Претседателката на Република Македонија, Гордана Сиљановска Давкова, денеска го отвори кабинетот за најмладите, претворајќи го дворот во сцена исполнета со детска енергија и љубопитност. Свечената церемонија на менување на државното знаме, организирана за ученици, беше симбол на патриотизмот и градењето на свеста за значењето на татковината уште од најмали години.

„Денеска Кабинетот го огреа детска светлина, а дворот грмеше од детски џагор. Македонското државно знаме се вееше на сите страни, вриеше како во кошница,“ изјави Сиљановска Давкова.

Претседателката се соочи со безброј прашања од децата – од тоа како изгледа еден претседателски ден, до прашањето дали ќе ги посети нивните училишта. Настанот ја потврди нејзината определба за приближување на институцијата до граѓаните, особено до младите генерации.

„Си заминаа, ама ми останаа во мислите!“ заклучи претседателката, која го нагласи значењето на ваквите иницијативи за градење на врската меѓу институциите и идните генерации.

На свечена церемонија исполнета со инспиративна атмосфера и многу позитивна енергија, во Музејот на македонската борба во Скопје, денеска се одржа прогласувањето на победничките во македонскиот избор за Жена на годината 2024.

Наградени беа вкупно 10 дами, кои со својот професионален и општествен ангажман секојдневно и во континуитет поставуваат високи стандарди на деловно и етичко однесување и оствариле забележителни резултати во годината што одминува.

Изборот за „Жена на годината“ започна со онлајн номинирање кое беше отворено за целата домашна јавност, при што беа поднесени вкупно 437 номинации. Од сите нив беше формирана листа на финалистки, по 5 во секоја категорија, за кои потоа гласаше жири-комисија составена од претставници на медиуми, образовни институции, организатори и соработници.

Лауреатот македонска Жена на годината 2024 го понесе Елена Пандева (ELENA LUKA), авангардна македонска дизајнерка, но и сопственик и генерален менаџер на повеќе компании од различни индустрии.

Во продолжение, следува листата со овогодинешните победнички во сите категории од изборот „Жена на годината 2024“:

1. Жена на годината – Елена Лука

2. Жена со трајни вредности – Зорана Костовска

3. Жена менаџер на годината – Никица Мојсоска – Блажевски

4. Жена со најголеми достигнувања во науката и технологијата – Јехона Спахиу Јанчевска

5. Млада жена менаџер на годината (до 40 години) – Зорица Бужаровска Бошковска

6. Жена со најголеми достигнувања во културата – Маја Андоновска Илијевски

7. Жена со најголеми достигнувања во спортот – Милијана Релиќ

8. Жена со најголеми достигнувања за општеството – Фатма Бајрам Аземовска

9. Жена со најдобар стил – Вера Мештеровиќ

10. Инфлуенсерка на годината – Ема Блажеска (@emmwandera)

Во конференцискиот дел на настанот, свои предавања одржаа: Сања Митровска (Networker); Елена Панова (А1) и Хелена Кодрич Мори. Во панел дискусијата која беше модерирана од Проф. Д-р Маја Кузмановска учествуваа: Биљана Шеновска – Генерален менаџер на ИТД Дистрибуција, Ана Секуловска – Програмски директор во Startup Club Скопје и Елена Лука .

Организатори на „Жена на годината“ се Маркетинг365 и Касиа Евентс. Овогодишни покровители на настанот се: Инфософт Груп, Ананас, Империјал

Тобако, Фабу, Мартимекс, Версаче, ICON, Тиквеш, Енерџи Студио, Нескафе, Бизнис Академија Смилевски, Пакомак, Савекс, Семанта, Влашичка Роса, Ива-про Биромаркет и други.

Вчера околу 11:30 часот во Полициската станица Струмица било пријавено дека при извршување градежни работи на објект на улица „Братство Единство“ во Струмица, З.Б.(60) од село Вешала, тетовско, паднал и од здобиените повреди починал на местото, соопштија денеска од СВР Струмица.

Смртта ја констатирал лекар од Медицински центар Струмица, а увид на местото на несреќата извршиле јавен обвинител од ОЈО Струмица, инспектор од Државен трудов инспекторат и екипа на СВР Струмица.

По наредба на јавен обвинител телото на починатиот било предадено на обдукција.