Во последно време вниманието на јавноста е насочено кон судскиот процес за случајот на Сашо Мијалков, кој добива нова димензија со ангажманот на Артан Груби и судијата Беџети. Овој случај привлекува големо внимание, не само поради неговата важност, туку и поради можните врски и влијанија што може да бидат поврзани со одредени личности во правосудството и безбедносните структури на земјата. Овде се поставува прашањето за евентуалните лични и професионални врски што можат да влијаат на текот на судскиот процес и како тие може да бидат истражени.

Драган Павловиќ Латас:

Ќе биде интересно ова со ангажман на Артан Груби и судијата Беџети околу судскиот случај на Мијалков. За почеток може да се види чиј сопруг на судијка од Апелација е вработен во УБК, кога и под кои услови и која е неговата функција во триаголникот…

12-годишниот Сабах Сулејмани исчезнал денеска во Скопје, откако се качил во погрешен автобус

Детето е од Злокуќани, а утрово носело тегет јакна и зелен ранец. Исчезнувањето е пријавено во полиција. Роднините ги молат сите кои имаат некаква информација за тоа каде се наоѓа детето, да се јави во полиција или на телефонските броеви 071 936 707 и 071272629. Тие повеќе од седум часа не знаат каде е момчето.

Против поранешен директор на Фондот за иновации и технолошки развој е поднесена кривична пријава за нереализиран проект на фирмата Хојо тек од Струга. Се работи за проектот наречен Грин Хојо, кофинансиран од Фондот за иновации и технолошки развој (ФИТР). Проектот бил за собирање податоци преку IoT-уреди за да се искористи решението за паметен дом за да се направи енергетски поефикасна канцеларија/куќа/стан.

Постои основано сомневање дека Фондот е оштетен за 4.000.000 денари, затоа што е сторена „злоупотреба на службена положба“ од страна на поранешно ракoводно лице, директорот Фестим Халили. Корисникот иако не ги испочитувал обврските од договорот и правилникот, директорот Халили не го раскинал договорот, а исплатите се етапно завршени. За корисникот Хојо Тек и одговорното лице Дашмир Истрефи има сомневање за сторено казнено дело „измама“. Одговорното лице како трошоци со коишто ги правда добиените средства, прикажува едни фактури, за потоа да ги корегира на барање на овластен ревизор – како доставување на трошок за закупнина и слично. Тоа го прави со цел да го доведе во заблуда Фондот и да се стекне со имотна корист од 4.000.000 денари. Од досега пронајдените докази, постои сомневање дека од самиот почеток на проектот има внатрешна соработка помеѓу раководно лице и лица вработени во ФИТР и корисникот кој го добил грантот од 4.000.000 денари, па понатамошната истрага може да докаже основано сомневање и за други дела.

Од ревизијата на работата на ФИТР, произлезе уште една кривична пријава, исто така против поранешен директор на Фондот, Коста Петров.

Во овој случај се работи за проект на Фротирка АД Делчево финансиран од ФИТР, незавршен проект, исплатен, а без никаква соодветна реакција од раководното лице, во случајот поранешниот директор на ФИТР Коста Петров.