. Со 1 отсто искреност стануваш 100 отсто предавник на народот! ДУИ 20 години ја продава приказната за заштита на Албанците, но кој навистина имаше корист? Обичниот граѓанин или нивните бизнисмени? Народот живее во сиромаштија додека тие ги полнат џебовите. Ова не е заштита на Албанците – ова е предавство! ДУИ е политичка структура која знае само лаги, кражби и манипулации. Затоа денеска панично напаѓаат, бидејќи знаат дека им се ближи крајот! Локалните избори ќе бидат крајот на ова раководство на ДУИ“, велат од ВРЕДИ.

Дежурен јавен обвинител од Основното јавно обвинителство Куманово изврши увид на лице место на експресниот пат во близина на Крива Паланка, каде вчера едно по друго се случија две сообраќајни несреќи.

Имено, најпрво автомобил “фолксваген голф” излетал од патот и се превртел, при што животот го загубил еден од сопатниците во автомобилот. Неговиот син и возачот се здобиле со телесни повреди.

Јавниот обвинител ги презеде сите дејствија за обезбедување на доказите и за испитување на причините за несреќата, а за починатиот е издадена наредба за обдукција.

Но, додека на лице место се преземале дејствијата за увид, на обележаната локација влетал друг автомобил, кој најверојатно според првичните сознанија поради неприлагодена брзина удрил во паркирано возило и телесно повредил четворица полициски службеници кои го вршеле увидот. Во сообраќајната несреќа потешко повредена е и сопатничката во автомобилот.

Јавниот обвинител постапува и презема дејствија за испитување на причините и за оваа несреќа.

Авионот од Варшава, Анталија и Меминген кружea над скопскиот аеродром и не можеa да слетаат поради лоши временски услови, односно густа магла, попладнево.

Во моментов има информација дека летот од Анталија дека е пренасочен кон Измир, летот од Меминген кон Приштина, а летот од Варшава се враќа назад.

Авионите на „Визер“ од Меминген и Баден Баден беа пренасочени и првиот слета во Приштина, а вториот во Софија. Авионот на „Лот“ од Варшава, пак, се врати назад кон Полска.

Досега се откажани и летовите за Малме и Истанбул.

Најновиот METAR извештај за аеродромот Скопје (LWSK) од 25-ти јануари во 15:50 UTC покажува дека временските услови и понатаму се неповолни за воздушниот сообраќај, со значително намалена видливост и присуство на густа магла.

Детали од извештајот:
Ветер: Променлив слаб ветер (VRB) со брзина од 1 јазол.
Видливост: Хоризонталната видливост е намалена на само 300 метри.
Видливост на пистата: Пистата 34 има видливост од 300 метри, без промени (N = No Change).
Магла: Густа магла (FG) продолжува да го доминира воздушниот простор.
Облаци: Потполна облачност (OVC) на многу ниска висина од 100 стапки.
Температура: 5°C, точка на росење 4°C, што укажува на висок степен на влажност.
Атмосферски притисок: 1022 хектопаскали, со стабилни услови.
Прогноза: Нема значителни промени во временските услови (NOSIG).