Македонија

Обвинителството отвори предмет против Груби и Беџети

Основното јавно обвинителство отвори предистражен предмет за поранешниот вицепремиер Артан Груби и судијата Енвер Беџети. Ваквата информација денеска ја објави државниот обвинител Љупчо Коцевски.

Според Коцевски, уште вчера била оформен предметот и тоа по допрен глас. Во моментов, има обид за обезбедување докази по обвиненијата за поткуп и трговија со влијанија.

Ваквиот развој на настаните следува откако Стејт департментот додаде 14 нови имиња на американската црна листа, меѓу кои и на поранешниот вицепремиер и актуелен член на ДУИ и судијата во Апелацискиот суд.

Стејт департментот јавно ги назначува Груби и Беџети за нивна вмешаност во значителна корупција преку примање мито за поткопување на судските процеси поврзани со кривичната пресуда на Сашо Мијалков, директор на Управата за безбедност и контраразузнавање.

Мијалков беше назначен во 2022 година за значителна корупција. Како дел од оваа акција се назначени и членовите на потесното семејство на Груби.

Стејт департментот презеде акција за ограничување на визите на поединци кои овозможиле, олесниле или на друг начин биле вмешани во значителна корупција и на членовите на нивните потесни семејства.

Американската амбасадорка Анџела Агелер вчера порача дека се очекуваат конкретни активности од институциите во Македонија.

„Овде има процес и мислам дека луѓето од оваа држава сакаат да го видат тој да се реализира. Не знам што ќе биде со рестриктивните мерки, мислам дека беше одлична идеја, но потоа повторно не можеме да ги контролираме законите што се носат. Се надевам дека со новата објава, која предизвика остра реакција во јавноста, ќе видиме раздвижување на правосудниот систем овде во С. Македонија, во овој и во други случаи“, нагласи Агелер.

Таа додаде дека американскиот Стејт департмент нема да сподели детали со властите во врска со Груби и Беџети.

Единственото објаснување на САД беше дека тие двајца се на списокот со санкции поради „земање мито“, а Агелер рече дека доказите лесно се наоѓаат.

„Не би навлегувала во детали, не ги споделуваме тие информации, но, податоците се од тука и достапни до Вашингтон. Ако ние можеме да најдеме докази, можат и македонските институции“, истакна амбасадорката.

Македонија

МВР со известување до граѓаните за „Безбеден град“

Ги известуваме граѓаните дека од утре (17.12.2025), на посебен шалтер во Одделот за граѓански работи, во зградата на МТВ (приземје) во Скопје, кој ќе работи секој работен ден во периодот од 08:00 до 17:00 часот ќе можат да поднесат барање за промена на контакт-податоците кои ги доставиле при регистрација на возилата, доколку има настаната промена или во случај да имаат добиено известување со неточни податоци. Истото, ќе може да се изврши и низ станиците за технички преглед на возила во државата каде што е распореден деташиран референт на МВР.

Исто така, граѓаните по електронска пошта на bezbedengrad@moi.gov.mk ќе можат да достават писмена забелешка доколку имаат нејаснотии, прашања или проблеми поврзани со функционирањето и примената на системот „Безбеден град“, при што сите доставени забелешки ќе бидат евидентирани и разгледани согласно утврдените процедури, со цел унапредување на работењето и поефикасна комуникација со граѓаните.

Македонија

Спречен увоз на над 26 тони замрзнато пилешко месо од Бразил

Инспекциските служби на Агенција за храна и ветеринарство (АХВ), на граничниот премин Ќафасан, спречија увоз на над 26 тони замрзнат пилешки батак без коска поради неисполнување на условите за увоз. Пратката со 2167 пакувања по 12 килограми замрзнато пилешко месо, по донесеното Решение за забрана за увоз од официјалните ветеринари на АХВ, вратена е во земјата извозник – Бразил.

Забраната за увоз е изречена бидејќи пратката била во спротивност со донесеното решение за забрана на увоз на живи животни, производи и нуспроизводи од животинско потекло од Бразил заради заштита од внесување на вирусот на високо патогена авијарна инфлуенса (птичји грип) според кое, забранет е увозот на пратки кои се добиени од животни кои се заклани, натоварени и сертифицирани пред 1 август 2025 година.

Македонија

Љупчо Коцевски ја поднесе оставката како јавен обвинител

Државниот јавен обвинител Љупчо Коцевски,само еден час пред собраниската расправа за негово разрешување денес, поднесе неотповиклива оставка. На прес-конференцијата, Коцевски порача дека функцијата ја извршувал чесно, но дека си заминува разочаран од системот.

„Заминувам со гордо крената глава, но и со горчина поради непочитувањето на основните принципи на правната држава“, изјави тој. Коцевски го обвини Собранието за „процедурален линч“, откривајќи дека поканата за седницата ја добил во последен момент, без воопшто да му биде доставен предлогот за разрешување. Според него, овој политички маневар е опасен преседан кој директно ја урива независноста на обвинителството.

Наместо да чека политичка пресуда во собраниските клупи, републичкиот обвинител Љупчо Коцевски денеска избра достоинствено повлекување. Со поднесувањето на неотповикливата оставка, тој фрли сериозна дамка врз транспарентноста на власта, тврдејќи дека неговото разрешување е базирано на политика, а не на факти или закони.

„Немам на што да се произнесам, бидејќи предлогот за мое разрешување воопшто не ми е доставен“, истакна Коцевски, нагласувајќи го апсурдот на ситуацијата во која поканата ја добил само 60 минути пред почетокот на седницата. Неговото заминување по помалку од две години мандат отвора нови прашања за тоа колку е навистина „независно“ македонското правосудство од политичките влијанија.