Наближуваат новогодишните празници, а со тоа голем дел од политичарите сакаат на граѓаните да им покажат дека и тие, иако се функционери, сепак уживаат во скапоцени семејни мигови.

Па така, градоначалникот на Кисела Вода, Орце Георгиевски, на фејсбук покажа како изгледа неговата елка, која ја украсуваше заедно со неговата сопруга и синот Ведран.

„Доаѓаат најубавите денови од годината, денови на радост и дом исполнет со среќа.

Во нашиот, за волшебната новогодишна магија главната улога му припаѓа токму на Ведран кој со нетрпение го чека овој период од годината. Новогодишните и Божиќните празници кои се на самиот праг, носат едно посебно чувство на топлина и хармонија во семејството – кај децата посебна возбуда и прекрасни спомени додека пак ние, повозрасните, уживаме во нивната насмевка и среќа.

Бесценети моменти!

Така е и вечерва кај нас, во нашиот скромен но топол дом.

Елката ја накитивме, а поставени се и магичните чорапчиња на Ведран во кои чека Дедо Мраз да му остави подарок.

Сѐ е подготвено!

Ова се, почитувани мои, исто така и денови на човечка сплотеност и поддавање рака. 

Затоа, да бидеме луѓе помеѓу луѓето во овој турбулентен свет на предизвици и да си помагаме искрено и од срце, да ги негуваме вистинските вредности, оние на кои нѐ учеле нашите родители, баби и дедовци.

Да си помогнеме и да се грижиме еден за друг, бидејќи нема повозвишено чувство кога токму ти си причина за нечија насмевка, кога знаеш дека твојот мал гест некому предизвикал моменти на среќа. 

Бог да подари огромна радост, бериќет, среќни мигови и топлина во секој дом! “, напиша тој на фејсбук.